القزوینی

ابو عبد اللہ بن زکریا بن محمد القزوینی، ان کا نسب عالمِ مدینہ امام مالک بن انس پر جاکر ختم ہوتا ہے، قزوین میں کوئی 605ھ کو پیدا ہوئے اور 682ھ کو وفات پائی، کچھ عرصہ قاضی رہے، مگر علمی تصنیف و تالیف جاری رکھی، وہ فلکیات دان، طبیعیات دان اور علومِ حیات کے ماہر تھے، مگر ہوائی رصد میں ان کے نظریات عظیم الشان ہیں، ان کی اہم تصانیف میں ان کی مشہور کتاب “عجائب المخلوقات وغرائب الموجودات” ہے، اس میں انھوں نے آسمان اور اس کے ستارے، اجرام، بروج، ان کی ظاہری حرکت اور اس سب کی وجہ سے سال کے موسموں کے اختلاف پر بحث کی ہے، اس کے علاوہ انھوں نے ہوائی کرہ، ہواؤں کے چکر، سمندر اور اس کے جاندار، پھر خشکی اور اس میں موجود جمادات، نباتات اور حیوانات پر بھی بڑی خوبصورتی سے روشنی ڈالی ہے اور اس سب کو انھوں نے بہت دقیق ابجدی ترتیب دی ہے۔

علامہ
القزوینی
(عربی میں: زكريَّا بن مُحمَّد بن محمود القزويني)
معلومات شخصیت
پیدائش	سنہ 1203ء   قزوین
وفات	سنہ 1283ء (79–80 سال)  بغداد
عملی زندگی
پیشہ	مورخ ،  ریاضی دان ،  ماہر حیوانیات ،  جغرافیہ دان ،  فطرت پسند ،  منصف
پیشہ ورانہ زبان	عربی
شعبۂ عمل	علوم فطریہ ،  جغرافیہ

ان کی ایک اور مشہور کتاب “آثار البلاد واخبار العباد” ہے، اس میں انھوں نے شہر اور گاؤں بنانے کی ضروت، ملکوں کے خواص اور موسم کا انسانوں، درختوں اور جانوروں پر اثر بیان کیا ہے، کتاب میں قوموں کی خبریں، علما، ادبا اور شاہوں کے تراجم اور فسادات کا بیان بھی قابلِ ذکر ہے۔

انھوں نے قرآنِ مجید کے حکم کے مطابق زمین وآسمان پر اللہ تعالٰی کی آیات پر غور و فکر پر زور دیا، یہاں غور و فکر سے ان کی مراد معقولات پر فکر اور محسوسات پر نظر اور ان کی حکمت کی تلاش ہے۔

مزید دیکھیے

• جلال الدین قزوینی