ونیش پھوگاٹ

ونیش پھوگاٹ (پیدائش 25 اگست 1994)ایک بھارتی خاتون پہلوان ہے۔ وہ کامن ویلتھ اور ایشین گیمز دونوں میں طلائی تمغا جیتنے والی پہلی بھارتی خاتون پہلوان بن گئیں۔وہ واحد بھارتی خاتون پہلوان ہیں جنھوں نے عالمی ریسلنگ چیمپئن شپ میں متعدد تمغے جیتے۔ پھوگاٹ 2019ء میں لاریئس عالمی اسپورٹس ایوارڈز کے لیے نامزد ہونے والے پہلی بھارتی کھلاڑی تھیں۔ پھوگاٹ پہلوانوں کے ایک کامیاب خاندان سے تعلق رکھتی ہیں، ان کی فیملی میں ان کے کزن بھی بین الاقوامی پہلوان ہیں اور ان میں دولت مشترکہ کھیلوں کے تمغے جیتنے والے بھی ہیں۔

پھوگاٹ اگست 2022ء میں
ذاتی معلومات
قومیت	بھارت
پیدائش	(1994-08-25) 25 اگست 1994 چرخی دادری, ہریانہ, بھارت
قد	159 سینٹی میٹر (5 فٹ 3 انچ)
وزن	56 کلوگرام (123 پونڈ)
کھیل
ملک	بھارت
کھیل	فری اسٹائل ریسلنگ
ایونٹ	48 کلو/50 کلو/53 کلو
کوچ	مہاویر سنگھ پھوگاٹ/وولر اکوس
کامیابیاں اور اعزازات
اعلی ترین عالمی درجہ بندی	1
تمغے خواتین کی فری اسٹائل ریسلنگ نمائندگی بھارت موقع اول دوم سوم ورلڈ ریسلنگ چیمپین شپس - - 2 ایشین گیمز 1 - 1 کامن ویلتھ گیمز 3 - - ایشین ریسلنگ چیمپئن شپ ایشین چیمپئن شپ 1 3 4 مجموعہ 4 1 6 ورلڈ ریسلنگ چیمپین شپسانچہ:تمغہ 2019 Nur-Sultan 53 kg Asian Games 2018 Jakarta 50 kg 2014 Incheon 48 kg Commonwealth Games 2014 Glasgow 48 kg 2018 Gold Coast 50 kg 2022 Birmingham 53 kg Asian Championships 2021 Almaty 53 kg 2015 Doha 48 kg 2017 New Delhi 55 kg 2018 Bishkek 50 kg 2013 New Delhi 51 kg 2016 Bangkok 53 kg 2019 Xi'an 53 kg 2020 New Delhi 53 kg Youth Wrestling Championship 2013 Johannesburg 51 kg
تجدید شدہ بتاریخ 20 اگست 2018ء

ونیش پہلوان راجپال پھوگٹ کی بیٹی اور پہلوان گیتا اور ببیتا کی کزن ہیں۔2014ء 2018ء اور 2022ء کامن ویلتھ گیمز میں گولڈ میڈل جیتنے والی ونیش پھوگاٹ واحد انڈین خاتون پہلوان ہیں جنھوں نے ورلڈ ریسلنگ چیمپئن شپ کے مختلف مقابلوں میں متعدد تمغے جیتے ہیں۔ پھوگاٹ 2019ء میں لاریئس ورلڈ سپورٹس ایوارڈز کے لیے نامزد ہونے والے پہلی انڈین کھلاڑی بنیں۔ انھوں نے 2013ء سے ہونے والے ہر ایشین ریسلنگ چیمپیئن شپ میں سونے، کانسی یا طلائی تمغا حاصل کیا ہے اس کے علاوہ 28 برس کی ونیش پھوگاٹ ایشین گیمز 2018ء میں بھی گولڈ میڈل حاصل کرچکی ہیں۔ وہ معروف ریسلنگ کوچ اور سابق ریسلر مہاویر پھوگاٹ کی بھانجی اورچیمپیئن ریسلرز گیتا اور ببیتا پھوگاٹ کی کزن ہیں۔ مہاویر پھوگاٹ نہ صرف گیتا اور ببیتا پھوگاٹ کے والد اور کوچ ہیں بلکہ ونیش کی کوچنگ بھی انھوں نے ہی کی ہے۔گیتا نے 2010ء کے کامن ویلتھ گیمز میں ویمن ریسلنگ میں 55 کلوگرام فری سٹائل زمرے میں انڈیا کا پہلا طلائی تمغا جیتا تھا اور اولمپکس کے لیے کوالیفائی کرنے والی پہلی انڈین خاتون پہلوان بھی بنیں۔ ان کی بہن ببیتا کماری نے 2012ء ورلڈ ریسلنگ چیمپین شپ میں کانسی کا تمغا جیتا تھا اور 2014ء میں ہونے والی کامن ویلتھ گیمز میں سونے کا تمغا جیتا۔ مہاویر پھوگاٹ کی زندگی پر بننے والی فلم دنگل میں ان کا کردار عامر خان نے ادا کیا تھا۔ اس فلم میں مہاویر پھوگاٹ کی اپنی زندگی کی کہانی اور دونوں بیٹیوں کی ٹریننگ سے لے کر گولڈ میڈل حاصل کرنے تک کے سفر کو دکھایا گیا ہے۔ اس کے دونوں کزنز نے 55 کلو گرام میں طلائی تمغا جیتا ہے۔کامن ویلتھ گیمز میں اپنے کزنز اور خود کو مسابقتی کشتی میں حصہ لینے کی اجازت دینے میں، اس کے والد اور چچا کو ہریانہ میں اپنے گاؤں میں کمیونٹی کے بے پناہ دباؤ اور مخالفت کا سامنا کرنا پڑا۔ ان کا کھیل میں حصہ لینا برادری کے اخلاق اور اقدار کے خلاف قرار دیا گیا۔ اس کی کزن، ریتو پھوگاٹ ، بھی ایک بین الاقوامی سطح کی ریسلر ہے اور اس نے 2016ء کامن ویلتھ ریسلنگ چیمپئن شپ میں طلائی تمغا جیتا ہے۔

13 دسمبر 2018ء کو، اس نے اپنے دیرینہ دوست اور ساتھی پہلوان سوم ویر راٹھی سے شادی کی جو جند ضلع کے بختہ کھیرا گاؤں کے ہیں، جو قومی چیمپئن شپ میں دو بار گولڈ میڈلسٹ ہیں۔ یہ جوڑا 2011ء سے ایک دوسرے کو جانتا تھا اور دونوں ہندوستانی ریلوے کے لیے کام کرتے ہیں جہاں ان کی ملاقات ہوئی اور دونوں ایک دوسرے کی محبت کا شکار ہو گئے۔ وہ ریو اولمپکس میں اپنے گھٹنے میں کیریئر کے لیے خطرناک چوٹ کا شکار ہوگئیں۔

ونیش پھوگاٹ کی جانب سے بھارت کی ریسلنگ فیڈریشن کے سربراہ صدر برج بھوشن سنگھ سمیت دیگر کوچز پر خواتین ریسلرز کو جنسی طور پر ہراساں کرنے کے الزامات لگائے گئے جس نے ایک مرحلے پر سنسنی پھیلا دی ونیش پھوگاٹ نے دعویٰ کیا کہ ان کے سامنے کم از کم 10 خواتین کھلاڑیوں نے اس بات کا اعتراف کیا ہے کہ برج بھوشن سنگھ نے ان کا جنسی استحصال کیا ہے۔ بی جے پی سے تعلق رکھنے والے برج بھوشن سنگھ پر یہ الزامات انھوں نے انڈیا کے دار الحکومت دلی میں ڈبلیو ایف آئی کے خلاف ایک احتجاج کے دوران لگائے۔ دوسری جانب ریسلنگ فیڈریشن کے صدر برج بھوشن سنگھ نے اپنے اوپر لگائے جانے والے ان الزامات کی تردید کی۔