جمبول جبائیف

جمبول جبائیف (قازق زبان:Жамбыл Жабаев) (پیدائش: 28 فروری 1846ء - وفات: 22 جون 1945ء) قازقستان کے شاعر، روایتی لوگ گلوکار اور داستان گوتھے جنہیں قازقستان میں ایک افسانوی حیثیت حاصل ہے۔

جمبول جبائیف
(قازق میں: Жамбыл Жабаев)
معلومات شخصیت
پیدائش	16 فروری 1846ء   الماتی صوبہ
وفات	22 جون 1945ء (99 سال)  الماتی
شہریت	سوویت اتحاد (30 دسمبر 1922–) سلطنت روس (1847–)
عملی زندگی
پیشہ	شاعر ،  گلو کار-گیت نگار
پیشہ ورانہ زبان	قازق زبان
اعزازات
اسٹالن انعام    آرڈر آف دی ریڈ بینر آف لیبر  آرڈر آف لینن
باب ادب

حالاتِ زندگی

جمبول جبائیف روسی سلطنت میں قازقستان کے سب سے بڑے شہر الماتی میں 28 فروری 1846ء کو پیدا ہوئے۔ عوام میں انھیں بے مثال شہرت و مقبولیت حاصل تھی۔ انھوں نے سو سال کچھ ہی کم کی عمر پائی۔ انقلاب سے پہلے کے طویل برسوں میں کی تخلیقات کا موضوع عوام کے مفادات کی محافظت، زارشاہی حکومت کے ظالم عہدے داروں اور مقامی جاگیرداروں کی مخلافت تھا۔ سوویت اقتدار کے برسوں میں قازقستان کے اس توانا اور دانشمند استاد کو کل سوویت یونین اور عالمگیر شہرت حاصل ہوئی۔ ان کی وطن دوستانہ نظموں کے ترجمے سوویت یونین کی بہت سی زبانوں میں ہو چکے ہیں۔

قازقستان میں ان کے آبائی شہر کا نام انھیں کے نام پر جمبول رکھا گیا۔ حب الوطنی کی جنگِ عظیم کے برسوں میں ان کی نظمیں اخباروں اور رسالوں میں شائع ہوئیں اور ان سے سرخ فوج کے جانبازوں نے جنگی کارنامے انجام دینے کا وجدان حاصل کیا۔

سوویت یونین کا جاری کیا گیا جمبول کا 125 سالہ جشن پیدائش کی یاد میں ڈاک ٹکٹ

جمبول جبائیف نے بچپن ہی سے تنبورا چلانا سیکھا۔ 14 سال کی عمر میں گھر چھوڑ کر تنبورے کے ساتھ روایتی لوگ گلوکاری شروع کی۔

تخلیقات

• قوموں کی دوستی (نظم)

اعزازات

قازقستان کا جاری کیا گیا جمبول کی یاد میں ڈاک ٹکٹ

• 1971ء - جمبول جبائیف کے 125 سالہ جشن پیدائش کی یاد میں ڈاک ٹکٹ کا اجرا روس
• 1996ء - جمبول جبائیف کے 150 سالہ جشن پیدائش کی یاد میں یادگاری ڈاک ٹکٹ کا اجرا قازقستان
• 1996ء - جمبول جبائیف کے 150 سالہ جشن پیدائش کی یاد میں 20 ٹینجگ کے سکے کا اجرا قازقستان

وفات

قازقستان کے عظیم شاعر جمبول جبائیف 99 سال کی عمر میں 100 سالہ سالگرہ سے 8 ماہ بیشتر 22 جون 1945ء کو الماتی، قازقستان میں وفات پا گئے اور الماتی کے اپنے ہاتھوں سے لگائے ہوئے باغ میں مدفن ہوئے۔