نعمان اعجاز

نعمان اعجاز پاکستان سے تعلق رکھنے والے ٹیلیوژن اور فلمی اداکار ہیں۔ وہ 14 فروری 1965 کو لاہور میں پیدا ہوئے۔ وہ پی ٹی وی کے سینیئر ترین اداکاروں میں سے ایک ہیں۔ ان کو شہرت ڈراموں میں اداکاری سے ملی۔ آج کل وہ دنیا نیوز کے سیاسی مزاحیہ پروگرام مذاق رات کی میزبانی کر رہے ہیں۔

نعمان اعجاز
تفصیل=
معلومات شخصیت
پیدائش	14 فروری 1965ء (59 سال)  لاہور
شہریت	پاکستان
مذہب	اسلام
عملی زندگی
مادر علمی	ڈویژنل پبلک اسکول جامعہ پنجاب فورمن کرسچین کالج
پیشہ	اداکار ،  فلم اداکار ،  ٹیلی ویژن اداکار
اعزازات
تمغائے حسن کارکردگی
	IMDB پر صفحات

ابتدائی زندگی

نعمان اعجاز لاہور کے علاقے اچھرا میں سنیما گھر کے مینیجر کے ہاں پیدا ہوئے۔ کیتھیڈل ہائی اسکول لاہور سے تعلیم کا آغاز کیا۔ فارمن کرسچن کالج اور قائد اعظم لا کالج سے تعلیم مکمل کی۔ ان کی زوجہ کا نام ربعہ ہے اور وہ تین بچوں کے باپ ہیں۔

عملی زندگی

انھوں نے اپنی عملی زندگی کا آغاز پی ٹی وی سے کیا اور اپنے ابتدائی ڈراموں میں ہی اپنا لوہا منوا لیا۔ بتدریج ترقی کرتے کرتے انھوں نے فلموں میں بھی کام کیا اور آج کل وہ تقریباً ہر ٹی وی چینل کی زینت بنے ہوئے ہیں۔ انھیں بین الاقوامی شہرت حاصل ہے اور وہ کئی غیر ملکی پروگراموں میں مہمانِ خصوصی رہ چکے ہیں۔