ابو ہبیرہ بصری

خواجہ امین الدین ابوہبیرہ بصری سلسلہ چشتیہ کی ایک اہم شخصیت ہیں۔

ابو ہبیرہ بصری
معلومات شخصیت
پیدائش	14 اپریل 779ء   بصرہ
وفات	4 اکتوبر 900ء (121 سال)  بصرہ
شہریت	عراق
عملی زندگی
استاذ	خواجہ حذیفہ مرعشی
تلمیذ خاص	ممشاد علوی
پیشہ	صوفی

نام

اکثرمشائخ نے صرف ہبیرہ طور پر ان کا نام لکھا۔ بعض ابو ہبیرہ کہتے ہیں ان کا لقب امین الدین تھا۔

ولادت

ابو ہبیرہ بصری کی ولادت 167ھ میں ہوئی انکا تعلق بصرہ سے تھا۔ اور اکابر وقت میں سے تھے۔

بیعت و خلافت

ابو ہبیرہ سترہ سال کی عمر میں علوم ظاہری سے فارغ ہو ئے بعد میں حذیفہ مرعشی کے مرید و خلیفہ اعظم تھے۔ ہر روز دوبار قرآن ختم کرتے حذیفہ مرعشی کے مرید ہونے سے پہلے آپ نے تیس سال ریاضت شاقہ میں گزارے مجاہدہ و ریاضت میں بے مثال تھے ایک دن زارو قطار رو رہے کہ ہاتف غیبی سے آواز آئی ہم نے تمھیں بخش دیا حذیفہ مرعشی کی بارگاہ میں جاؤ مرید ہونے کے بعد ایک ہی ہفتہ میں مقام قرب حاصل ہو گیا اور ایک سال بعد خلافت ملی۔ جس دن خرقہ خلافت عطا ہوا۔

تصوف کی شاخ

ان کے نام سے ایک شاخ تصوف بھی نکلی جسے ’’ ہبیریہ‘‘ کہا جاتا ہے ان کے بہت سے خلفاء تھے سب سے زیادہ مشہور ممشاد علوی ہیں۔

تقویٰ

جس دن خلافت ملی اس دن سے نمک اور شکر ترک کردی اور لذت کام ودہن سے دست بردار ہوئے اس قدر روتے تھے کہ بعض اوقات حاضرین کو اندیشہ ہوتا کہ آپ فوت ہو جائیں گے۔ ایک سو تیس سال تک زندہ رہے۔ ہمیشہ باوضو رہتے تھے۔ بلا ضرورت گفتگو نہیں کرتے تھے اور اللہ کے ذکرمیں مشغول رہتے تھے۔ آپ صاحب عالی کرامت و مقاماتِ ارجمند تھے

وفات

ابو ہبیرہ بصری کی وفات7شوال 278ھ کو ہوئی بعض جگہ 287ھ ہے ان کی عمر 120 سال تھی ۔