قمر وارثی

قمر وارثی حمد و نعت گو شاعر

ولادت

قمر وارثی کا اصل نام ارشاد حسین ہے والد کا نام سید مشتاق حسین تھا۔ پیدائش 5 جنوری 1950ء بمقام فرخ آباد (یو پی بھارت) میں ہوئی۔

ہجرت

والدین سمیت گھر کے سبھی افراد اٹاوہ کے حاجی محمود شاہ وارثی کے وہاں آ کر بس گئے۔ ہندوستان سے ہجرت کرکے پہلے سکھر پھر بعد میں کراچی سکونت اختیار کی۔ تعلیم حاصل کرنے کے بعد ملازمت اختیار کرلی ۔ شعر و شاعری میں سب سے پہلے رئیس امروہوی سے اصلاح ہوتی رہی ۔ بعد میں حضرت رشید انجم سے تلامذہ رہا۔

بیعت

قمر وارثی نے بیعت وارث علی شاہ کے دست حق پرست سے ہوئی۔

مجموعہ ہائے کلام

• آپ سَراپا نور
• سرمایۂ روحانیت (طرحی نعتیں)
• عطائے ظہور (نعتیں)
• آئینہ ِ ظہور (نعتیں)
• حرم سے حرم تک (نعتیں)
• مالک ارض و سما
• رب خیر البشر
• قادرو قیوم ذات
• عرفان رب کائنات
• اے رحیم اے کریم