پی چدمبرم

پلانی یپم چدمبرم (انگریزی: P. Chidambaram) (ولادت:16 ستمبر 1945ء) بھارتی سیاست دان اور سابق اٹرنی ہیں۔ فی الحال وہ رکن راجیہ سبھا ہیں۔ وہ وزیر خزانہ، بھارت بھی رہ چکے ہیں۔ وہ 2004ء تا 2014ء وزیر خزانہ تھے۔ 2008ء میں پرنب مکھرجی کو یہ عہدہ سونپا گیا تھا مگر بعد میں انہیں صدر بھارت کے امیدوار نامزد کیا گیا اور چدمبرم دوبارہ وزیر خزانہ بن گئے۔

پی چدمبرم
معلومات شخصیت
پیدائش	16 ستمبر 1945 (78 سال)  کاناڈوکاتھن
شہریت	بھارت برطانوی ہند ڈومنین بھارت (15 اگست 1947–)
جماعت	انڈین نیشنل کانگریس
مناصب
رکن نویں لوک سبھا
رکن مدت 2 دسمبر 1989  – 13 مارچ 1991
منتخب در	بھارت عام انتخابات، 1991ء
پارلیمانی مدت	نویں لوک سبھا
وزیر امور داخلہ
برسر عہدہ 1 مئی 1997  – 19 مارچ 1998
اندر کمار گجرال  یشونت سنہا
وزیر خزانہ
برسر عہدہ 22 مئی 2004  – 30 نومبر 2008
وزیر خزانہ
برسر عہدہ 31 جولا‎ئی 2012  – 17 مئی 2014
منموہن سنگھ  ارون جیٹلی
عملی زندگی
مادر علمی	جامعہ مدراس ہارورڈ بزنس اسکول ہارورڈ یونیورسٹی
پیشہ	سیاست دان،  وکیل
پیشہ ورانہ زبان	انگریزی،  ہندی
اعزازات
سی این این نیوز 18 انڈین آف دی ائیر (2007) نمایاں ماہرِ پارلیمانی امور اعزاز (2005) بانگا بیبھوشن (2005)
	IMDB پر صفحات

ابتدائی زندگی

چدمبرم مادھو نیپال سے ملاقات کرتے ہوئے

ان کی ولادت بھارت کی ریاست تمل ناڈو کے سیواگنگا ضلع کے کاناڈوکاتھن گاوں میں ہوئی۔

انہوں نے مدراس کرسچن کالج یائر سیکنڈری اسکول سے ابتدائی تعلیم حاصل کی۔ اس کے بعد لویولا کالج چنائی سے ما قبل گریجویشن ایک سالہ کورس کیا پھر پریزیڈینسی کالج، چنائی سے اسٹیسٹکس میں بی ایس سی کیا اور مدراس لا کالج سے فاضل القانون کی ڈگری حاصل کی۔ اس کے بعد ہارورڈ بزنس اسکول سے 1968ء میں ایم بی اے کیا۔ انہوں نے لویولا کالج چنائی سے ایم اے بھی کر رکھا ہے۔

اس دوران میں کا سیاسی رجحان بایاں بازو کی جانب تھا۔ 1969ء میں وہ این رام سے منسلک ہو گئے اور اس کے بعد دی ہندو کے ایڈیٹر اور نسوانیت پسند فعالیت پسند میتھلی سیوارامن سے ساتھ ایک مجلہ نکالا جس کا نام ریڈیکل ریویو تھا۔

انہوں نے مدراس عدالت عالیہ سے وکالت میں طبع آزمائی کی اور وہیں 1984ء میں سینئر وکیل بن گئے۔ ان کا دفتر دہلی اور چنائی میں تھا۔ انہوں نے بھارتی عدالت عظمیٰ میں بھی وکالت کی۔