ھُروب جس کو انگریزی میں escapement کہا جاتا ہے دراصل مختلف شعبۂ زندگی میں اپنے اپنے اعتبار سے استعمال کیا جانے والا ایک لفظ ہے مگر بنیادی طور پر اس کا مفہوم ہر جگہ ایک ہی رہتا ہے اور وہ ہے فرار، رہائی، ھروب اور escape وغیرہ۔ گو یہ مضمون علم طبیعیات میں ہروب کے استعمال سے متعلق ہے مگر ترک ابہام کی خاطر ذیل میں اس لفظ کے دیگر استعمالات بھی درج کیے گئے ہیں۔

  • ایک آلیہ (mechanism) جس میں عمومی طور پر ایک پہیا یا چرخی پر لگے تراسوں یا دندانوں کے ساتھ ایک لنگر ہوتا ہے جس سے ایک ایک دندانہ فرار یا ہروب حاصل کرتا رہتا ہے۔ یہی اس مضمون کا موضوع ہے اور اس کی مزید تفصیل نیچے آئے گی۔
  • فرار یا رہائی اور ہروب وغیرہ کا مفہوم ۔
  • ایک طبعہ نویس (typewriter) میں موجود وہ نظام جس سے وہ دوران تحریر خالی جگہیں یا فضاء بناتا ہے یا یوں کہ لیں کے تحریر کی جگہ کو سرکاتا ہے۔
  • حیاتی طرزیات (biotechnology) میں مچھلیوں کی ایک آبادی یا گروہ کا افزائش کے مقام سے چلے جانا۔
ایک سادہ سے ھروب کی مثال: کوئی بھی وزن یا رفاص (spring) سے لگائی جانے والی قوت پہیے میں موجود دندانوں کو حرکت دیتی ہے تو وہ ھروب یعنی escapement کے بازو کو دھکیلتے ہیں (دیکھیے نیلے رنگ کے نواس یعنی pendulum کا دائیاں بازو) اور نتیجے کے طور پر نواس دائیں بائیں اپنی حرکت کو دہراتا رہتا ہے