حارث بن عمیر ازدی

حارث نام ، باپ کا نام عمیر تھا ، قبیلۂ ازد سے نسبی تعلق تھا۔صحابی رسولﷺ تھے۔

حضرت حارث ؓبن عمیر ازدی
(عربی میں: الحارث بن عمير الأزدي اللهبي)
معلومات شخصیت
وفات	سنہ 629ء   موتہ
وجہ وفات	سر قلم
قاتل	شرحبیل بن عمرو غسانی
طرز وفات	قتل
عملی زندگی
پیشہ	سفارت کار
پیشہ ورانہ زبان	عربی

اسلام

فتح مکہ سے پہلے اسلام لائے۔

سفارت اور شہادت

آنحضرت ﷺ نے جب سلاطین اور امرء کے پاس دعوتِ اسلام کے خطوط بھیجے تو ایک خط شرجیل بن عمر فرمانروائے بصریٰ کے نام بھی لکھا، حضرت حارثؓ کو اس کے پہنچانے کی خدمت سپرد ہوئی، یہ خط لے کر مقام موتہ پہنچے تھے کہ شرجیل سے ملاقات ہو گئی، اس نے پوچھا کہا ں جا رہے ہو، حارث نے کہا شام ،شرجیل نے کہا تم کسی کے قاصد معلوم ہوتے ہو انھوں نے کہا ہاں رسول اللہﷺ کا قاصد ہوں، یہ سن کر اس نے حارثؓ کی مشکیں کسوا کے قتل کر دیا، حارثؓ تاریخ اسلام میں سب سے پہلے قاصد ہیں جس نے خدا کی راہ میں جام شہادت پیا، آنحضرتﷺ کو ان کی شہادت کی خبر ملی تو آپ کو سخت صدمہ ہوا اور حارث کے خون کے انتقام کے لیے زید بن حارثہؓ کی سرکردگی میں ایک سریہ موتہ روانہ کیا، اسی میں حضرت ؓ زید اور حضرت جعفر طیارؓ وغیرہ شہید ہوئے تھے۔

مدفن

شرحبیل بن عمرو غسانی کے اسے شہید کرنے کے بعد، اسے طفیلہ گورنری کے علاقے بصیرہ میں دفن کیا گیا، جو اردن کی ہاشمی سلطنت کے گورنروں میں سے ایک ہے، جو جنوب میں واقع ہے۔ آپ کی وفات سنہ 8ھ میں ہوئی۔