بھارت کا عبوری مرکزی بجٹ برائے 2019ء

بھارت کا مرکزی عبوری بجٹ برائے 2019ء (ہندی: भारत के केंद्रीय अन्तरिम बजट २०१९) یکم فروری 2019ء کو وزیر ماليات ارون جیٹلی کی غیر موجودگی میں پیوش گویل نے پیش کیا۔ اس بجٹ میں حکومت ہند نے پردھان منتری کسان سمان ندھی اور پردھان منتری شرم یوگی من دھن اسکیموں کو متعارف کرایا ہے۔

2019ء (2019ء) بھارت کا مرکزی بجٹ

بھارت کا ریاستی نشان
تاریخ پیشکش	1 فروری 2019ء
عرض گزار	پیوش گویل، وزیر مالیات
جماعت	بی جے پی
‹ 2018 2019 ›

جھلکیاں

• 2018ء سے 2019ء کا مالی خسارہ مجموعی گھریلو پیداوار (GDP) کا 3 اعشاریہ 4 فیصد ہوگا۔
• پردھان منتری کسان سمان ندھی کے تحت غریب کسانوں (جن کے پاس 2 ہیکٹر سے کم قطعہ زمین ہے) کو سالانہ چھ ہزار روپے دیے جائیں گے۔
• پردھان منتری شرم یوگی من دھن اسکیم کے تحت غیر منظم مزدوروں کو ماہانہ تین ہزار وظیفہ (پنشن) دیا جائے گا۔ اس اسکیم کی تفصیل یہ ہے کہ انتیس سے ساٹھ برس کے افراد سے ماہانہ سو روپے وصول کیے جائیں گے اور اسی جمع شدہ رقم سے انھیں وظیفہ دیا جائے گا۔
• کام کے دوران میں مزدوروں کی موت ہونے پر ان کے ورثا کو چھ لاکھ روپے دیے جائیں گے۔
• پانچ لاکھ تک آمدنی رکھنے والے افراد کو محصول آمدنی (انکم ٹیکس) میں راحت دی گئی اور تنخواہ دار ملازمین کے لیے پچاس ہزار کی تخفیف ہوئی ہے۔
• گایوں کے تحفظ اور ان کی فلاح و بہبود کے لیے کام دھینو یوجنا کی تجویز اور اس کے لیے 750 کروڑ روپے کا اعلان کیا گیا۔

رد عمل

اس عبوری بجٹ پر سابق وزیر مالیات اور کانگریسی رہنما پی چدمبرم نے کہا کہ "یہ عبوری بجٹ نہیں، مکمل بجٹ تھا جس میں انتخابی تشہیر بھی تھی"۔ نیز انھوں نے مزید کہا کہ "وزیر خزانہ نے تعلیمی شعبہ اور بے روزگاری کے تعلق سے کوئی بات نہیں کی۔" اسی طرح بہوجن سماج پارٹی کی رہنما مایاوتی نے کہا کہ "یہ عبوری بجٹ جملوں سے پُر اور زمینی حقیقت سے پَرے تھا۔ اس سے ملک میں لمبے عرصے سے جاری زبردست مہنگائی، غریبی، تعلیم اور بے روزگاری کا مسئلہ ختم نہیں ہو سکتا۔"

بیرونی روابط

• ٹائمز آف انڈیا: عبوری مرکزی بجٹ 2019ء کی جھلکیاں
• حکومت ہند: مرکزی بجٹ اور معاشی جائزہآرکائیو شدہ بذریعہ indiabudget.nic.in