کتابیات احمد رضا خان بریلوی

احمد رضا خان ان چند شخصیات میں سے ایک ہیں جنھوں نے کثرت سے تصنیفی کام کیا، ان کی تصانیف کی تعداد ایک ہزار سے زائد بیان کی جاتی ہے، جو اردو، عربی فارسی میں ہیں، جو صرف خاص اسلامی موضوعات پر ہی نہیں، بلکہ دیگر علوم قدیمہ اور جدید سائنسی علوم پر بھی ہیں۔ احمد رضا خان صاحب کی بعض کتب کا ترجمہ دیگر زبانوں میں بھی ہوتا رہا ہے اور ہنوز یہ سلسلہ جاری ہے، کنزالایمان جو قرآن کا ترجمہ ہے، اس اردو ترجمہ کو ہی دس سے زائد بار مختلف زبانوں میں ترجمہ کیا جا چکا ہے۔ فتاویٰ رضویہ تینتیس جلدوں میں ہے، جس میں تین سو سے زائد رسائل اور ہزاروں سوالات کے جوابات شامل ہیں۔ آپ کی کتب کے عام طور پر نام، تاریخی (علم اعداد کی رو سے ) ہیں۔ جس سے کتاب کا سن تصنیف معلوم ہو جاتا ہے۔

عبد المبین نعمانی اپنی کتاب میں لکھتے ہیں کہ:

تصانیف خاصہ جن کے نام تاریخی ہیں۔
وہ تصانیف خاصہ جن کے نام تاریخی نہیں۔
تصنیفات احباب جن و قدسی اصحاب جن کے نام تاریخی ہیں۔
وہ تصانیف احباب جن کے نام تاریخی نہیں۔

قرآنیات

نمبر شمار	نام	سن	زبان	مطبع/ناشر	موضوع/کیفیت
1	کنزالایمان فی ترجمہ القرآن	1330ھ	اردو	رضا اکیڈمی ممبئی	اردو میں ترجمہ قرآن
2	تفسیر سورۂ والضحی		اردو	غیر مطبوعہ	80 جز میں بعض آیات کی تفسیر
3	تفسیر باءبسم للہ		اردو	مکتبہ رضویہ، کراچی	حیات اعلیٰ حضرت میں شامل
4	انباءالحی ان کتابہ المصون بتیان لکل شے	1326ھ	عربی	مطبع اہلسنت، بریلی	قرآن میں سب کچھ ہونے کا بیان
5	الصمصام علی مشکک فی آیۃ علوم الارحام	1315ھ	اردو	تحفہ حنیفہ، پٹنہ	علم مافی الارحام سے متعلق ایک پادری کا رد
6	المحجۃ المؤتمۃ فی آیۃ الممتحۃ	1339ھ	اردو	مطبع حسنی، بریلی	ترک موالات سے متعلق غلط فہمیوں کا ازالہ
7	النفحہ الفاتحۂ من مسک سورۃ الفاتحہ	1315ھ	اردو	غیر مطبوعہ	سورہ فاتحہ کے فضائل
8	نائل الراح فی فرق الریح والریاح	1306ھ	فارسی	=	اطلاق ریح و ریاح کا فرق
9	الزلال الانقیٰ من بحر سبقۃ الاتقیٰ	1300ھ	عربی	مکتبہ سنی دنیا، بریلی	ابوبکر صدیق کی افضلیت کا بیان
10	انوارالحلم فی معانی میعاداستجب لکم	1309ھ	فارسی	غیر مطبوعہ	اجابت دعا کے معنی اور اس کی مدت کا بیان
11	حاشیہ تفسیر بیضاوی		عربی	غیر مطبوعہ
12	حاشیہ تفسیر خازن		عربی	غیر مطبوعہ
13	حاشیہ عنایۃ القاضی		عربی	غیر مطبوعہ
14	حاشیہ درالمنثور		عربی	غیر مطبوعہ
15	معالم التنزیل		عربی	مرکزی مجلس رضا، لاہور	اصل عربی متن مع اردو مختصر تشریح
16	حاشیہ الاتقان للسیوطی		عربی	غیر مطبوعہ
17	جالب الجنان فی رسم احرف من القرآن		اردو	غیر مطبوعہ	قرآن کے بعض کلمات کے رسم خط کی تحقیق

عقائد اسلام

جزاء اﷲ عدو بآباہ ختم النبوۃ: یہ رسالہ 1317ھ میں تصنیف ہوا۔ اس میں عقیدہ ختم نبوت پر 120 حدیثیں اور منکرین کی تکفیر پر ائمہ کی تیس تصریحات پیش کی گئی ہیں۔
السوء والعقاب علی المسیح الکذاب: یہ رسالہ 1320ھ میں اس سوال کے جواب میں تحریر ہوا کہ اگر ایک مسلمان مرزائی ہو جائے تو کیا اس کی بیوی اس کے نکاح سے نکل جائے گی؟ احمد رضا خان نے دس وجوہات سے مرزا غلام قادیانی کا کفر ثابت کر کے احادیث کے نصوص اور دلائل شرعیہ سے ثابت کیا کہ مسلمہ عورت کا نکاح باطل ہو گیا۔ وہ اپنے کافر مرتد شوہر سے فورا علاحدہ ہو جائے۔
قہرالدیان علی فرقہ بقادیان: یہ رسالہ 1323ھ میں تصنیف ہوا۔ اس میں مرزا غلام احمد اس کی کتابوں کے اقوال کا رد ہے جو عیسٰی اور ان کی والدہ مریم سے متعلق ہیں۔ اس کتاب میں ان کی پاکی و طہارت اور ان کی عظمت کو اجاگر کیا گیا ہے۔
المبین ختم النبین: یہ رسالہ 1326ھ میں اس سوال کے جواب میں تصنیف ہوا کہ ’’خاتم النبین میں لفظ النبین پر جو الف لام ہے‘ وہ مستغرق کا ہے۔ یہ عہد خارجی کا ہے۔ احمد رضا نے دلائل کثیرہ سے ثابت کیا ہے کہ اس پر الف لام استغراق کا ہے اور اس کا منکر کافر ہے۔
الجزار الدیان علی المرتد القادیان: یہ رسالہ 3 محرم الحرام 1340ھ کو ایک استثنیٰ کے جواب میں لکھا گیا اور اس سال 25 صفر المظفر 1340ھ کو آپ کا وصال ہوا۔
الدولة مکیه بالمادة الغيبيه: یہ کتاب اثبات علم غیب رسول پر حرمین شریفین میں پانچ گھنٹوں میں بغیر دیگر کتب کی مدد سے لکھا گیا۔

مزید دیکھیے

حوالہ جات

المجمل المعدد لتالیفات المجدد، محمدظفرالدین بہاری مرتب، لاہور: مرکزی مجلس رضا، 1394ھ۔32ص
المصنفات الرضویہ یعنی تصانیف امام احمد رضا، محمد عبد المبین نعمانی، چریا کوٹ، مئو، بھارت