موبد

موبد زرتشتیت میں اعلیٰ مقام کا ایک عہدے دار ہوا کرتا تھا جو مذہبی فرائض کی ادائیگی کے لیے آتش کدہ میں موجود رہتا تھا۔ وہ عموماََ زرتشتیت کے دوسرے پجاریوں کو تعلیم دیتا تھا تا کہ وہ عوام تک اپنے مقام کو بہتر بنا سکیں۔ زرتشتیت کی مشہور رسم یسنہ بھی موبد ہی سر انجام دیتا تھا۔

عہدہ

فارسی میں مُوبَد، عربی میں مُوبِذ یا مَوبِذ کہا جاتا ہے۔ زرتشتیت میں یہ عہدہ آتش پرستوں یعنی مجوسیوں کے پیشوا کا ہوتا تھا جو اِس مذہب کا دانشمند یا عالم ہوتا تھا۔ اِس پیشوا سے بڑا عہدے دار مُوبَدِ مُوبدَان ہوتا تھا جسے زرتشتیت میں اعلیٰ ترین پیشوا سمجھا جاتا تھا جس کے ماتحت تمام مُوبد ہوا کرتے تھے۔ زرتشتیت میں موبد ایک عہدہ تھا جس پر حکومت وقت بالخصوص ساسانی سلطنت اور سلطنت اشکانیان میں شہنشاہِ فارس ہی کسی فاضل شخص کو اِس عہدہ پر فائز کرتا تھا۔ ہندوستان میں یہ عہدہ مردوں کے لیے خاص تھا ایران اور شمالی امریکا میں زرتشتیت کی آبادی میں موبد کے ساتھ ساتھ خاتون بطور نائب موبد کا بھی تذکرہ ملتا ہے۔

مزید دیکھیے

• ساسانی سلطنت
• سلطنت اشکانیان
• زرتشتیت