سعد بن خولیٰ

سعدبن خولیٰ یمن کے باشندے غزوہ بدر میں شریک ہونے والے مہاجر صحابہ میں شامل تھے۔

سعد بن خولیٰ
معلومات شخصیت

نام ونسب

سعد نام،باپ کا نام خولی تھا، نسب نامہ یہ ہے، سعد بن خولیٰ بن سبرہ بن دریم بن قیس بن مالک بن عمیر بن عامر بن بکر بن عامر الاکبر بن عوف بن بکر بن عوف بن عذرہ بن رفیدہ بن ثور بن کلب بن قضاعہ، سبرہ کسی طرح گرفتار ہوکر مشہور بدری صحابی حاطب بن ابی بلتعہ کی غلامی میں آ گئے تھے، حاطب ان کے ساتھ نہایت شفقت اورمہربانی سے پیش آتے تھے۔

اسلام

ان کے زمانہ اسلام کی تصریح نہیں ملتی، امکان یہ ہے کہ اپنے آقا حاطب کے ساتھ آغاز دعوت اسلام میں مشرف باسلام ہوئے ہوں گے۔

غزوات وشہادت

قبولِ اسلام کے بعد سب سے پہلے غزوۂ بدر میں شریک ہوکر بدری ہونے کا شرف حاصل کیا اس کے بعد غزوہ احد میں شریک ہوئے اوراسی میں شہادت پائی۔

اولاد

شہادت کے بعد ایک لڑکا عبد اللہ یادگار چھوڑا، عمر فاروق نے باپ کے خدمات کے صلہ میں انصار کے ساتھ ان کا وظیفہ مقرر فرمایا۔