پھلوں کی سلاد

پھلوں کی  سلاد ایک ہلکی پھلکی ڈش ہے جو مختلف قسم کے پھلوں سے تیار ہوتی ہے۔  بعض اوقات اسے مائع شکل میں بھی پیش کیا جاتا ہے جب اسے پھلوں کے رس یا شربت  سے تیار کیا جاتا ہے اور اس میں پھلوں کے ٹکڑوں شامل کر دیے جاتے ہیں۔ مختلف شکلوں میں، پھلوں کی سلاد کو بھوک بڑھانے یا میٹھے کے طور پر پیش کیا جاتا ہے۔ جب اسے بھوک بڑھانے یا میٹھے کے طور پر پیش کیا جاتا ہے، تو پھلوں کے سلاد کو بعض اوقات فروٹ کاک ٹیل(اکثر ڈبے میں بند )کے نام سے جانا جاتا ہے۔

کیوی فروٹ، اسٹرابیری، بلو بیری، انناس، کیلے اور نارنگی کے ساتھ فروٹ سلاد

فروٹ سلاد کا ایک پیالہ

پھلوں کی سلاد کی  کئی ترکیبیں  موجود ہیں جن میں مختلف قسم کے پھل موجود  ہوتے ہیں یا جو پھلوں کے اپنے رس یا شربت کے علاوہ مختلف قسم کی چٹنیوں کی مدد سے تیار کی جاتیں ہیں۔ پھلوں کے سلاد میں استعمال ہونے والے عام اجزاء میں اسٹرابیری، کیلا، انناس، شہد، تربوز، انگور اور کیوی فروٹ شامل ہیں۔ مختلف ترکیبیں میوے، پھلوں کے رس، کچھ سبزیاں جیسے آلو بند گوبھی، دہی یا دیگر اجزاء کے استعمال سے بنتی ہیں۔

فروٹ کاک ٹیل

فروٹ کاک ٹیل اکثر بندڈبے میں فروخت کیا جاتا ہے لیکن اسے تازہ بھی بنایا جا سکتا ہے۔ نام میں لفظ "کاک ٹیل" کے استعمال کا مطلب یہ نہیں ہے کہ اس میں الکحل  شامل ہے، بلکہ اس سے مراد ثانوی تعریف ہے: "پھل کے ٹکڑوں یا سمندری غذا کو ملا کر بھوک پیدا کرنے والی غذا"۔

ریاست ہائے متحدہ نے یہ شرط عائد کی ہے کہ ڈبے میں بند "فروٹ کاک ٹیل" میں ناشپاتی، انگور، چیری، آڑو اور انناس کی ایک خاص فیصد تقسیم ہونی چاہیے تاکہ فروٹ کاک ٹیل کے طور پر اس تشہیر کی جائے۔ پھلوں کی تقسیم مندرجہ ذیل فیصد سے ہوتی ہے:

30% سے %50 تک کٹے ہوئے آڑو، کوئی بھی پیلے قسم کے

25% سے %45 تک کٹی ہوئی ناشپاتی، کوئی بھی قسم کی

6% سے %16 انناس، کوئی بھی قسم کے

6% سے %20 پورے انگور، بغیر بیج والی قسم کے

2% سے %6 چیری کے حصے، کوئی بھی ہلکی میٹھی یا مصنوعی طور پر رنگین سرخ قسم  کی)

اجزاء

پھلوں کی  سلاد بنانے کے لیے مندرجہ ذیل اجزاء کی ضروت ہوتی ہے:

• اسٹرابیری
• انناس
• شہد
• تربوز
• انگور
• کیوی
• کیلا
• آم
• گری دار میوے
• پھلوں کے رس
• آلو بند گوبھی
• دہی
• کریم
• چینی
• فروٹ کاک ٹیل