تکاکی کاجیتا
تکاکی کاجیتا (تاریخ پیدائش 9 مارچ 1959ء) ایک جاپانی طبیعیات دان ہیں جن کو کمیوکنڈ اور اس کے جانشین سپر کمیوکنڈ میں نیوٹرینو پر کیے جانے والے تجربات سے جانا جاتا ہے۔ 2015ء میں ان کو طبیعیات کا نوبل انعام کینیڈا کے رہائشی طبیعیات دان آرتھر بی مکڈونلڈ کے ساتھ اشتراک میں دیا گیا۔
| تکاکی کاجیتا | |
|---|---|
| (جاپانی میں: 梶田隆章) | |
 |
|
| معلومات شخصیت | |
| پیدائش | 9 مارچ 1959ء (65 سال)[1][2] حیجاشیماتسویاما |
| رہائش | جاپان |
| شہریت |  جاپان |
| عملی زندگی | |
| مقام_تدریس | انسٹی ٹیوٹ فار کازمک رے ریسرچ، یونیورسٹی آف ٹوکیو |
| مقالات | () |
| مادر علمی | جامعہ ٹوکیو |
| تعلیمی اسناد | پی ایچ ڈی |
| ڈاکٹری مشیر | مساٹوشی کوشیبا |
| استاذ | مساٹوشی کوشیبا |
| پیشہ | طبیعیات دان ، استاد جامعہ |
| پیشہ ورانہ زبان | جاپانی |
| شعبۂ عمل | طبیعیات |
| ملازمت | جامعہ ٹوکیو |
| اعزازات | |
| ویب سائٹ | |
| ویب سائٹ | باضابطہ ویب سائٹ |
 |
IMDB پر صفحات |
درستی - ترمیم  | |
ابتدائی اور ذاتی زندگی
ترمیمکاجیتا 1959ء میں ہیگاشیماٹسو یاما سیٹا ما، جاپان میں پیدا ہوئے۔[5] ان کی بیوی میچیکو، ٹویاما میں رہتی ہیں۔ [6]
سوانح حیات
ترمیمکاجیتا نے سیٹاما یونیورسٹی سے پڑھا اور 1981ء میں سند فضیلت حاصل کی۔ ٹوکیو یونیورسٹی سے انھوں نے 1986ء میں اپنی ڈاکٹریٹ کی سند حاصل کی۔ 1988ء سے وہ ٹوکیو یونیورسٹی کے شعبہ انسٹیٹوٹ فار کازمک ریڈیشن ریسرچ میں کام کرتے رہے جہاں وہ 1992ء میں معاون پروفیسر جب کہ 1999ء میں پروفیسر بنے۔[7]
1999ء میں وہ انسٹی ٹیوٹ فار کازمک رے ریسرچ کے شعبہ سینٹر فار کازمک نیوٹرینو کے ڈائریکٹر بن گئے۔ اس وقت 2015ء میں وہ ٹوکیو یونیورسٹی کے شعبے انسٹی ٹیوٹ فار دی فزکس اینڈ میتھمیٹکس آف دی یونیورس سے وابستہ ہیں اور انسٹی ٹیوٹ فار کازمک رے ریسرچ کے ڈائریکٹر بھی ہیں۔[8]
1998ء میں سپر کمیوکنڈ میں کاجیتا کی ٹیم کو معلوم ہوا کہ جب کائناتی اشعاع زمین کے کرۂ فضائی سے ٹکراتی ہیں، تو بننے والے نیوٹرینو ماؤنٹ کمیوکا کے نیچے موجود سراغ رساں تک پہنچنے سے پہلے دو ذائقوں میں بدل جاتے ہیں۔[9] اس دریافت نے نہ صرف نیوٹرینو کے جھولنے کو ثابت کرنے میں مدد کی بلکہ اس بات کو بھی ثابت کیا کہ نیوٹرینو کمیت رکھتے ہیں۔ 2015ء میں کاجیتا نے طبیعیات کا نوبل انعام کینیڈا کے رہائشی طبیعیات دان آرتھر بی مکڈونلڈ کے ساتھ حاصل کیا جن کی سڈبری نیوٹرینوآبزرویٹری نے بھی ایسے ہی نتائج کو دریافت کیا تھا۔ کاجیتا اور مکڈونلڈ کے کام نے شمسی نیوٹرینو کے عرصے دراز کے مسئلہ کو حل کر دیا۔ یہ مسئلہ شمسی نیوٹرینو کے مشاہدے اور پیش گوئی کے درمیان واضح فرق کی وجہ سے آ رہا تھا۔ اس دریافت نے معیاری نمونہ کو کمزور کیا جو نیوٹرینو کو بغیر کمیت کے قیاس کرتا تھا۔ نوبل انعام کے اعلان کے فوراً بعد ٹوکیو یونیورسٹی کی نیوز کانفرنس میں کاجیتا نے کہا، "بلاشبہ میں نیوٹرینو کا شکریہ ادا کرنا چاہتا ہوں۔ اور کیونکہ نیوٹرینو کائناتی اشعاع سے بنتے ہیں لہٰذا میں ان کا بھی شکریہ ادا کرنا چاہوں گا۔"[10]
نوبل انعام حاصل کرنے کے بعد جس شخص کو کاجیتا نے سب سے پہلے بلایا وہ 2002ء کے طبیعیات کے نوبل انعام یافتہ مساٹوشی کوشیبا، اس کے سابق مربی اور نیوٹرینو محققی رفیق تھے ۔
اعزازات
ترمیم- 1989ءکمیوکنڈ اشتراک کے دوسرے اراکین کے ساتھ برونو روسی پرائز
- 2002ءپنوفسکی پرائز
- 1987ء میں کمیوکنڈ کا حصّہ رہتے ہوئے اور 1999ء میں سپر کمیوکنڈ کا حصّہ رہتے ہوئے اشائی پرائز
- 1999ءنشینا میموریل پرائز
- 2013ءجولیس ویس ایوارڈ
- 2015ء میں نوبل انعام آرتھر بی مکڈونلڈکے ساتھ اشتراک میں نیوٹرینو کے جھولنے کو دریافت کرنے کے سلسلے میں ملا جس میں یہ ثابت ہوا کہ نیوٹرینو اصل میں کمیت رکھتے ہیں۔[11]
مزید دیکھیے
ترمیمحوالہ جات
ترمیم- ↑ https://kotobank.jp/word/%E6%A2%B6%E7%94%B0%E9%9A%86%E7%AB%A0-1123172 — اخذ شدہ بتاریخ: 6 اکتوبر 2015
- ↑ Munzinger person ID: https://www.munzinger.de/search/go/document.jsp?id=00000030506 — بنام: Takaaki Kajita — اخذ شدہ بتاریخ: 9 اکتوبر 2017
- ↑ http://www.nobelprize.org/nobel_prizes/physics/laureates/2015/
- ↑ https://www.nobelprize.org/nobel_prizes/about/amounts/
- ↑ "Takaaki Kajita - Facts". Nobel Foundation. 6 October 2015. Retrieved 6 October 2015.
- ↑ "Japan’s Takaaki Kajita shares Nobel in physics" آرکائیو شدہ (Date missing) بذریعہ japantimes.co.jp (Error: unknown archive URL). Japan Times. 6 October 2015. Retrieved 7 October 2015.
- ↑ "2015 Nobel Prize in Physics: Canadian Arthur B. McDonald shares win with Japan's Takaaki Kajita". CBC News. 6 October 2015. Retrieved 6 October 2015.
- ↑ "About ICRR" آرکائیو شدہ (Date missing) بذریعہ icrr.u-tokyo.ac.jp (Error: unknown archive URL). Institute for Cosmic Ray Research, University of Tokyo.
- ↑ Randerson, James and Ian Sample (6 October 2015). "Kajita and McDonald win Nobel physics prize for work on neutrinos". The Guardian. Retrieved 6 October 2015.
- ↑ Overbye, Dennis (6 October 2015). "Takaaki Kajita and Arthur McDonald Share Nobel in Physics for Work on Neutrinos". نیو یارک ٹائمز۔ Retrieved 6 October 2015.
- ↑ "The Nobel Prize in Physics 2015".. Nobelprize.org. Nobel Media AB 2014. Web. 6 October 2015.
بیرونی روابط
ترمیم- باضابطہ ویب گاہ
- پنوفسکی پرائز
- ورلیہنگ ڈس جولیس ویس پریسس 2013ءمٹ ورٹرگ وان کاجیتا
- کاگرا، تازہ ترین "ثقلی موجی دوربین" کا منصوبہ، جے ایس ٹی سائنس نیوز 2012ء کے ذریعہ شروع کیا گیا۔آرکائیو شدہ (Date missing) بذریعہ sciencechannel.jst.go.jp (Error: unknown archive URL)
== حوالہ جات ==