اج آکھاں وارث شاہ نوں

اج آکھاں وارث شاہ نوں (پنجابی زبان: ਅੱਜ ਆਖਾਂ ਵਾਰਸ ਸ਼ਾਹ ਨੂੰ) ایک معروف بین ہے جو مشہور پنجابی مصنفہ اور شاعرہ امرتا پریتم (1919–2005) نے خطۂ پنجاب میں 1947ء کی تقسیم ہند تقسیم کی ہولناکیوں کے بارے میں لکھا۔ نظم امرتا پریتم نے ہجرت کے وقت ریل گاڑی میں لکھی تھی اس کا ذکر انھوں نے اپنی آپ بیتی رسیدی ٹکٹ میں کیا ہے۔ یہ نظم تاریخی پنجابی شاعر وارث شاہ (1722–1798 عیسوی) سے خطاب کرتی ہے، جنھوں نے پنجابی محبت کی سب سے مقبول داستان، ہیر رانجھا لکھی۔ نظم مین وارث شاہ سے درخواست کی جا رہی ہے کہ وہ اپنی قبر سے بولیں، پنجاب کے اس نئے سانحے کو اپنے دردمند دل سے لکھیں اور تاریخ میں اس واقعے کو بھی محفوظ کریں۔ نظم ان جدید ہندوستانی نظموں میں شامل ہے جنھیں سب سے زیادہ پڑھا گیا ہے۔

اج آکھاں وارث شاہ نوں 

از امرتا پریتم
اصل عنوان	ਅੱਜ ਆਖਾਂ ਵਾਰਸ ਸ਼ਾਹ ਨੂੰ
ملک	بھارت
زبان	پنجابی زبان
موضوعات	تقسیم ہند کے بعد پنجاب میں فسادات
صنف	نوحہ

پس منظر

امرتا پریتم کا تعلق موجودہ پاکستان کے علاقے گوجرنوالہ سے تھا، وارث شاہ کا تعلق بھی اسی شہر سے تھا۔ 1947ء میں پنجاب دو حصوں میں بٹ گیا تھا، جس کے بعد دونوں طرف سے ہجرت شروع ہوئی، اس میں فسادات شروع ہو گئے، جن میں ہزاروں انسانی جانیں گیئں۔ امرتا پریتم نے بھی بذریعہ ٹرین پاکستان سے ہجرت کی اور ان فسارات کا گہرا ثر قبول کیا۔ یہ نظم انھوں نے اسی سفر کے دوران میں لکھی۔ امرتا پریتم کے سائیکی پر پنجاب کی تقسیم کا زخم انتہائی گہرا تھا اور یہ اُن کی نوجوانی کی نظموں سے لے کر پُختہ عمری کی فکشن تک اُن کے ذہن پر مسلط رہا۔

اقتباس

اس نظم کا ابتدائی بند -

پنجابی – گرمکھی متن	پنجابی – شاہ مکھی متن	اردو ترجمہ
ਅੱਜ ਆਖਾਂ ਵਾਰਸ ਸ਼ਾਹ ਨੂੰ ਕਿਤੋਂ ਕਬਰਾਂ ਵਿਚੋਂ ਬੋਲ। ਤੇ ਅੱਜ ਕਿਤਾਬੇ ਇਸ਼ਕ ਦਾ ਕੋਈ ਅਗਲਾ ਵਰਕਾ ਫੋਲ। ਇਕ ਰੋਈ ਸੀ ਧੀ ਪੰਜਾਬ ਦੀ ਤੂੰ ਲਿਖ ਲਿਖ ਮਾਰੇ ਵੈਣ। ਅਜ ਲੱਖਾਂ ਧੀਆਂ ਰੋਂਦੀਆਂ ਤੈਨੂ ਵਾਰਸ ਸ਼ਾਹ ਨੂੰ ਕਹਿਣ। ਵੇ ਦਰਦਮੰਦਾਂ ਦਿਆ ਦਰਦੀਆ ਉੱਠ ਤੱਕ ਆਪਣਾ ਪੰਜਾਬ। ਅਜ ਬੇਲੇ ਲਾਸ਼ਾਂ ਵਿਛੀਆਂ ਤੇ ਲਹੂ ਦੀ ਭਰੀ ਚਨਾਬ।	اج آکھاں وارث شاہ نوں، کتھوں قبراں وچوں بول تے اج کتابِ عشق دا کوئی اگلا ورقہ پَھول اک روئی سی دھی پنجاب دی، تُوں لکھ لکھ مارے بین اج لکہاں دھیاں روندیاں، تینوں وارث شاہ نوں کہن اُٹھ درد منداں دیا دردیا، اُٹھ ویکھ اپنا پنجاب اج بیلے لاشاں وچھیاں تے لہو دی بھری چناب	آج وارث شاہ سے کہوں، اپنے قبر سے بولیے اور کتاب عشق کا کوئی اگلا صفحہ کھولیے ایک پنجاب کی بیٹی روئی، تو آپ نے اس کے غموں میں نوحے لکھے آج لاکھوں بیٹیاں روتی ہیں اور اے وارث شاہ! آپ سے کہہ رہی ہیں اے دردمند انسان! اب اٹھیے اور دیکھیے! اپنا پنجاب آج خشکی و دریا کو انسانی لاشوں سے بھر دیا گیا

فکشن میں

یہ نظم بھارتی پنجاب اور پاکستانی پنجاب دونوں جگہ بہت مشہور ہوئی۔ یہ پاکستانی پنجابی فلم کرتار سنگھ میں بھی شامل کی گئی، جسے عنایت حسین بھٹی نے گایا۔ لاہور آرٹس کونسل اور صوفی تبسم آرٹ اکیڈمی کے زیر اہتمام ڈراما ’’اج آکھاں وارث شاہ نوں‘‘ الحمرا ہال نمبر 2 میں پیش کیا گیا۔ اس کے مصنف پروفیسر صوفی نثار احمد تھے اور ہدایات و پیش کش آغا شاہد اور ڈاکٹر فوزیہ تبسم نے دیں۔ ڈراما 4 روز تک جاری رہا۔ فنکاروں میں علی شان، حرا، دانیال، پونم ناز، فخرالزمان، بینش، نرگس، عادل لاہوری، زبیربھٹہ، عبد اللہ اور علی پاشا شامل تھے۔

میکال حسن بینڈ

پاکستانی بینڈ میکال حسن بینڈ نے اپنے دو البم سمپورن اور سپتاک میں 7 منٹ 27 سیکنڈ کا گانا وارث شاہ شامل کیا ہے، یہ گانا جاوید بشیر نے گایا ہے۔ بینڈ نے اس گانے کا ایک انیمیٹڈ نسخہ جاری کیا ہے جس کی ہدایات ذیشان پرویز نے دی ہیں۔

مزید دیکھیے

• بھارتی شاعری

بیرونی روابط

• اج آکھاں وارث شاہ نوں ، امرتا پریتم کی انتہائی اہم نظم، گلزار کی آواز میں
• پاکستانی پنجابی فلم کرتار سنگھ، میں، عنایت حسین بھٹی کی آواز میں