گولڈن تھریشولڈ

گولڈن تھریشولڈ (انگریزی: Golden Threshold) مشہور بھارتی شاعرہ، سیاسی رہنما اور تحریک آزادی کی رہنما سروجنی نائیڈو کے اولین مجموعہ کلام کے نام پر رکھا گیا عمارت کا نام ہے۔ یہ یونیورسٹی آف حیدرآباد کا ماورائے کیمپس احاطہ ہے۔ یہ عمارت سروجنی نائیڈو کا آبائی گھر بھی رہی ہے۔ یہاں ان کے والد اگھور ناتھ چٹوپاتھیائے رہا کرتے تھے، جو حیدر آباد کالج کے اولین پرنسپل تھے۔ یہ کالج اب نظام کالج کے نام سے جانا جاتا ہے۔

گولڈن تھریشولڈ Golden Threshold
محلِ وقوع	عابڈز، حیدرآباد، دکن، تلنگانہ، بھارت
حجمِ مجموعات	مصورانہ نمونے

یاد گار

سروجنی نائیڈو کی راکھ سپرد آب ہونے سے پہلے گولڈن تھریشولڈ پر رکھی گئی تھی۔

گولڈن تھریشولڈ سروجنی نائیڈو کے پہلے مجموعہ کلام کے نام سے موسوم ہے۔ یہ مجموعہ کلام 1905ء میں شائع ہوا تھا۔ موجودہ طور پر یونیورسٹی آف حیدرآباد سے ملحقہ اسکول آف آرٹس اینڈ کمیونکیشن اس عمارت میں واقع ہے۔

اہمیت

یہ عمارت کئی مصلحانہ خیالات کا گہوارہ رہی ہے، جن میں شادی بیاہ، تعلیم، خواتین کو بااختیار بنانا، ادب اور قومیت شامل ہیں۔

اضافی ہال

اس عمارت میں راج کماری اندرا دیوی ہال کے نام سے موسوم ایک ہال کا افتتاح کیا گیا۔