شقیق بلخی

شقیق بن ابراہیم بلخی امام ابو یوسف کے اصحاب میں سے عالم ، زاہد ، عارف، متوکل تھے اور ان سے کتاب الصلوٰۃ پڑھی اور امام ابو حنیفہ و اسرائیل اور عباد بن کثیر سے بھی روایت کی ، کنیت ابو علی رکھتے تھے۔ مدت تک ابراہیم بن اوہم کی صحبت میں رہے اور ان سے طریقت کا علم حاصل کیا،آپ کا قول تھا کہ میں نے ایک ہزار سات سوا ستاد کی شاگردی کی اور چند اونٹ کتوبوں کے پڑھے لیکن خدا کی رضا مندی چار چیزوں میں پائی،ایکؔ امن روزی میں ، دومؔ کام میں اخلاص ،سومؔ شیطان سے عداوت ، چہارمؔ موت سے موافقت۔
کہتے ہیں کہ جب آپ نے توکل کے میدان میں قدم رکھا تو آپ کے پاس تین سو گاؤں جائداد میں تھے،سب کو آپ نے فقراء پر ایثار کر دیا یہاں تک کہ مرنے کے وقت کفن کے لیے بھی آپ کے پاس کچھ نہ تھا ۔ حاتم اصم اور محمد بن ابان بلخی اور ابن مردویہ نے آپ سے روایت کی اور 194ھ؁ میں آپ ولایت ختلان میں شہید ہوئے چنانچہ قبر آپ کی اسی جگہ واقع ہے۔ آپ کی تاریخ وفات ہے۔

شقیق بلخی
(عربی میں: شقيق البلخي)
معلومات شخصیت
مقام پیدائش	بلخ
وفات	سنہ 810ء   صوبہ ختلان
مدفن	صوبہ ختلان
عملی زندگی
تلمیذ خاص	حاتم اصم
پیشہ	الٰہیات دان