حجرہ شاہ مقیم (انگریزی: Hujra Shah Muqeem) صوبہ پنجاب، پاکستان کا ایک شہر ہے، جو ضلع اوکاڑہ میں واقع ہے۔ یہ دیپالپور تحصیل کی ایک یونین کونسل ہے۔[1][2]اس کی بنیاد یہاں کے مشہور صوفی بزرگ سید بہاول شیر گیلانی قادریؒ نے 953 ہجری میں رکھی تھی اور ابتدا میں اپنے رہنے کے لیے یہاں ایک حجرہ بنوایا ۔ بعد میں ان کے پوتے سید محمد مقیم محکم الدینؒ نے اس کی آباد کاری میں خصوصی دلچسپی لی چنانچہ انہی کے نام سے اس نے حجرہ شاہ مقیم کے طور پر شهرت پائی۔حجرہ شاہ مقیم کی خانقاہ کے موجودہ گدی نشین سید اعجاز علی گیلانی ہیں۔ سابقہ صوباٸی وزیر سید افضال علی گیلانی ان کے چھوٹے بھاٸی ہیں۔
سید رضا علی گیلانی جو سابقہ صوباٸی وزیر ہاٸر ایجوکیشن ہیں۔ اداکار ننھا بھی اسی قصبہ سے تعلق رکھتے تھے۔ ڈاکٹر شفقت قاضی یہاں کی مشہور ادبی شخصیت ہیں۔ ڈاکٹر محمد شفیق طاہر ڈاکٹر سلیمان اطہر ، محمد اکرم پراچہ ،ڈاکٹر نسیم الرحمٰن ، سید مدثر شاہ (ایڈووکیٹ)، ڈاکٹر بلال اکرم پراچہ، نور دین شاہد اور پروفیسر محمد عبد اللہ کا شمار یہاں کی علمی شخصیات میں ہوتا ہے۔مزاحیہ شاعر خالد پرویز کا تعلق بھی حجرہ شاہ مقیم سے ہے۔
