ہما صفدر

ہما صفدر ایک استاد، آرٹسٹ، تھیٹر فنکار اور نسوانی تھیٹر "سنگت" کی ڈائریکٹر ہیں۔ بحیثیت آرٹسٹ ، انھوں نے اجوکا تھیٹر اور پنجاب لوک رہس کے ساتھ بھی کام کیا۔ انھوں نے لاہور گرائمر اسکول میں بطور آرٹ اور پنجابی زبان کی استاد کی حیثیت سے پڑھایا ہے۔ انھوں نے پنجابی تھیٹر، ادب اور لوک داستانوں کے فروغ کے لیے بہت کام کیا ہے۔ وہ تیس سال سے تھیٹر کا کام سے منسلک ہیں۔

ہما صفدر
ہما صفدر
معلومات شخصیت
قومیت	پاکستان
عملی زندگی
مادر علمی	نیشنل کالج آف آرٹس، لاہور
پیشہ	استاد، تھیٹر فنکار
کارہائے نمایاں	پنجابی نسوانی تھیٹر "سنگت" کی ہدایتکار

ابتدائی زندگی اور کیریئر

ہما نے 1981 میں نیشنل کالج آف آرٹس، لاہور میں داخلہ لیا اور امتیاز کے ساتھ فائن آرٹس میں گریجویشن کی۔ انھوں نے وہاں پینٹنگ کرنا سیکھی۔ ضیاء الحق کے آمریت کے دور میں ایک طالب علم کی حیثیت سے، انھوں نے پنجابی زبان، خواتین، اقلیتوں اور زیر استحصال مزدور طبقے کے حق کے لیے سیاست کی۔ وہ سوشلسٹ نسواں پنجابی تھیٹر میں فنکار بن گئیں۔

ہما نے سیاسی طور پر فعال گھرانے میں جنم لیا۔ ان کے والد صفدر رشید اور چچا انور رشید مزدور کسان پارٹی کے ارکان تھے اور ان کے ساتھ وہ کئی بار احتجاج میں شامل ہوئیں۔ ہما کے شوہر اکرم وڑائچ ایک پینٹر اور شاعر بھی ہیں جو معاشرے اور مضبوط جمہوری روایت کو قائم کرنے کے بارے میں مشترکہ خدشات کا اظہار کرتے ہیں۔ دونوں نجم حسین سید کے تھیٹر گروپ "سنگت" کے سرگرم رکن ہیں جہاں پنجابی صوفی شاعری اور سکھ گرووں کے کلام کو پڑھا اور گایا جاتا ہے۔ان کا ایک بیٹا ہے جس کا نام راول ہے۔

ہما نے امرا کے ایک اسکول، لاہور گرائمر اسکول میں آرٹس ٹیچر کی حیثیت سے کام کیا۔ زبان کے کارکن کی حیثیت سے، صفدر کی کاوشوں نے دو طریقوں سے کام کیا: طلبہ کے لیے پنجابی زبان اور پنجابی تھیٹر کی استاد کے طور پہ اور اسکول کے نصاب میں پنجابی زبان کو متعارف کروا کے۔ انھوں نے پانچویں جماعت سے اوپر کی جماعتوں کے لیے پنجابی زبان متعارف کروائی جہاں وہ پڑھاتی تھیں۔ پنجاب میں کوئی پنجابی میڈیم اسکول نہیں ہے جب کہ 50 فیصد سے زیادہ پاکستانی پنجابی بولتے ہیں۔ وہ ڈرامے کے انعقاد سے قبل اپنے طالب علموں کو تھیٹر کی کارکردگی کے لیے دو ماہ کی شدید ورکشاپ فراہم کرتی ہیں۔ وہ مدیحہ گوہر کے اجوکا تھیٹر گروپ میں بطور اداکارہ شامل ہوگئیں ۔ بعد میں، انھوں نے اپنا ایک گروپ ،" لوک ریہس" تشکیل دیا ، جس نے معاشرتی معاملات پر شعور اجاگر کرنے اور روایات اور لوک داستانوں کو دوبارہ دریافت کرنے کا بیڑا اٹھایا۔

پنجابی فیمنسٹ تھیٹر

بحیثیت آرٹسٹ، ہما نے اجوکا تھیٹر میں کام کیا۔ انھوں نے تھیٹر پنجاب لوک رہس کا آغاز کیا اور روایتی اور پنجابی لوک داستانوں کے ذریعہ طبقاتی اور خواتین کے حقوق کے لیے جدوجہد کے بارے میں شعور اجاگر کرنے کے لیے ڈیڑھ دہائی تک اس کے ساتھ کام کیا۔ ایک آرٹ اسکول ٹیچر کی حیثیت سے انھوں نے ہائی اسکول کی لڑکیوں کے ساتھ عمدہ پنجابی ڈرامے پیش کرنے میں اپنی صلاحیتیں پیش کی ہیں۔ ہما حقوق نسواں تھیٹر "سنگت" کے ڈائریکٹر کے طور پر کام کرتی ہیں۔ سنگت کا آغاز نجم حسین سید اور ان کی اہلیہثمینہ سید نے لاہور، جیل روڈ پر، اپنے گھر میں چالیس سال قبل شروع کیا تھا، جواب تک بغیر کسی وقفے کے جاری ہے اور جہاں پنجابی شاعری کے گانے اور گفتگو کرنے کے لیے ہفتہ وار اجتماعات منعقد ہوتے ہیں۔ اس کے بعد یہ جمعہ کے روز ہر ہفتے مختلف مقامات پر جاری رہتا تھا۔

سنگت میڈیا کی توجہ سے کتراتی ہے اور غیر معروف طوری پہ فلسفیانہ اور سیاسی سیاق و سباق کو فروغ دینے پر مرکوز ہے۔ پھر بھی ، اس کی مقبولیت ان کی کچھ براہ راست پرفارمنس کے ذریعہ گردش کرتی رہی ہے۔ ہما، مصنف نجم حسین سید کو اپنا استاد مانتی ہیں اور ان کی بہت سی پروڈکشنز جیسے ہییر وارث شاہ، سسی پنوں اور اک رات راوی دی ، نجم سید کے لکھے ہوئے ڈرامے ہیں۔

بہت سے فنی اور ادبی میلوں میں ہما بطور پینللسٹ شامل ہوئیں اور وہاں ڈراموں کی ہدایت بھی کی۔

پنجابی ادب

ایک ترقی پسند کے طور پر، ہما کا خیال ہے کہ پنجابی صوفی ادب کا نچوڑ انسانی اور نسائی بنیادوں پر قائم ہے۔ پنجابی ادب ان کے تھیٹر کے کام کی اساس بن گیا، کیونکہ جب انھوں نے خواتین کی تحریکوں میں شمولیت اختیار کی تو آمریت کے دور، 1980 کے دوران قائم کردہ اصولوں کے خلاف نظریاتی، سیاسی اور معاشرتی موقف رکھتی تھی۔ اپنے تھیٹر "سنگت" کے ذریعہ، ہما نے پنجابی ادب کو عام لوگوں کے مسائل کے لیے شعور اجاگر کرنے کا انقلابی عمل قرار دیا ہے۔ انھوں نے کلاسک پنجابی متن جیسے ہیر دمودر، مرزا صاحباں، ہیر وارث شاہ، 'الفو پیرنی دی وار" ( چھ گھنٹے کا ڈراما) اور شاعری کی پریزنٹیشنز سمیت متعدد کلاسک اور جدید پنجابی ڈراموں کی ہدایت کی۔ انھوں نے تھیٹر کی کارکردگی میں خواتین کی شرکت کی حوصلہ افزائی کی اور چھوٹے شہروں سے لے کر بڑے شہروں تک، لڑکیوں کے اسکولوں اور خواتین کالجوں سے لے کر صوفی بزرگوں کے مزاروں تک مختلف مقامات پہ تھیٹر پرفارم کیا۔ وہ پنجابی شاعری پر بہت سی کتابیں لکھ چکی ہیں۔

ہما بحیثیت آرٹسٹ اور ایکٹوسٹ دونوں ہی کئی بار ہندوستان جا چکی ہیں۔

مشہور تھیٹر ڈرامے

صفدر نے مندرجہ ذیل ڈراموں کی ہدایت کی ہے: "ایویں نئی او گل" ”

"جوگی ہویکے آ"

"نانگ ول"

"ہیر رانجھا"

"وارث میاں لوکاں کملیاں نوں قصہ جور ہوشیار سنیا ہی"

"براہ تو سلطان"

"چھپن توں پہلاں"

معاشرے میں مزدور طبقے کی جدوجہد کے بارے میں اشعار پر مبنی "چوگ کسومنبے دی"۔ یہ ڈراما بلھے شاہ کی نظم "کافی" پر مبنی ہے ، جس میں سات خواتین کردار محنتی کھیت کی خواتین کے طور پر کام کرتی ہیں، کھیتوں سے پھول اٹھاتی ہیں لیکن یہ فائدہ تاجروں کی جیب میں چلا گیا، جس نے غریبوں اور مساکین کے لیے اقتصادی ناہمواری قائم کی۔

"رجنی"

"اک رات راوی دی"

"انی چنی دی ٹکی"

"نکڑ ناٹک" بلھے شاہ کی "کافی بس کر جی، بس کر جی، گل آساں نال ہس کر جی" پر مبنی ہے۔ "دیوا موندری"، نجم حسین نے لکھا ہے۔ یہ ڈراما معاشی پیداوار کے سرمایہ دارانہ نظام کی تنقید ہے۔ "قیداں دی وار" ملک کی ان گنت خواتین کارکنوں کے بارے میں ہے جنھیں مشکلات اور جیل کے حالات کا سامنہ کرنا پڑا لیکن انھوں نے ترقی پسند معاشرے کے لیے اپنے مشن کو جاری رکھا۔