خالد خواجہ

پاکستانی فوجی افسر۔ پاکستان خفیہ ادارے آئی ایس آئی کے رکن۔ 1988 میں ان کو فوج سے جبری طور پر ریٹائر کر دیا گیا۔ ملازمت کے دوران میں وہ آئی ایس آئی کے ساتھ وابستہ رہے لیکن ریٹائرمنٹ کے بعد بھی ان کے رابطے اس ادارے کے ساتھ بحال رہے اور آئی ایس آئی کے لیے مختلف منصوبوں کے لیے کام کرتے رہے اور افغان جہاد میں بھی وہ مختلف معاملوں پر آئی ایس آئی کے لیے مبینہ طور پر خدمات سر انجام دیتے رہے۔

خالد خواجہ
معلومات شخصیت
پیدائش	سنہ 1951ء   جڑانوالہ
وفات	30 اپریل 2010ء (58–59 سال)
طرز وفات	قتل
شہریت	پاکستان
عملی زندگی
پیشہ	انٹیلی جنس افسر ،  فوجی افسر
عسکری خدمات
لڑائیاں اور جنگیں	پاک بھارت جنگ 1971ء

نائن الیون

نائن الیون کے واقعہ کے بعد انھوں نے مغربی میڈیا پر انٹرویو دیے کہ وہ القاعدہ کے لیڈر اسامہ بن لادن کے پائلٹ رہے ہیں۔ خالد خواجہ کے اس دعوے نے تو پورے مغربی میڈیا کی توجہ اپنی جانب مبذول کروا لی۔ اس کے علاوہ نواز شریف کے ساتھ خصوصی تعلق اور آئی جے آئی کی تشکیل میں بھی اپنے کردار کے متعلق کئی اہم دعوے کیے۔ ساتھ ہی ان کا کہنا تھا کہ کہ انھوں نے اسامہ بن لادن اور نواز شریف کے دو دفعہ ملاقات کرائی ہے جس کی مسلم لیگ ن کے حلقے تردید کرچکے ہیں۔

لال مسجد

مشرف کے دور میں گرفتار ہوئے مگر رہائی کے بعد لال مسجد میں آنا جانا شروع کر دیا۔ وہ لال مسجد کے خطیب مولانا عبدلعزیز کے چھوٹے بھائی عبدالرشید غازی کے قریبی دوستوں میں شمار ہونے لگے۔ لال مسجد آپریشن کے بعد گرفتار کر لیے گئے۔ بعد میں ضمانت پر رہا ہوئے۔

لاپتہ افراد

ڈیفنس آف ہومین رائٹس کی چیئرپرسن آمنہ مسعود جنجوعہ کے ساتھ مل کر لاپتہ افراد کی لسٹیں جمع کرنے میں اہم کردار ادا کیا ان لسٹوں کو سپریم کورٹ کے سامنے پیش کیا گیا جس کے بعد سپریم کورٹ نے بہت سے لوگوں کو بازیاب کرانے میں اہم کردار ادا کیا۔

شہادت

مارچ کے مہینے میں آئی ایس آئی کے ایک سابق اہلکار سلطان عرف کرنل امام اور ایک برطانوی صحافی کے ہمراہ وزیرستان گئے تاکہ طالبان کے متعلق ایک دستاویزی فلم تیار کی جاسکے۔ وہاں پر ایشین ڈائیگر نامی تنظیم نے انھیں اغوا کر لیا۔ ان کی رہائی کے بدلے اہم طالبان کمانڈروں کی رہائی کا مطالبہ کیا گیا۔ لیکن 30 اپریل 2010ء کو شمالی وزیرستان کے علاقے میں ان کی لاش ملی۔ انھیں گولیاں مار کر شہید کیا گیا تھا۔