تحصیل منچن آباد ضلع بہاولنگر، پنجاب، پاکستان کی پانچ تحصیلوں میں سے ایک تحصیل ہے۔ ۔[1] اس تحصیل کا صدر مقام منچن آباد ہے۔ اس میں 20 یونین کونسلیں ہیں۔

تحصیل منچن آباد
ملکFlag of Pakistan.svg پاکستان
صوبہپنجاب
ضلعضلع بہاولنگر
منطقۂ وقتPST (UTC+5)
 • گرما (گرمائی وقت)+6 (UTC)

ضلع بہاولنگر کی دیگر تحصیلیںترميم

تاریخترميم

تحصیل منچن آباد کی مختصر تاریخ

منچن آباد شہر 1860-1870 کے درمیان بسایا گیا، 1876 میں یہاں تھانہ کا قیام عمل میں آیا شہر کو ایک گول دائرے میں بسایا گیا جس کی مشابہت لندن کی وال اسٹریٹ سے ملتی جلتی ہے، یہاں کے لوگوں کی کثیر تعداد کا پیشہ زراعت تھا جو کہ اب تک چلا آ رہا ہے انیسویں صدی کے آخر اور بیسویں صدی کے آغاز میں شہر کی اہمیت اس وقت بڑھی جب اسکے جنوب مشرق میں اک غلہ منڈی کا قیام عمل میں لایا گیا، بعد یہ علاقہ منڈی صادق گنج منچن آباد کی سب تحصیل بن گیا  1920 کے بعد ریاست بہاول پور  میں بہت سے ترقیاتی کام ہوئے تو یہاں بھی شہرکے مختلف ترقیاتی منصوبوں پر کام شروع ہوا، عدالتوں اور ہسپتالوں کا قیام عمل میں لایا گیا، ستلج ویلی پراجیکٹ جو کہ دنیا کا بہترین نہری نظام ہے اسی علاقے ہو کر سے گزرتا ہے،  منچن آباد کا نام ریاست بہاولپور کے سابق سٹیٹ سپریٹنڈنٹ کرنل مینچن کے نام پر رکھا گیا تھا یاد رہے کہ پرانا شہر گول سڑک کے اندر ہی بسایا گیا تھا جبکہ مدنی چوک کو مرکزی بس سٹینڈ کی حیثیت حاصل تھی، یہاں کی تاریخی عمارتوں میں ابوبکر چوک کے آس پاس تاریخی گھر اور دکانیں آج بھی ماضی کی یاد دلاتی ہیں،  یہاں نہر فورڈ واہ پہ واقع بغیر ستون کے پل بہت مشہور ہے، جو کہ 1971 کی جنگ میں بال بال تباہ ہونے سے بچ گیا جبکہ تحصیل کی کل آبادی 4 لاکھ کے آس پاس ہے اور رقبہ 1700 مربع کلومیٹر سے کچھ زائد ہے۔

شہر کی بیس یونین کونسلیں ہیں اور یہ اب بھی رقبے کے لحاظ سے پنجاب کی دوسری بڑی تحصیل ہے۔ مشہور قصبہ جات میں منڈی صادق گنج اور میکلوڈ گنج شامل ہے، منچن آباد کی تاریخ بارے مفصل کتاب منڈی صادق گنج کے ابو الممتاز ارشاد احمد عباسی کی  لکھی ہوئی ہے جس میں مزید مفید معلومات مل سکتی ہے۔

مزید دیکھیےترميم

بیرونی روابطترميم

حوالہ جاتترميم

  1. "ضلع بہاولنگر کی تحصیلیں اور یونین کونسلیں - حکومت پاکستان". 09 فروری 2012 میں اصل سے آرکائیو شدہ. اخذ شدہ بتاریخ 23 اکتوبر 2010.