دار العلوم جامعہ رضویہ مظہر الاسلام
دار العلوم جامعہ رضویہ مظہر الاسلام یہ دار العلوم فیصل آباد میں احناف بریلی کا ایک اہم مرکز ہے۔
| ||||
|---|---|---|---|---|
| معلومات | ||||
| تاسیس | مطابق 1950ء | |||
| الحاق | اسلام | |||
| نوع | دینی درسگاہ | |||
| محل وقوع | ||||
| شہر | فیصل آباد | |||
| ملک | پاکستان  |
|||
| شماریات | ||||
| طلبہ و طالبات | 2000+ (سنة ؟؟) | |||
درستی - ترمیم  | ||||
مکمل نام
ترمیماس کا مکمل نام مرکزی دار العلوم جامعہ رضویہ مظہر الاسلام گلستان محدث اعظم جھنگ بازار، فیصل آباد ہے۔
بانی
ترمیممولانا سردار احمد شیخ الحدیث و سابق صدرالمدرسین مدرسہ عالیہ اجمیر نے اس کی بنیاد رکھی اور خود اس کے پہلے صدر مدرس مقرر ہوئے۔ جامعہ رضویہ مظہر الاسلام کو گلستان محدث کے طور پر بھی پکارا جاتا ہے۔[1]
تاریخی علمی کاوشیں
ترمیمیہ دار العلوم شہر کے گنجان آباد جھنگ بازار کے کاروباری علاقے میں واقع ہے۔ اس کی وسیع عمارت ہے اور ایک مسجد ہے جس کا مینار فیصل آباد کا سب سے اونچا مینار ہے اور یہ مینارہ نور ہے جہاں سے دینی تعلیم کی شعائیں تمام ملک میں پھیل رہی ہیں۔ اس جامعہ کے ساتھ ملک کے میں 50 سے زائد دوسرے مدارس بھی وابستہ ہیں خصوصاً فیصل آباد کی اکثر مساجد اور دینی اداروں میں جامعہ رضویہ سے فارغ التحصیل علما کام کر رہے ہیں۔ ان علما کی اپنے مدرسہ کے ساتھ بہت ہی محبت وانسیت ہے۔ اس لیے اس ادارہ کو بریلوی مسلک کی مرکزی درسگاہ کا مقام حاصل ہے۔[2]
لائبریری
ترمیمدار العلوم میں کتب خانہ کے لیے وسیع و عریض لائبریری کا کمرہ ہے یہاں کا کتب خانہ نہایت ہی عظیم الشان ہے اور اس وقت تک تقریباً بیس ہزار کتب لائبریری میں موجود ہیں جن میں درسی کتب، قلمی مسودے مطبوعہ و غیر مطبوعہ کتب دینی و اسلامی موضوعات پر نادر علمی کتابیں شامل ہیں۔ [3]