ایلس کیٹیلر

ڈیم ایلس کیٹیلر (انگریزی: Dame Alice Kyteler) آئرلینڈ کی وہ پہلی عورت تھی جسے چڑیل قرار دیا گیا۔ موقع پا کر وہ ملک سے فرار ہو گئی مگر اس کی ملازمہ پیٹرولینا ڈی میتھ کو دھر لیا گیا اور اس پر تشدد کرنے کے بعد 3 نومبر 1324ء کو زندہ جلا دیا گیا تھا۔

ایلس کیٹیلر
فائل:Alice Kyteler.jpg
معلومات شخصیت
پیدائش	سنہ 1263ء (عمر 760–761 سال)  کلکینی
وفات	انگلستان
شہریت	جمہوریہ آئرلینڈ
الزام و سزا
جرم	چڑیل

زندگی

ایلس کا جنم کیٹیلر خاندان کے گھر، کاؤنٹی کلکینی، آئرلینڈ میں ہوا تھا۔ وہ بیوپاریوں کے فلینڈری خاندان کی اکلوتی اولاد تھی جو تیرہویں صدی عیسوی کے وسط-اختتام سے آئرلینڈ میں آباد تھے۔

ایلس نے چار مردوں سے الگ الگ ادوار میں شادیاں رچائیں اور چاروں ہی عجیب طریقے سے مرے:

1. پہلا شوہر 1280ء-85ء - ولیم آؤٹلا، کلکینی کا بیوپاری اور سود پر قرض دینا والا تھا۔ اس سے ایلس کے دو بچے تھے۔
2. دوسرا شوہر 1302ء سے - کیلن کا ایڈم بلنڈ، سود پر قرض دینا والا۔
3. تیسرا شوہر 1309ء سے - رچرڈ ویل، کاؤنٹی ٹپاریری کا زمیندار۔
4. چوتھا شوہر 1316ء-24ء - جان پوئر۔

سنہ 1302ء میں ایلس اور اس کے دوسرے شوہر پر پہلے شوہر کے الزامات لگائے گئے۔ جب اس کا چوتھا شوہر جان لے پوئر سنہ 1324ء میں بیمار ہوا تو اس نے شبہ ظاہر کیا کہ اسے زہر دیا گیا تھا۔ اس کی وفات کے بعد لے پوئر کے اور تین سابقہ شوہروں کے بچوں نے اپنی ہی ماں پر جادوگری اور زہر دے کر اپنے باپوں کو قتل کرنے کے الزامات عائد کیے۔

مقدمہ

اوسوری کے بشپ، رچرڈ ڈی لیڈریڈ نے ایلس کو گرفتار کرنے کے احکامات جاری کیے، لیکن اس وقت تک ایلس اس قدر اختیارات حاصل کر چکی تھی کہ اس نے الٹا بشپ کو ہی 17 دنوں کے لیے جیل میں بند کروا دیا اور ایلس فرار ہو گئی۔ کہا جاتا ہے کہ عوامی دباؤ کے سبب آئرلینڈ کے چانسلر نے اسے راتوں رات آئرلینڈ سے انگلینڈ بھجوا دیا تھا۔

مزید دیکھیے

• مدر شپٹن