مہا رشی مہیش یوگی
مغربی دنیا کو’یوگ‘ اور ’دھیان‘ سے متعارف کرانے والے ہند نژاد روحانی گرو۔ مہا رشی یوگی کی پیدائش ہندستان کی ریاست مدھیہ پردیش (اب چھتیس گڑھ) میں 12 جنوری 1917ء کو ہوئی تھی اور روحانی دنیا میں قدم رکھنے سے قبل انھوں نے طبی علم حاصل کیا تھا۔
مہا رشی مہیش یوگی | |
|---|---|
 مہا رشی مہیش یوگی، 1978 | |
| ذاتی | |
| پیدائش | مہیش پرساد ورما 12 جنوری 1918 |
| وفات | 5 فروری 2008 (عمر 90 سال) |
| مذہب | ہندومت |
| قومیت | بھارتی |
| بانئ | Transcendental Meditation movement Global Country of World Peace |
| فلسفہ | Transcendental Meditation |
| مرتبہ | |
| گرو | Brahmananda Saraswati |
یوگ کی تعلیم
ترمیمتعلیم حاصل کرنے کے بعد انیس سو چالیس اور پچاس کے عشرے میں وہ ہمالیہ میں اپنے گرو دیو سے یوگ کی تعلیم حاصل کی اور یوگی بن کر روحانی دنیا کے لیے اپنے آپ کو وقف کر دیا۔
یوگ کا پرچار
ترمیمرشی نے یوگ اور دھیان کے ذریعہ بہتر صحت اور روحانی تعلیم کے وعدے کے ساتھ یوگ کی دنیا میں قدم رکھا اور ان سے بڑی تعداد میں مشہور شخصیتیں منسلک ہوئیں۔ وہ ایک خاص قسم کے یوگ ’ٹرانسینڈل میڈیٹشن‘ کراتے تھے جو ایک دماغی ورزش ہے جس سے انسان اپنی شعور کی تہوں تک پہنچ سکتا ہے۔
امریکا میں یوگ
ترمیممہا رشی نے یوگ کی اپنی تکنیک کو 1959 میں امریکا میں متعارف کرایا تھاکہ لیکن 1968 سے پہلے یہ دنیا میں مقبول نہیں ہو سکا تھا۔ جب ’ہپی تحریک‘ کے دوران بیٹلز ہندوستان آئے تو وہ ان سے متاثر ہو گئے اور اس کے ساتھ ہی گرو بھی پوری دنیا میں مقبول ہوگيے لیکن بعد میں بینڈ نے ان سے ناتا توڑ لیا۔
فلاحی کام
ترمیمدنیا کے کئی ممالک میں تعلیم، تجارت اور فلاح و بہبود کے اداروں میں اعصابی تناؤ سے نجات کے لیے لوگ اس یوگ کو اپناتے رہے اور پوری دنیا میں ان کے مریدوں کی تعداد تقریبا پچاس لاکھ ہے۔ مہا رشی نے یوگ کی تعلیم اور عطیات سے ملنے والی رقوم سے نیدر لینڈ سمیت دنیا کے متعدد مقامات پر کئی ’امن محل‘ یعنی میڈیٹیشن سنٹرز کھولے اور کئی یونیورسٹیاں بھی قائم کیں۔