اگست 2021ء بلوچستان میں حملے

26 اگست 2021 کو زیارت اور پنجگور اضلاع میں بلوچ باغیوں کے حملوں میں چار سکیورٹی اہلکار ہلاک اور چھ دیگر زخمی ہوئے۔

زیارت دھماکا

لیویز فورس کو منگی ڈیم پر کام کرنے والے چار مزدوروں کے اغوا کی اطلاعات موصول ہوئی تھیں۔ لیویز فورس کی ٹیم نے مزدوروں کو بچانے کے لیے سرچ آپریشن شروع کیا۔ تاہم ، ایک لیویز افسر نے اغوا کاروں کی گاڑی کا پیچھا کرتے ہوئے بارودی سرنگ کے ساتھ ٹکرا گیا۔ دھماکے میں تین لیویز جاں بحق اور دوسری گاڑی میں سوار تین افراد زخمی ہوئے۔ اغوا کاروں نے دو مزدوروں کو اس وقت چھوڑ دیا جب لیویز نے ان کا پیچھا شروع کیا۔

احتجاج

لیویز شہداء کے ورثاء ، زیارت ، ہرنائی ، سنجاوی کے لوگوں اور مختلف سیاسی جماعتوں اور قبائل نے لاشیں کچ موڑ ، زیارت ، کوئٹہ کے قریب مرکزی شاہراہ پر رکھ دیں اور شاہراہ کو ہر قسم کی ٹریفک کے لیے بند کر دیا۔ شمالی بلوچستان کی اہم قومی شاہراہ پر ٹریفک گھنٹوں معطل رہی۔ مظاہرین کا کہنا تھا کہ جوڈیشل کمیشن کے قیام تک لاشوں کو دفن نہیں کیا جائے گا۔ زیارت ، سنجاوی ، ڈاکی ، کوہلو ، ہرنائی ، شاہراگ اور لورالائی سے کوئٹہ آنے اور جانے والے مسافروں بالخصوص خواتین ، بچے ، بوڑھے ، معذور اور ٹرانسپورٹرز کو شدید مشکلات کا سامنا ہو گیا۔

زیارت ، مسلم باغ ، خانوزئی ، قلعہ سیف اللہ ، ژوب اور لورالائی میں بھی شٹر ڈاؤن ہڑتال کی گئی ، مارکیٹیں اور بازار بند رہے۔

پنجگور حملہ

ضلع پنجگور کے علاقے گوڑگو میں نامعلوم حملہ آوروں کے ہاتھوں فرنٹیئر کور (ایف سی) کا ایک شخص جاں بحق اور تین زخمی ہو گئے۔ جب ایف سی کی گاڑی علاقے سے گذر رہی تھی۔ زخمیوں کو پنجگور ڈسٹرکٹ ہسپتال منتقل کیا گیا۔