استور برفانی تودہ حادثہ 2023ء

27 مئی 2023 ءکو، شونٹر ٹاپ پاس ، ضلع استور ، گلگت بلتستان ، پاکستان میں ایک برفانی تودہ گرنے سے کم از کم 11 افراد ہلاک اور 15 زخمی ہو گئے۔ اس حادثے میں 25 افراد کا ایک ہی خاندان سے تھا جو اپنے مویشیوں کے ساتھ کشمیر سے استور جا رہے تھے اس برفانی تودے کی زد میں آ گئے اور اس آفت کا سب سے زیادہ شکار ہوئے۔

استور برفانی تودہ حادثہ 2023ء

تاریخ	27 مئی 2023 ء
اموات	11
متاثرہ علاقے	استور، گلگت بلتستان، پاکستان

ریسکیو آپریشن

متعدد تنظیمیں، خاص طور پر ریسکیو 1122 کے ساتھ ساتھ ضلعی انتظامیہ اور مقامی افراد نے فوری طور پر بچاؤ کی کوششیں شروع کر دیں۔ اب تک 11 لاشیں مل چکی ہیں، جب کہ دیگر ہلاکتوں کی تلاش جاری ہے۔ زخمیوں میں سے بارہ کی حالت تشویشناک بتائی جاتی ہے، زخمیوں کو ڈسٹرکٹ ہیڈ کوارٹر (DHQ) ہسپتال استور بھیجا گیا۔ پاکستانی فوج کے ایک فوجی یونٹ جسے فورس کمانڈ ناردرن ایریاز کہا جاتا ہے نے سامان، پیرا میڈیکس اور ہیلی کاپٹر کی امداد فراہم کی، لیکن ناموافق موسم کی وجہ سے تباہی کے مقام تک پہنچنے میں ناکام رہے۔

مابعد

ڈپٹی کمشنر استور وسیم عباس نے اپنے بیان میں کہا ہے کہ برفانی تودہ گرنے سے 11 افراد جاں بحق جبکہ 16 زخمی ہوئے، جاں بحق افراد میں 4 خواتین اور 4 مرد شامل ہیں اور جاں بحق اور زخمیوں کا تعلق روات اور چکوال سے ہے۔ ایک لاپتہ شخص کو 28 گھنٹوں بعد برف سے زندہ نکالا گیا ۔

رد عمل

حادثے کے بعد وزیر اعظم شہباز شریف نے متاثرین اور ان کے اہل خانہ سے اظہار تعزیت کیا۔ انھوں نے اس بات پر زور دیا کہ موسمیاتی تبدیلیوں کی وجہ سے پاکستان میں ایسے واقعات میں اضافہ ہو رہا ہے اور عالمی برادری سے مطالبہ کیا کہ وہ پاکستان جیسے ترقی پزیر ممالک کو موسمیاتی تبدیلیوں کے منفی اثرات سے بچانے میں اپنی ذمہ داری پوری کرے۔ گلگت بلتستان کے وزیر اعلیٰ خالد خورشید خان نے بھی جانی نقصان پر گہرے دکھ کا اظہار کیا اور مقامی حکام کو امدادی کارروائیاں تیز کرنے کی ہدایت کی۔ انھوں نے متعلقہ حکام پر زور دیا کہ وہ اس واقعے کی فوری تحقیقات کریں اور مستقبل میں ایسے سانحات کو روکنے کے لیے مناسب اقدامات کریں۔