برجموہن دتاتریہ کیفی
پنڈت برجموہن دتاتریہ کیفی دہلوی (پیدائش: 13 دسمبر 1866ء - وفات: یکم نومبر 1955ء) اردو زبان کے مشہور و معروف ادیب، قادر الکلام شاعر، ڈراما نویس، ناول نگار اور پلند پایہ انشا پرداز تھے۔
| برجموہن دتاتریہ کیفی | |
|---|---|
 | |
| معلومات شخصیت | |
| پیدائش | 13 دسمبر 1866ء دہلی ، برطانوی ہند |
| وفات | 1 نومبر 1955ء (89 سال) غازی آباد، بھارت |
| شہریت |  برطانوی ہند (–14 اگست 1947) بھارت (26 جنوری 1950–) ڈومنین بھارت (15 اگست 1947–26 جنوری 1950) |
| عملی زندگی | |
| پیشہ | شاعر ، ناول نگار ، ڈراما نگار |
| پیشہ ورانہ زبان | اردو |
 باب ادب
| |
درستی - ترمیم  | |
حالات زندگی
ترمیمبرجموہن دتاتریہ کیفی 13 دسمبر 1866ء کو دہلی میں پیدا ہوئے۔ فنِ شاعری میں مولانا الطاف حسین حالی پانی پتی کے شاگرد تھے۔ کیفی بے انتہا عقیدت اور محبت سے اپنے استاد کا تذکرہ کرتے تھے۔ اردو کے علاوہ ہندی، عربی، فارسی اور انگریزی کے بھی عالم تھے۔ عرصہ دراز تک لاہور میں مقیم رہے، جہاں ان کا لڑکا انگریزی اخبار دی ٹریبیون کا ایڈیٹر تھا۔ انجمن ترقی اردو میں بابائے اردو مولوی عبد الحق کے بعد آپ ہی کا درجہ تھا۔ ساری عمر نہایت خلوص کے ساتھ اردو کی خدمت کی۔ اُن کی گفتگو، تقریر اور تحریر نہایت شستہ اور شائستہ ہوتی تھی، ہر ایک سے اخلاق اور مروت سے پیش آتے تھے۔ نہایت صلح کُل شخص تھے۔ [1][2]
تصانیف
ترمیم- منشورات (لیکچرز و مضامین، 1934ء)
- واردات (شعری مجموعہ، 1941ء)
- پریم ترنگنی (مثنوی)
- توزک ِ قیصری (منظوم تاریخِ ہند، 1911ء )
- خمخانۂ کیفی (1924ء)
- راج دلاری (ڈراما، 1930ء )
- کیفیہ (انجمن ترقی اُردو (ہند) دہلی،1942ء)
- مراری دادا (ڈراما، 1918ء)
- دریائے لطافت (انشاء اللہ خاں انشا کی کتاب کا ترجمہ، انجمن ترقی اُردواورنگ آباد، 1935ء)
- خمسۂ کیفی (اُردو زبان سے متعلق مقالات و منظومات، انجمن ترقی اُردو (ہند) دہلی، 1939ء)
- اُردو ہماری زبان (1936ء)
- نہتا رانا یا رواداری (تاریخی ناول ، 1931ء)
- جگ بیتی (مثنوی،انجمن ترقی اُردواورنگ آباد)
- تمثیلی مشاعرہ (انتخاب) سودا، خواجہ میر درد ، میر تقی میر ، جرآت ، مصحفی ، انشاء ، آتش ، نسیم ، ناسخ ، ذوق ، مومن اور غالب کا کلام
- چلو میں الو (ڈراما)
- عورت اور اس کی تعلیم
- بھارت درپن (ڈراما)
- افسانچے (عبد الحق اکیڈمی حیدرآباد دکن، دسمبر 1944)
- انتخاب ذوق و ظفر معہ مقدمہ (مرتبہ، بہ اشتراک شان الحق حقی،انجمن ترقی اُردو (ہند) دہلی، 1945ء)
- ہندوستانی ڈراما کا اثر مغربی اسٹیج پر
- آئینہ ہند
- پریم دیوی
وفات
ترمیمپنڈت برجموہن دتاتریہ کیفی 1 نومبر 1955ء کو دورانِ سفر قصبہ غازی آباد میں وفات پا گئے۔[1][2]