بنی (2005ء فلم)

بنی 2005ء میں جاری ہونے والی ایک بھارتی تیلگو زبان کی ہنگامہ خیز مصالحہ فلم ہے۔ اس فلم کے ہدایت کار وی وی ونایک ہیں۔ یہ اداکار اللو ارجن کی تیسری فلم ہے، جو گنگوتری اور آریہ کے بعد ارجن کی لگاتار تیسری بلاک باسٹر فلم ثابت ہوئی۔ اس فلم نے باکس آفس پر اچھی کمائی کی۔ اس فلم میں ارجن، بنی نامی ایک کالج کے طالب علم کا کردار نبھا رہے ہیں۔ ان کے ساتھ گاوری منجال، پرکاش راج، سرتھ کمار اور مکیش رشی مرکزی کرداروں میں ہیں۔ یہ فلم اڑیہ میں دھرمایودھا کے عنوان سے ڈب ہوئی اور 2013ء میں گولڈ مائن ٹیلی فلمز کی طرف سے ہندی میں بنی دی ہیرو کے عنوان سے ڈب کی گئی۔ یہ فلم ملیالم زبان میں اسی عنوان کے ساتھ ڈب کی گئی۔

بنی
فائل:Bunny Telugu poster.jpeg
ہدایت کار	وی وی ونایک
پروڈیوسر	ایم ستیہ نارائن ریڈی
تحریر	وی وی ونایک
ستارے	اللو ارجن گاوری منجال پرکاش راج سرتھ کمار مکیش رشی رگھو بابو
موسیقی	دیوی سری پرساد
سنیماگرافی	چھوٹا کے نائیڈو
ایڈیٹر	گوتم راجو
تاریخ نمائش	6 اپریل 2005ء (2005ء-04-06)
دورانیہ	139 منٹ
ملک	بھارت
زبان	تیلگو
بجٹ	₹10 کروڑ (امریکی $1.4 ملین)
باکس آفس	₹35.5 کروڑ (امریکی $5.0 ملین)

کہانی

سوم راجو (پرکاش راج) وشاکھاپٹنم کا ایک امیر اور کامیاب بزنس مین ہے۔ میسما (مکیش رشی) سوم راجو کا قریبی ساتھی ہے، جو حیدرآباد میں اس کی ڈیلز سنبھالتا ہے۔ مہالکشمی (گاوری منجال) سوم راجو کی بیٹی ہے۔ بنی عرف راجا (اللو ارجن)، مہالکشمی کے کالج میں داخلہ لیتا ہے۔ بنی، لکشمی کو کالج کے پہلے دن ہی متاثر کر دیتا ہے۔ آہستہ آہستہ، لکشمی اس کو پیار کرنے لگتی ہے۔ سوم راجو اپنی بیٹی کے سامنے ہار مان لیتا ہے اور ان کی شادی کے لیے راضی ہو جاتا ہے۔ لیکن بنی ایک شرط رکھتا ہے کہ سوم راجو اپنی ساری دولت اس کے نام کر دے تو پھر وہ مہالکشمی سے شادی کرے گا۔ باقی فلم کی کہانی یہ بیان بنی، سوم راجو کی دولت کیوں چاہتا ہے؟؟ بنی کا اصلی باپ رنگا راؤ بھوپتی راجا (سرتھ کمار) مہالکشمی کا ماموں ہوتا ہے۔ وہ ایک عظیم شخص ہوتا ہے، جس کے پاس کافی دولت ہوتی ہے۔ بھوپتی راجا غریب لوگوں کا مددگار ہوتا ہے۔ جب لکشمی پیدا ہوتی ہے تو اس کی ماں، بھوپتی راجا کو لکشمی کا نام کرن (نام دینا) کی تقریب پر دعوت دیتی ہے۔ دوسری طرف سوم راجو اس کو تقریب سے پہنچنے سے پہلے اپنے غنڈوں کی مدد سے جنگل میں مار دیتا ہے۔ لیکن وہ پھر بھی تقریب میں پہنچ جاتا ہے اور کچھ دیر بعد وہاں پر مر جاتا ہے۔ بنی کے باپ کی موت کے بعد سوم راجو اس کو مارنے کی کوشش کرتا ہے، لیکن بھوپتی راجا کا ایماندار ساتھی بنی کو بچاتے وقت اپنی ٹانگ کٹوا دیتا ہے، سوم راجو کے آدمی بنی کی جگہ اس کے بچے کو مار دیتے ہیں۔ پھر وہ آدمی اور اس کی بیوی بنی کو اپنی بیٹے کی طرح پالتے ہیں۔ دوسری طرف بھوپتی راجا کی ساری دولت جس کا حقدار بنی ہوتا ہے، اس کو سوم راجو حاصل کر لیتا ہے۔ بڑے ہونے پر وہ آدمی بنی کو مہالکشمی سے پیار کرنے کا کہتا ہے۔ مہالکشمی کو اپنے پیار میں پھنسا لینے کے بعد بنی اپنے باپ (سوتیلا باپ، مگر بنی نہیں جانتا تھا کہ وہ آدمی اس کا سوتیلا باپ ہے اور اس کا اصلی باپ بھوپتی راجا ہے) سے یہ پوچھتا ہے کہ کیوں آپ نے مجھے مہالکشمی سے پیار کرنے کا کہا؟؟؟ پھر وہ شخص بنی کو سوم راجو کے واقعہ اور اس کے اصلی باپ بھوپتی راجا کے بارے میں بتاتا ہے۔ اسی وجہ سے بنی، سوم راجو سے اس کی ساری دولت مانگتا ہے۔ بعد میں سوم راجو کو بھی پتا چل جاتا ہے کہ بنی اس کے دشمن بھوپتی کا بیٹا ہے۔ آخر میں بنی، سوم راجو کے غنڈے میسما کو مار کر اپنے باپ کی ساری دولت اور مہالکشمی کو حاصل کر لیتا ہے۔

کردار

• اللو ارجن بطور بنی عرف راجا
• گاوری منجال بطور مہالکشمی
• پرکاش راج بطور سوم راجو
• سرتھ کمار بطور رنگا راؤ بھوپتی راجا
• مکیش رشی بطور میسما
• رگھو بابو بطور سوم راجو کا ساتھی
• شرتھ سکسینا بطور رنگاسوامی، راجا کا سوتیلا باپ
• سدھا بطور راجا کا سوتیلی ماں
• سیتا بطور بنی کی پھوپھی
• آہوتی پرساد بطور ڈی سی پی ونکھیا
• راجن پی دیو بطور چیف منسٹر گوڈمبا چٹی
• چلپتی راؤ بطور وکیل
• ایم ایس نارائن بطور دیوا سہایم/دیوا سہایم کا باپ (دو کردار)
• وینو مادھو بطور دیوا سہایم کا اسسٹنٹ
• فش وینکٹ بطور سوم راجو کا ساتھی
• جینی بطور لیکچرار
• ایل بی سریرام بطور ڈاکٹر
• دل رمیش بطور سوم راجو کا ساتھی
• چترم سرینو بطور بنی کا دوست
• سراون بطور ترن

عملہ

• ہدایت کار: وی وی ونایک
• منظر نویس: وی وی ونایک
• کہانی نویس: وی وی ونایک
• پروڈیوسر: ایم ستیہ نارائن ریڈی
• موسیقی ہدایت کار: دیوی سری پرساد
• سنیما گرافر: چھوٹا کے نائیڈو
• ایڈیٹر: گوتم راجو
• ڈائیلاگ: راجیندر کمار
• آرٹ ہدایت کار: اشوک کمار

گانے

سب گانوں کو دیوی سری پرساد نے کمپوز کیا اور ادتیہ میوزک کی طرف سے جاری کیے گئے۔

گانوں کی فہرست

نمبر.	عنوان	بول	گلوکار	طوالت
1.	"مارو مارو"	چندرابوس	ٹپو	5:08
2.	"جبلموہ"	چندرابوس	ساگر، ملتھے لکشمن	4:34
3.	"وا وا وریوا"	وشوا	کارتیک، سمن گلی	4:08
4.	"مایلو مایلو"	سڈلا اشوک تیج	دیوی سری پرساد	4:57
5.	"کنا پڈالیڈا"	سڈلا اشوک تیج	ایس پی بالا سبھرامنیم	3:33
6.	"بنی بنی"	چندرابوس	کوشی مرالی، سری لیکھا پرتھاسرتھی	4:47
کل طوالت:				27:07

باکس آفس

بنی کو ₹15 کروڑ (امریکی $2.1 ملین) کے بجٹ پر تیار کیا گیا۔ فلم نے 100 دن میں ₹35.5 کروڑ (امریکی $5.0 ملین) (شیئر) حاصل کیا۔

بیرونی روابط

• بنی آئی ایم ڈی بی پر