آمنہ نازلی

آمنہ نازلی اردو زبان کی ادیبہ، افسانہ نگار اور ڈراما نگار تھیں۔ 1914ء کو راجپوتانہ(بھارت) میں پیدا ہوئیں۔

آمنہ نازلی
معلومات شخصیت
تاریخ پیدائش	سنہ 1914ء
تاریخ وفات	3 فروری 1996ء (81–82 سال)
شہریت	برطانوی ہند پاکستان
عملی زندگی
پیشہ	مدیرہ

حالات زندگی

آپ کے والد کا نام شیخ نیاز محمد تھا۔آپ نے پنجاب یونیورسٹی سے ادیب فاضل کا امتحان پاس کیا۔ آپ کی شادی مولانا راشدالخیری کے فرزند رازق الخیری سے ہوئی جو معروف ادیب تھے اور ماہنامہ 'عصمت' دہلی کے مدیر تھے۔ قیام پاکستان کے بعد یہ رسالہ کراچی سے شائع ہوتا رہا۔ رازق الخیری کی وفات کے بعد آمنہ نازلی نے اس رسالے کی ادارت کی۔ آپ 1977ء سے 1982ء تک ماہنامہ 'جوہر نسواں' کراچی کی مدیرہ بھی رہیں۔آپ کی اولاد میں جسٹس ریٹائرڈ حاذق الخیری، معروف ادیبہ و صحافی صفورا خیری اور معروف شاعرہ صائمہ خیری شامل ہیں۔

تخلیقات

آمنہ نازلی کی کتب کی تعداد 13 ہے:

1۔ دولت پر قربانیاں (افسانے)

2۔ہم اور تم (افسانے)

3۔ننگے پاوں (افسانے)

4۔دوشالہ (ڈرامے)

5۔عقل کی باتیں

6۔تاریخی لطیفے(1946)

7۔خواتین کی دستکاریاں

8۔عصمتی دسترخوان

9۔مشرقی ومغربی کھانے

10۔بیماروں کے کھانے

11۔مذاقیہ کھانے

12۔عصمتی کشیدہ کاری

13۔ہنڈکلیاں

وفات

آپ نے 3 فروری 1996ء کو کراچی میں وفات پائی اوروہیں دفن ہوئیں۔

حوالہ جات

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔