ابو الحسن كرخی

ابو الحسن کرخی یہ حنفی فقیہ اور عراق میں حنفیہ کے امام و شیخ ہیں۔ عبید اللہ کرخی سے بھی معروف ہیں۔

ابو الحسن كرخی
معلومات شخصیت
پیدائش	سنہ 874ء   کرخ
وفات	سنہ 952ء (77–78 سال)  بغداد
عملی زندگی
تلمیذ خاص	ابو عبد اللہ بصری

نام

پورا نام عبيدالله ابن الحسین بن دلال بن دلہم المكنی الکرخی ہے۔ فقہ حنفی کے معتبر ائمہ میں سے ہیں۔

ولادت

پیدائش کرخ (260ھ) میں ہوئی۔ پھر عراق منتقل ہوئے۔

تعلیم

امام کرخی جس زمانہ میں پڑھنے کے قابل ہوئے اس زمانہ میں شہر بغداد مرکز علم و ادب تھا۔ خود محلہ کرخ میں اور دریائے دجلہ کے دوسری طرف شہر بغداد میں بڑے بڑے علما اور ادبا کا جمگھٹا تھا ۔ انھوں نے اپنی تعلیم کے دوران تقریبا ان تمام علما فقہا اور محدثین سے استفادہ کیا جو اس زمانہ میں وہاں موجود تھے ۔ ان کے اساتذہ کرم میں سب سے زیادہ اہم شخصیت ابوسعید البردعی کی تھی جو امام ابوحنیفہ کے پوتے اسماعیل بن حماد بن ابی حنیفہ کے شاگرد تھے اور اسی سلسلہ سند سے امام ابو حنیفہ کی روایت کردہ احادیث اور خود امام صاحب کے فتادی روایت کرتے تھے۔دیگر اساتذہ میں اسماعيل بن اسحاق القاضی، احمد ابن يحی الحلوانی، اورمحمد بن عبد الله بن سليمان المصری شامل تھے۔

وفات

ان کی وفات بغداد (340ھ بمطابق 951ء)میں ہوئی۔

کرخی نسبت

جب صرف کرخی نام بولا جائے تو اس سے مراد ابو الحسن کرخی ہوتے ہیں معروف کرخی جو اس پہلے گذرے وہ مراد نہیں ہوتے

علمی مقام

امام کرخی کو حنفی مذہب میں مجتہد فی المسائل کہا جاتا ہے۔ ایسا مجتہد فروعی مسائل میں اجتہاد کرتا ہے جن میں اس کے امام سے کوئی روایت نہ ملی ہو۔ یہ مجتہد اپنے مذہب کے امام کی مخالفت نہیں کرتا بلکہ اس کے مقرر کردہ اصول کے تحت نئے مسئلے کا حکم دریافت کرتا ہے۔ امام ابو الحسن الکرخی امام طحاوی کے ہم عصر اور ان کے شیوخ واساتذہ سے علم حاصل کیا۔ امام عبدالرحمٰن بن علی بن الجوزی نے ’’مناقب معروف الکرخی واخبارہ‘‘ کے نام سے جو کتاب لکھی ہے وہ مشہور صوفی معروف کرخی ؒ کے حالات میں ہے ۔

تصنیفات

ان کی تصنیفات بڑی اہم ہیں۔

• مختصرکرخی
• اصول کرخی
• شرح جامع الصغیر
• شرح جامع الکبیر ان کی تصانیف ہیں۔