ابراہیم لودھی

ابراہیم لودھی ، خاندان لودھی کے آخری بادشاہ تھا۔ ابرہیم لودھی ، سکندر لودھی کا بڑا بیٹا تھا اور سکندر لودھی کی وفات کے بعد تخت نشین ہوا۔ ابرہیم لودھی، مزاج کا اکھڑ اور غصیلا تھا۔ امرا ناراض ہو گئے۔ بزور دبانا چاہا تو زیادہ بگڑ گئے اور بغاوتیں کیں۔ اس کے بھائی جلال خان نے بغاوت کی اور مارا گیا۔ چچیرے بھائی اعظم ہمایون کو شبہے کی بنا پر پکڑا۔ اس کے بیٹے فتح خان کو بھی قید میں ڈال دیا۔ ان واقعات سے مشتعل ہو کر سب افغان باغی ہو گئے۔ خانہ جنگی میں قوت ضائع ہوئی۔ میواڑ کے رانا سانگا کو شکست دی۔ بہادر خان بہار میں خود مختار ہو گیا۔ ابراہیم اس کی سرکوبی نہ کر سکا۔ اسی اثنا میں رانا سانگا نے کابل سے ظہیر الدین بابر کو بلایا۔ پانی پت کی پہلی لڑائی میں ابراہیم مارا گیا۔ اور یوں 1526ء میں ہندوستان میں مغلیہ سلطنت کا آغاز ہوا۔

ابراہیم لودھی
(پشتو میں: ابراهیم لودي)
معلومات شخصیت
پیدائش	15ویں صدی  دہلی
وفات	21 اپریل 1526  پانی پت
وجہ وفات	لڑائی میں مارا گیا
والد	سکندر لودھی
خاندان	لودھی سلطنت
مناصب
سلطان سلطنت دہلی
برسر عہدہ 22 نومبر 1517  – 21 اپریل 1526
سکندر لودھی   ظہیر الدین محمد بابر
عملی زندگی
پیشہ	سیاست دان ،  سلطان سلطنت دہلی