تیور (فلم)

تیور ایک بھارتی بالی وڈ فلم ہے جو 9 جنوری 2015 کو جاری (ریلیز) ہوئی-یہ فلم گناسیکھر نے لکھی ہے اور اس کی ہدایت کاری امیت شرما نے کی ہے-فلمی ستاروں میں ارجن کپور، سوناکشی سنہا، منوج باجپائی اور راجیش شرما شامل ہیں جن کا اس فلم میں مرکزی کردار ہے-

تیور
Theatrical poster
ہدایت کار	امِت روندرناتھ شرما
پروڈیوسر	Boney Kapoor Sanjay Kapoor Sunil Lulla Naresh Agarwal Sunil Manchanda
تحریر	Shantanu Srivastava (مکالمے)
منظر نویس	امت شرما Shantanu Srivastava
کہانی	گنا سیکھر
ماخوذ از	Okkadu از Gunasekhar
ستارے	ارجن کپور سوناکشی سنہا منوج باجپائی
موسیقی	Songs: ساجد-واجد عمران خان (singer)
سنیماگرافی	Laxman Utekar
ایڈیٹر	Deepak Seju
پروڈکشن کمپنی	سنجے کپور انٹرٹینمنٹ پرائیوٹ لمیٹڈ
تقسیم کار	Eros International
تاریخ نمائش	9 جنوری 2015
دورانیہ	159 دقیقہ
ملک	بھارت
زبان	ہندی زبان
بجٹ	₹40 کروڑ (امریکی $5.6 ملین)
باکس آفس	₹56 کروڑ (امریکی $7.9 ملین)

کاسٹ

• ارجن کپور بحیثیتِ پنٹو (ایک نوجوان کبڈی کا کھلاڑی)
• سوناکشی سنہا بحیثیتِ رادھیکا (ایک پروفیشنل رقاصہ)
• منوج باجپائی بحیثیتِ گجندر سنگھ ( ایک نامی گرامی غنڈہ)
• راجیش شرما بحیثیتِ مہندر سنگھ (گجندر کا بھائی ،ہوم منسٹر )

کہانی

پنٹو (ارجن کپور) ایک بہن کا اکلوتا بھائی، کبڈی کا نوجوان کھلاڑی، غیر شادی شدہ، والد پولیس آفیسر- چار دوستوں میں سے ایک کی شادی پر باقی ساروں کے ساتھ ایک دن کے لیے متھرا جاتا ہے-
---*---*---*---
مہندر سنگھ (راجیش شرما) متھرا اور گرد و نواح کا ہوم منسٹڑ-بھا ئی گجندر سنگھ (منوج باجپائی) کے ذریعے مخالفین کو ٹھکانے لگوانے کا کام لیتا -بدلے میں گجندر کو مکمل سپورٹ دے دیتا - نتیجتا گجندر متھرا کا وہ غنڈہ بن چکا تھا جس کے نام سے بھی لوگ کانپتے تھے-
---*----*----*----
مہندر سنگھ کے اعزاز میں منعقد کی جانے والی ایک تقریب میں رادھیکا (سوناکشی سنہا) کا رقص دیکھ کر گجندر اس پر عاشق ہو جاتا ہے- ایک دن اس کے آفس پہنچ کر اظہارِ محبت کرتا ہے اور شادی کے لیے کہتا ہے-رادھیکا نرمی سے منع کر دیتی ہے اور کچھ پریشان بھی ہو جاتی ہے- متھرا ہی میں رہنے کی وجہ سے وہ گجندر کو خوب جانتی تھی- اس کے نام، اس کے رعب اور دبدبے سے بھی اچھی طرح واقف تھی- گجندر اس وقت کچھ کہے بنا خاموشی سے واپس آجاتا ہے- بعد میں گجندر اپنے ایک ٹی- وی رپورٹر “دوست“ سے ملنے جاتا ہے - ٹی-وی رپورٹر بھرے دفتر میں اس کو بے عزت کر دیتا ہے اور کہتا ہے کہ آئندہ میری بہن سے کبھی ملنے کی کوشش نہ کرنا -اب گجندر کو پتا چلتا ہے کہ رادھیکا اس رپورٹر کی بہن ہے- بھرے دفتر میں ہو نے والی اس بے عزتی کو گجندر جیسا غنڈہ بھلا کیسے پی سکتا تھا- سو اگلے دن اپنے غنڈوں کے ذریعے بھرے بازار میں بڑے بے رحما نہ طریقے سے تلواروں کے واروں سے اس رپورٹر کو قتل کر وادیتا ہے-رادھیکا کے والدین کو قریبی اعزاء یہ مشورہ دیتے ہیں کہ رادھیکا کو کسی دوسرے ملک بھیج دیا جائے تا کہ گجندر اس کا خیال دل سے نکال دے- ورنہ گجندر رادھیکا کے لیے مزید قتل کرنے سے بھی دریغ نہیں کرے گا-طے یہ پاتا ہے کہ رادھیکا یہاں سے پہلے دہلی جائے گی اور پھر دہلی سے کسی دوسرے ملک- ریل کا ٹکٹ کٹا کر رادھیکا جب پیچھے مڑتی ہے تو پیچھے ہی گجندر سنگھ کھڑا ہوتا ہے- گجندر، رادھیکا کو بالوں سے پکڑ کر جیپ کی طرف لے جانے لگتا ہے-
- *---*----*---*---*----*---*---*----*---*---*----*---*-
پنٹو دوست کی شا دی سے فارغ ہو کر واپسی کا ٹکٹ لینے اسٹیشن پہنچتا ہے- جب وہ ایک بندے کو بالوں سے پکڑ کر ایک لڑکی کو لے جاتے ہوئے دیکھتا ہے تو پہلے نرمی سے اس سے پوچھتا ہے - سخت جواب ملنے پر وہ اسے مکا مارتا ہے - اسی وقت اس پر فائرنگ کی جاتی ہے -جان بچانے کے لیے وہ قریب کھڑی جیپ اسٹارٹ کرتا ہے اور لڑکی کے ساتھ وہاں سے بھاگ نکلتا ہے- گجندر کے غنڈے اس کا تعاقب کرتے ہیں- کئی بار وہ اسے پکڑنے کے قریب ہوجاتے ہیں مگر بالآخر پنٹو انھیں غچہ دے کر غائب ہو جاتا ہے - گجندر اپنے بھائی مہندر سے کہلواکر شہر کے خارجی اور داخلی راستوں کی ناکہ بندی کروادیتا ہے- اب یہاں پنٹو خالص فلمی انداز میں اس ناکہ بندی کوتوڑ کر بھاگ جاتا ہے- اپنے گھر پہنچ کر پنٹو بہن کو مختصرا ساری کہانی سمجھا تا ہے اور رادھیکا کو اس کے کمرے میں چھپا دیتا ہے-والدین کو اس لیے نہیں بتاتا کہ وہ اس کے آئے روز کے لڑائی جھگڑوں سے پہلے ہی تنگ ہوتے ہیں-

گا نے

نمبر شمار	ٹائیٹل	بول	موسیقی	گلوکار	دورانیہ
1	*“ سپر مین“	کوثر منیر،دانش صابری، ساجد	ساجد-واجد	واجد	04:37
2	* “رادھا ناچے گی“	کوثر منیر،دانش صابری	ساجد-واجد	رتو پاتھک، شباب صابری، دانش صابری	06:32
3	* “میڈمیا“	کوثر منیر	ساجد-واجد	مکا سنگھ ،مامتا شرما
4	* “ لیٹس سیلیبریٹ“	عمران خان	عمران خان	عمران خان	03:17
5	* “جوگنیا“	کوثر منیر	ساجد-واجد	شروتی ہاسن
6	*“میں نہ جانا پردیس“	کوثر منیر ،Traditional	ساجد-واجد	شفقت امانت علی
7	*تیوریفک (ماشوپ)	کوثر منیر، دانش صابری، ساجد	ساجد-واجد	ارجن کپور،واجد،رتو پاتھک، شباب صابری، دانش صابری،عمران خان،شروتی ہاسن،مکا سنگھ ،مامتا شرما ،شفقت امانت علی
8	* “سپر مین ( ریمکس)“	کوثر منیر، دانش صابری، ساجد	ساجد-واجد	مکا سنگھ