تھمپو

تھمپو بھوٹان کا دار الخلافہ ہے جس میں مضافاتی وادی بھی شامل ہے۔ ضلع تھمپو کی آبادی 98676 نفوس پر مشتمل ہے اور بھوٹان کا عظیم ترین شہر بھی ہے۔ سطح سمندر سے اس کی بلندی 2320 میٹر ہے۔

تھمپو
(تبتی میں: ཐིམ་ཕུ་)
تاریخ تاسیس	1955
انتظامی تقسیم
ملک	بھوٹان
دار الحکومت برائے	بھوٹان
تقسیم اعلیٰ	تھمپھو ضلع
جغرافیائی خصوصیات
متناسقات	27°28′17″N 89°38′01″E
رقبہ	27 مربع کلومیٹر
بلندی	2321 میٹر
آبادی
کل آبادی	114551 (مردم شماری ) (2017)
مزید معلومات
اوقات	متناسق عالمی وقت+06:00
فون کوڈ	232،  233،  234
قابل ذکر
باضابطہ ویب سائٹ	باضابطہ ویب سائٹ
جیو رمز	1252416

تھمپو کا جنوبی منظر

جائزہ

1961ء میں تھمپو کو باقاعدہ شہر تصور کیا گیا اور اسے بھوٹان کا دارالحکومت بنا دیا گیا۔ 1960ء سے پہلے تک تھمپو ایک چھوٹا قصبہ تھا جس کو شاہ جگ مے دورجے نے اس کو ترقی دے کر قدیم دار الحکومت پوناکھا سے تبدیل کر دیا۔
یہ شہر وقت کے ساتھ ترقی کی منازل طے کرتا گیا اور آج یہ دریائے وانگ چو کے مغربی جانب موجود ہے، یہاں سرکاری دفاتر موجود ہیں۔ اس وادی میں آبادی تیزی سے بڑھی ہے اور شہر کے مرکز کو تقریباً نئے سرے سے تعمیر کیا گیا ہے۔ شہری علاقے کے ساتھ ساتھ مضافاتی دیہی علاقے نے بھی اس دوران میں خاطر خواہ ترقی کی ہے۔ یہاں کا سب سے اہم مقام نورزن لین ہے جہاں دکانیں، ریستواں، تجارتی مراکز اور عوامی تعمیرات ہیں۔
اس شہر میں اب جابجا رہائشی منصوبے، تجارتی مراکز وغیرہ تعمیر کیے گئے ہیں۔ ایک قانون کے تحت یہاں تعمیرات کے لیے لازم ہے کہ وہ بدھا طرز تعمیر کی آئینہ دار ہوں اور ان کو بھوٹانی فن مصوری سے آراستہ کیا جانا لازمی ہے۔ دریا کے کنارے پر دکانیں اور سیاحتی مقامات دیکھنے سے تعلق رکھتے ہیں۔

بیرونی روابط

• بھوٹان کے دار الحکومت ،تھمپو کے بارے میں چند دلچسپ حقائق

]