شفیع انعامدار
شفیع انعامدار (23اکتوبر 1945ء-13مارچ 1996ء) ایک بھارتی اداکار تھا۔ اس نے فلم ویجیتا کے ساتھ اپنا کیرئیر شروع کیا اور آردھ ستیا کے ساتھ جاری رکھا۔ اس نے بڑی تعداد میں ٹی وی سیریز میں بھی کام کیا جن میں" یہ ہے زندگی "بھی شامل ہے۔ شفیع نے اداکارہ بھکتی بریو سے شادی کی۔ 13 مارچ 1996ء میں وہ فوت ہوا۔ اس کی بیوی 12فروری 2001ء میں ایک سڑک حادثہ میں جان بحق ہوئی۔ شفیع کے سب سے زیادہ قابل ذکر فلم کرداروں میں انسپکٹر کا کردار "آج کی آواز" فلم میں، ولن کا کردار "عوام" (فلم) اور ہیرو کے دوست کا کردار" نذرانہ" ، "انوکھا رشتہ " اور "امرت" شامل ہیں۔ اس کی دیگر کامیاب فلموں میں "سدا سہاگن" ، "جرم" اور " لوّ 86" بھی شامل ہیں۔ شفیع انامدار نے اپنی ابتدائی تعلیم پنگری اور سینٹ جوزف ہائیاسکول عمر کھڈی (ڈونگری) ممبئی انڈیا سے حاصل کی۔ جہاں اس نے اپنا ایس ایس سی کا امتحان 1958ء میں پاس کیا۔ اس نے سال 1963ء میں کے سی کالج سے بی ایس سی بھی کی۔ وہ زیادہ تر عام آدمی کے کردار ادا کرتا رہا۔ اس نے متعدد ٹی وی شوز میں بھی کام کیا جن میں سب سے زیادہ شہرت حاصل کرنے والا ٹی وی شو " یہ ہے زندگی" میں کندن شاہ کا کردار ادا کیا اور یہ دور درشن سے آن ائیر ہونے والا شو تھا۔ اس شو نے اسے ہاؤس ہولڈ بنا دیا۔[1] یہ شو اتنا مقبول ہوا کہ اس کی فلمی زندگی پر بھی اس کا اثر پڑنے لگا۔ یہ جمعہ کی رات کو بہت دیر سے آن ائیر ہوتا تھا[2]۔ یہ اتنا مقبول ہوا کہ 61 ہفتوں تک اس کی قسطیں چلیں جب کہ عام طور پر یہ 25 ہفتوں سے زیادہ نہیں ہوتی تھیں[3]۔ ٹی وی پر اس کی آخری پرفارمنس 'تیری بھی چپ میری بھی چپ' میں کی۔ اس نے ہندی فلم یشونت میں ایک وکیل کا کردار بھی ادا کیا جو اس کے مرنے کے بعد ریلیز ہوئی۔ رمیش سپی کی فلم ساگر میں بھی اس نے اداکاری کی۔ انامدار نے ایک فلم ہم دونوں بھی بنائی جس میں اداکار نانا پاٹیکر، رشی کپور اور پوجا بھٹ شامل ہیں۔ فلم ایک زبردست ہٹ تھی اور اس کو ایک اچھا ہدایتکار بھی سمجھا جاتا تھا۔
| شفیع انعامدار | |
|---|---|
 | |
| معلومات شخصیت | |
| پیدائش | 23 اکتوبر 1945 Pangari، بمبئی پریزیڈنسی، برطانوی ہند کے صوبے اور علاقے |
| وفات | 13 مارچ 1996 (عمر 50 سال) ممبئی، مہاراشٹر، بھارت |
| رہائش | ممبئی، مہاراشٹر، بھارت |
| شہریت |  بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950) |
| زوجہ | Bhakti Barve |
| عملی زندگی | |
| مادر علمی | کشن چند چیلارام کالج |
| پیشہ | Actor, Producer, Director |
| پیشہ ورانہ زبان | ہندی |
| دور فعالیت | 1960–1995 |
 |
IMDB پر صفحات |
درستی - ترمیم  | |
حوالہ جات
ترمیم- ↑ Shafi Inamdar، 25 دسمبر 2018 میں اصل سے آرکائیو شدہ، اخذ شدہ بتاریخ 27 مئی 2018
- ↑ What made Yeh Jo Hai Zindagi such an important show، 25 دسمبر 2018 میں اصل سے آرکائیو شدہ، اخذ شدہ بتاریخ 27 مئی 2018
- ↑ Shafi Inamdar، 02 اگست 2017 میں اصل سے آرکائیو شدہ، اخذ شدہ بتاریخ 27 مئی 2018
بیرونی روابط
ترمیم- انٹرنیٹ مووی ڈیٹابیس (IMDb) پر Shafi Inamdar
- Shafi Inamdar at IndiaFM