Intelligent086

ویکیپیڈیا میں !     Welcome to Urdu Wikipedia! آداب! ہم امید کرتے ہیں کہ آپ اُردو ویکیپیڈیا کے لیے بہترین اضافہ ثابت ہوں گے۔ ویکیپیڈیا سے بھرپور استفادہ کرنے کے لیے صفحہ معلومات برائے نئے صارفین ضرور دیکھیے۔ For non-Urdu-speakers: You may leave a message in English Here.

پنجابی خبراں نامزد برائے حذف

آداب؛ پنجابی خبراں نامی مضمون کے متعلق یہ گفتگو جاری ہے کہ آیا یہ ویکیپیڈیا کی ہدایات اور پالیسیوں کے مطابق ہے یا اسے حذف کر دیا جائے۔
اتفاق رائے سے کوئی فیصلہ کرنے سے قبل یہاں اس مضمون پر آزادانہ گفتگو جاری رہے گی جس میں تمام صارفین اور آپ بذات خود شریک ہو سکتے اور اپنی رائے پیش کر سکتے ہیں۔ نیز دوران گفتگو میں صارفین کو مذکورہ مضمون میں ترمیم و تبدیلی کی اجازت ہے تاکہ حذف کے امکانات ختم ہو جائیں اور مضمون باقی رہ سکے، تاہم گفتگو مکمل ہونے سے قبل مضمون سے حذف کا ٹیگ نہیں ہٹایا جا سکتا۔

Fahads1982  (تبادلۂ خیال)-   -(شراکتیں) 07 21:46، 2 نومبر 2024ء (م ع و)

امریکی الیکشن تے پاکستان دیاں امیداں

امریکی الیکشن تے پاکستان دیاں امیداں

ڈاکٹر عبدالرؤف صادق

امریکہ وچ صدارتی انتخابات دا عمل جاری اے تے کئی ریاستاں وچ ووٹراں دی ویلے توں پہلاں ووٹنگ وی جاری اے۔ امریکہ اج کل دنیا دے نقشے اُتے اک اکلا سپر پاور ملک اے، اس لئی دنیا بھر وچ ایہناں دے انتخابات نوں وڈی دلچسپی نال ویکھیا جا رئیا اے۔ ہر ملک اپنی مرضی دے مطابق چاہندہ اے کہ دوہاں امیدواراں وچوں کون جتے تے کِنّاں دے نال انہاں دے مفاد پورے ہوسکن۔ سانوں مسلماناں نوں ایہدی کوئی لوڑ نئیں کہ کسی اک امیدوار توں چنگیاں رکھن، حالانکہ ساڈے کُج "بہادر" راہنما وی امریکہ وچ ٹرمپ دے حق وچ کام کر رئے نیں انہاں توں امیداں لگائی بیٹّھے نیں۔ ایہناں نوں ایہ گل وی پتہ اے کہ چاہے ٹرمپ ہوئے یا کملا ہیرس، مسلمانوں نوں کسی توں خیر دی امید رکھنی اک خواب اے۔

اسی ووٹران نوں کم از کم ایناں دے انتخابی مہم وچ نظر آون والی ترجیحات اُتے غور کرنا چاہی دا اے۔ ایہناں نوں دنیا نال کسی وی مسئلے دی پرواہ نئیں، چاہے وہ کملا ہیرس ہوئے جا ٹرمپ، دوہاں دی پوری کوشش اسرائیل دی حمایت حاصل کرن وچ اے تے صیہونیوں دے نال اپنے تعلقات مضبوط کرن وچ ایہناں نوں کوئی کسر باقی نئیں چھڈدی۔

ڈیموکریٹس دی حکومت ای اس ویلے قائم اے تے اس حکومت دے وزیر دفاع نے اسرائیل نوں اپنے دفاع دے نام اُتے تازہ ترین اسلحہ دی فراہمی دا اعلان کیتا اے۔ وزیر خارجہ ٹونی بلنکن وی دنیا بھر دے ملکاں وچ جا کے اسرائیل نال امن دے مذاکرات دی گلاں کردا اے، پر اسلامی ملکاں وچ جا کے انہاں نوں مجبور کردا اے کہ وہ حماس تے حزب اللہ اُتے اثر انداز ہونے۔ حالانکہ امریکی حکومت ہمیشہ اسرائیل دی حفاظت کر دی رہی اے تے انہاں فلسطینی تے لبنانی گروپاں نوں الزام دیندی اے جو اسرائیل تے امریکہ دی مشترکہ طاقت دا شکار ہوندے نیں ۔

پوری دنیا دی عوام اسرائیل دی مخالفت تے جنگ بندی دا مطالبہ کر رئی اے، خود امریکی عوام وی اس دے خلاف احتجاج کر رہے نے، پر اسی اج وی اسی امریکی انتظامیہ توں امید رکھی بیٹّھے آں کہ او ساڈے ملک دے اندرونی معاملے وچ کوئی اچھا قدم اٹھاون گے۔

#DrabdulRaufSadiq Intelligent086 (تبادلۂ خیال • شراکتیں) 13:38، 3 نومبر 2024ء (م ع و)

عصر حاضر وچ سوشل میڈیا

عصر حاضر وچ سوشل میڈیا

ڈاکٹر عبدالرؤف صادق

Dr Abdul Rauf Sadiq

عصر حاضر وچ سوشل میڈیا نے میڈیا نوں پورا سوشل بنا چھڈیا اے۔ ہن ایہ ہر بندے دا موضوع سخن اے تے ہر کوئی کھل کے اس موضوع اُتے گل کر رہیا اے، بلکہ گلّاں بنا رہیا اے، تے اس توں ودھ کے گل دا بتنگڑ بنا رہیا اے۔ کدے کدے بلکہ اکثر اوقات رائی نوں پہاڑ تے ذرہ نوں زر بنا دتا جاندا اے۔ تے میرے ورگے نیم خواندہ اپنی اوقات بھلا بیٹھدے نے۔ سیدھا سب نوں اُلٹا لگدا اے تے اُلٹا چور کوتوال نوں ڈانٹ رہا اے۔ کوتوال حیران اے تے چور چپکے نال ویڈیو ریکارڈ کروا رہا اے، گیدڑ بھبکیاں تے دھمکیاں ماردا اے تے ویڈیو ہر گھر وچ سُنی جا رہی اے۔ خوف و ہراس تے بے چینی دی کیفیت۔ جان بچا کے وی کوئی سیدھی گل نہیں کر رہا، گلیاں سنجیاں ہو چکیاں نے تے مرزا یار آزادانہ فیر رہا اے۔ آزاد معاشرہ، مادر پدر آزاد۔ پگڑی اُچالیاں جان، گریبان پکڑیاں جان، یا دھوتی لُٹا دی جائے، تے ایسی صورتحال چ جوتی اُتارنی چاہی دی اے۔ سوال اے کہ جوتی کون اُتارے۔ ہر سوال دا جواب دینا ضروری نہیں ہوندا، پر ہر کوئی جواب پچھدا اے، کس توں؟ اپنے ہی جیسیاں توں۔ چور وی شور مچاؤندے دی حدیں پار کر چکا اے، دیوار پار کرنے توں پیر ٹُٹنے دا وی امکان ہوندا اے، تے اسی امکان نال جاہل عالم، مسخرے دانشور تے مریض طبیب بن گئے نے۔ ایہ انقلابی دور اے جتھے اُلٹی گنگا بہہ رہی اے تے سوشل میڈیا دے اک نوے دور دا آغاز ہو چکیا اے۔

ایس دوران سانوں اپنے آپ نوں خود نمائی توں بچان دی لوڑ اے تے سوچ دی ریل گاڑی نوں اک نویں پٹڑی اُتے چڑھاؤن دی لوڑ اے۔ آج دی سب توں بڑی ضرورت ایہ اے کہ نوزائیدہ بچیاں دے کناں وچ حق تے سچ دی بانگ دتی جائے، پر انتہائی خاموشی نال، تاکہ گھر دی گل گھر ہی وچ رہے تے سانپ وی مر جائے تے لٹھ وی بچ جائے۔ افسوس ایہ اے کہ سانپ نوں ہُن کوئی ڈر نہیں رہیا تے سوچ دی گاڑی دا پہیہ جام ہو چکیا اے، اس لٹھ نوں توڑنا ای پاوے گا۔ اہداف کشتیاں جلا کے حاصل ہوندے نے تے حساب کتاب وچ پوری رہندی اے۔ ہن صاحب حیثیت وی سنبھل گئے نے تے انہاں دی میراث وی خطرے وچ اے۔ حق تے ناحق دی تمیز ختم ہو چکی اے۔ بدتمیزی حق گوئی تے بے باکی دا نام بن چکی اے، تے سارا معاشرہ سوشل میڈیا دا زہر پی چکیا اے۔

اک وقت سی جدو بے شمار بچے پلیٹ فارم نہ ملن کرکے اپنی صلاحیتاں نوں چھپا لیںدے سن۔ کاش اوہ اس وقت حوصلہ کردے، تے اس دن آج ساڈا سماج انہاں نوں عزت نال یاد کردا۔ ماضی نوں ویکھ کے مایوسی ہوندی اے، تے اسی اپنے آپ نوں تکلیف دے کے دل دا غبار کڈھن دی ناکام کوشش کر رہئے ہاں۔ فطری تے غیر فطری دی بے سود بحث۔ ہن تے سوشل میڈیا ساڈا دن رات دا ساتھی بن چکیا اے، تے رات دا خاص یار اے۔ زیادہ وقت سکرین تے نظر جمان توں اکھاں کمزور ہون دیاں نے، عینک وی لگدی اے۔

ہن تے ایہ سوچن دی لوڑ اے کہ سوشل میڈیا نوں شعور دی لگام نال صراط مستقیم تے چلا سکدے آں۔ اس دور وچ ہمیں نوں ولی عہد دے معمولات اُتے وی نظر رکھنی چاہی دی اے، اوہ وی ویکھ رہیا اے، ایہ اوہ مسئلے مسائل نے جیہڑے سوشل میڈیا دے آن نال سامنے آ چکے نے۔

05 نومبر 2024

#DrabdulRaufSadiq #punjabi #social_media #socialmedia Intelligent086 (تبادلۂ خیال • شراکتیں) 22:02، 4 نومبر 2024ء (م ع و)

پاکستان تے امریکہ دے انتخابی نظام دا موازنہ: حقیقت تے گلاں

پاکستان تے امریکہ دے انتخابی نظام دا موازنہ: حقیقت تے گلاں

ڈاکٹر عبدالرؤف صادق

کملا ہیرس تے ڈونلڈ ٹرمپ دے درمیان ٹیلی فونک رابطے تے انتخابات وچ کامیابی دی مبارک باد جمہوریت دے استحکام دی اک وڈی مثال اے۔ ایہ ملاقات، جتھے کملا ہیرس نے شکست تسلیم کر کے اقتدار دی پُرامن منتقلی اُتے زور دتا، اک ایسی سیاسی روایت دا مظاہرہ کردا اے جیہڑا پاکستان دے حالات توں کافی وکھرا اے۔ امریکہ دے انتخابات دے عمل نوں صاف شفاف سمجھیا جاندا اے، جتھے عوامی ووٹ دا احترام کیتا جاندا اے تے سیاسی عمل وچ مداخلت نہ ہوندا اے۔ ایہ گل پاکستانی انتخابات دے عمل توں بالکل الٹ اے۔

پاکستان تحریک انصاف (پی ٹی آئی) دے تجربات، خاص کر 2024 دے انتخابات دے دوران، پاکستان دی انتخابی سیاست وچ بہت ساریاں مشکلات تے مداخلتاں دا ثبوت فراہم کردے نیں۔ کاغذاتِ نامزدگی جمع کراؤن توں لے کے انتخابات دے دن تک، پی ٹی آئی دے امیدواراں تے کارکناں نوں ہر مرحلے اُتے رکاوٹاں دا سامنا کرنا پیندا اے۔ دی جماعت دے انتخابی نشان نوں وی کئی پاکستان تحریک انصاف دا انتخابی نشان کھو کے ہر امیدوار نوں وکھرے وکھرے نشان دتے جاندے نیں تا کہ عوام نوں کنفیوز کر کے انہاں دی حمایت کم کیتی جا سکے۔

پاکستان وچ انتخابات دے دوران پی ٹی آئی دے امیدواراں نوں کاغذاتِ نامزدگی جمع کراؤن ویلے وی شدید رکاوٹاں دا سامنا ہوندا اے۔ انہاں دے تائید کنندہ تے تجویز کنندہ افراد دا اغوا کیتا جاندا اے تاکہ امیدوار انتخابات وچ حصہ نہ لے سکّن۔ ایہ جمہوری نظام اُتے اک سنجیدہ حملہ اے جتھے اک سیاسی جماعت نوں صرف کاغذات جمع کراؤن ویلے وی مداخلتاں دا سامنا کرنا پیندا اے۔ جے پی ٹی آئی دے امیدوار کاغذات جمع کراؤن وچ کامیاب ہو جان، تاں انہاں نوں اگلے مرحلے وچ وی رکاوٹاں نال سامنا کرنا پیندا اے۔ جلسے جلوس تے کارنر میٹنگز اُتے پابندیاں عائد کیتیاں جاندیاں نیں، تے پولیس دی جانب توں انہاں دے بینر تے جھنڈے وی ہٹا دتے جاندے نیں۔ ایہ اوہناں نوں عوام نال رابطہ کرن توں روکن دا اک ذریعہ اے۔ ایسی پابندیاں پاکستان دے جمہوری عمل دی کمزوری نوں سامنے لیان دیاں نیں۔

پاکستان وچ الیکشن والے دن پی ٹی آئی دے کارکناں تے پولنگ ایجنٹاں نوں ہر طرح دی رکاوٹ دا سامنا ہوندا اے۔ انٹرنیٹ بند کر دتا جاندا اے تاکہ عوام نوں نتائج تے عمل توں آگاہ نہ ہون دتا جاوے۔ انہاں دے پولنگ ایجنٹاں نوں وی پولنگ سٹیشنز اُتے بیٹھن دی اجازت نہیں دتی جاندی، جس نال انتخابی عمل دی شفافیت اُتے سوال اٹھدا اے۔ فارم 45 دے نتائج نوں تبدیل کر کے، من پسند امیدوار نوں فارم 47 اُتے جتایا جاندا اے۔ ایہ سب اقدامات منصفانہ انتخابات دے اصول نوں پامال کرن دے مترادف نیں۔

پاکستان وچ 8 فروری 2024 توں پہلاں تے  بعد دے حالات پی ٹی آئی دے بانی عمران خان تے قیادت اُتے دباؤ تے انسانی حقوق دی خلاف ورزیاں سامنے لے کے آندے نیں۔ انہاں نوں تے انہاں دے کارکناں نوں جیل وچ رکھ کے انہاں دی سیاسی آواز نوں دبان دی کوشش کیتی جا رہی اے۔ ایہ جمہوری اقدار نوں توڑن دے مترادف اے، جتھے اک سیاسی جماعت نوں اس دی عوامی حمایت دے باوجود دباؤ دا سامنا کرنا پیندا اے۔ ایسی صورتحال دی وجہ توں پاکستان وچ سیاسی آزادی تے انسانی حقوق دے بارے سوالات کھڑے ہو رہے نیں۔ امریکہ دے جمہوری نظام وچ شفافیت تے جمہوری اصولان دی پاسداری دی جیہڑی مثال ملدی اے، اوہ پاکستان لئی اک سبق اے۔ امریکہ وچ، شکست تسلیم کر کے جمہوری عمل دی پُرامن منتقلی دی روایت مستحکم اے، جیہڑی جمہوریت دے استحکام دی نشانی اے۔ ایہ مثال، جے کر پاکستان وچ وی اپنائی جاوے، تاں جمہوری عمل دی مضبوطی لئی فائدہ مند ہو سکدی اے۔ پاکستان دے سیاسی نظام نوں بہتر تے مستحکم کرن لئی ضروری اے کہ انتخابی عمل نوں سیاسی مداخلت توں پاک کیتا جاوے تے عوام دی رائے دا احترام کیتا جاوے۔ جے کر امریکی جمہوریت توں سبق لے کے پاکستان دے سیاسی نظام وچ تبدیلیاں لیاں جاون، تاں ایہ جمہوری اقدار دی پاسداری تے عوامی ووٹ دی اہمیت دی طرف اک مثبت قدم ہو سکدا اے۔.

ڈاکٹر عبدالرؤف صادق Dr Abdul Rauf Sadiq #DrAbdulRaufSadiq intelligent086

پنجاب ، پنجابی Intelligent086 (تبادلۂ خیال • شراکتیں) 00:05، 7 نومبر 2024ء (م ع و)