ادھم سنگھ

ادھم سنگھ کمبوہ پنجاب کاایک غیور اور دلیر انسان تھا۔ وہ جلیانوالہ باغ کاالمیہ فراموش نہ کرسکا۔ یہ واقعہ اس کے سینے میں کانٹے کی طرح پیوست ہو گیا۔ اس نے عزم کر لیا کہ وہ جلیانوالہ باغ کے قاتل ڈائر سے بدلہ لے کر ہی دم لے گا اور اس نے جلیانوالہ باغ کے شہیدوں کی قیمت اس وقت چکائی جب سرمایہ دار قومی نیتا آزادی کے نام پر برطانوی سامراج سے سودا بازی کرنے میں مصروف تھے۔ اُدھم سنگھ کو اپنا عزم پورا کرنے کاموقع جلیانوالہ باغ واردات کے بیس سال بعد ملا جبکہ لندن میں ایک شام کیگسٹن ہال میں منعقدہ ایک تقریب میں لیفٹیننٹ جنرل مائیکل اوڈائر (Michael O'Dwyer)، سانحہ امرتسر کا جلاّد، جسے بیس سال پہلے برطانوی سرکار ہندوستانی عوام کے غضبناک احتجاج کے پیش نظر محض دکھاوے کے لیے لندن کی عدالت میں مقدمہ چلاکر بری کرچکی تھی۔ اگلی صف میں بڑے اطمینان اور سکون سے براجمان تھا۔ اس کو معلو م نہیں تھا کہ اس کی موت اُدھم سنگھ کے روپ میں اس ہال میں کچھ فاصلے پر موجود ہے۔

ادھم سنگھ
معلومات شخصیت
پیدائش	26 دسمبر 1899 سنام, پنجاب، برطانوی ہند کے صوبے اور علاقے
وفات	31 جولائی 1940(1940-70-31) (عمر  40 سال) Pentonville Prison، ممالک متحدہ
وجہ وفات	پھانسی
طرز وفات	سزائے موت
شہریت	برطانوی ہند
رکن	غدر پارٹی ،  ہندوستان سوشلسٹ ریپبلکن ایسوسی ایشن
عملی زندگی
پیشہ	انقلابی
تنظیم	غدر پارٹی، ہندوستان سوشلسٹ ریپبلکن ایسوسی ایشن, Indian Workers' Association
تحریک	تحریک آزادی ہند
الزام و سزا
جرم	قتل
	IMDB پر صفحات

جونہی تقاریر کا سلسلہ شروع ہوا اور کچھ وقفہ کے بعد لیفٹیننٹ جنرل مائیکل اوڈائر کا نام نشر ہونے پر وہ اسٹیج پر تقریر کرنے کے لیے کھڑا ہوا۔ تقریب کی جگہ پستول کی گولیوں سے گونج اُٹھی اورجلیا نوالہ باغ کا جنرل ڈائڑ اسٹیج پر ڈھیر ہو گیا۔ حاضرین کی صفوں میں اودھم سنگھ پستول ہاتھ میں لیے کھڑا تھا اس کے چہرے پر اطمینان کی ایک جھلک تھی اسے گرفتار کر لیا گیا۔ اس نے اقبال جرم کرتے ہوئے کہاکہ وہ جلیانوالہ باغ میں مارے گئے نہتوں کا انتقام لینے کے لیے ہندوستان سے آیا تھا اور اس نے جوکچھ کیا ہے اس پر اسے فخر ہے۔ انگریزوں نے اُدھم سنگھ کو لندن کی ایک جیل میں پھانسی پر لٹکا دیا، اس طرح سرفروشوں کی فہرست میں ایک سرفروش کا اضافہ ہو گیا۔