افضل گوہرراؤ (شاعر)

راؤ افضل گوہر پاکستان کے معروف شاعر ہیں۔ ملک میں ہونے والے بڑے مشاعروں میں انھیں مدعو کیا جاتا یے۔

افضل گوہر راؤ
پیدائش	راؤ افضل گوہر (1965-01-01) 1 جنوری 1965 سرگودھا، مغربی پاکستان
قلمی نام	گوہر
پیشہ	شاعر
زبان	اردو رانگڑی
نسل	رانگڑ
شہریت	پاکستانی
اصناف	غزل، نظم

پیدائش

آپ 1965ء میں سرگودھا کی ایک رانگڑ راجپوت فیملی میں پیدا ہوئے۔

نمونہ کلام

غزل

ہجر میں اتنا خسارہ تو نہیں ہو سکتا		ایک ہی عشق دوبارہ تو نہیں ہو سکتا
چند لوگوں کی محبت بھی غنیمت ہے میاں		شہر کا شہر ہمارا تو نہیں ہو سکتا
کب تلک قید رکھوں آنکھ میں بینائی کو		صرف خوابوں سے گزارا تو نہیں ہو سکتا
رات کو جھیل کے بیٹھا ہوں تو دن نکلا ہے		اب میں سورج سے ستارہ تو نہیں ہو سکتا
دل کی بینائی کو بھی ساتھ ملا لے گوہرؔ		آنکھ سے سارا نظارا تو نہیں ہو سکتا