چلتا پرزہ (ناول)

چلتا پرزہ ہسپانوی زبان کا 1554ء میں شائع ہونے والا ایک ناول ہے۔ اس کا اصل مصنف نامعلوم ہے، کیوں کہ ناول مذہبی طبقے پر طنز ہے۔ اس کی دستیاب تینوں قدیم اشاعتیں 1554ء کی ہیں، جو الکالا دے ایناریس، بورگوس اور انتورب سے شائع ہوئیں۔ ناول کو یورپ کا پہلا حقیقت پسندانہ ناول کہا جاتا ہے۔ ناول کا مرکزی کردار ایک عیار لڑکا ہے، جس کا واسطہ بھی ایسے ہی لوگوں سے پڑتا ہے جو کنجوس، مکار یا ظاہر دار ہیں۔ 1559ء میں ناول پر ہسپانوی کلیسیا نے پابندی لگا دی۔ جس سے اس کا مزید چرچا ہوا اور سولہویں صدی میں اس کا یورپ کی کئی بڑی زبانوں میں ترجمہ ہو کر عوام میں مقبول ہو گیا۔

چلتا پرزہ (ناول)
(ہسپانوی میں: La vida de Lazarillo de Tormes)
اصل زبان	ہسپانوی
ادبی صنف	بدمعاشوں سے متعلق ناول
تاریخ اشاعت	1554

کہانی

اس ناول کی کہانی ایک بچے کے گرد بُنی گئی ہے جس کی ماں اُس کی کفالت سے بچنے کے لیے اُسے ایک اندھے فقیر کے ساتھ روانہ کردیتی ہے۔ بچہ فقیر کے ساتھ اپنی چستی کے اعتبار سے نہلے پر دہلا ثابت ہوتا ہے۔ اندھے کی جملہ عیاریوں کو اپنی بصیرت سے چت کرتا ہے اور موجود حالات میں زندگی کو اپنے لیے گوارا بناتا ہے۔ اندھے کے بعد لاتارلیو کا واسطہ ایک پادری سے پڑتا ہے۔

مزید دیکھیے

• چھوٹے کالے سمبو کی کہانی