جیک لندن

جیک لندن (انگریزی: Jack London) (پیدائش: 12 جنوری 1876ء - وفات: 22 نومبر 1916ء) امریکی ادیب، اپنے دور کے مقبول ترین ناول نگار، افسانہ نگار، صحافی اور مضمون نگار تھے۔

جیک لندن
(انگریزی میں: Jack London)
معلومات شخصیت
پیدائشی نام	(انگریزی میں: John Griffith Chaney)
پیدائش	12 جنوری 1876ء   سان فرانسسکو
وفات	22 نومبر 1916ء (40 سال)
وجہ وفات	زہر ،  نشے کی زیادتی
طرز وفات	طبعی موت ،  قتل ،  خود کشی
شہریت	ریاستہائے متحدہ امریکا
عملی زندگی
مادر علمی	جامعہ کیلیفورنیا، برکلے
پیشہ	مصنف ،  صحافی ،  ناول نگار ،  جنگی نامہ نگار ،  مضمون نگار ،  آپ بیتی نگار ،  منظر نویس ،  سائنس فکشن مصنف ،  بچوں کے مصنف ،  سفرنامہ نگار ،  نثر نگار ،  شاعر ،  روزنامچہ نگار ،  سیاح
پیشہ ورانہ زبان	انگریزی
شعبۂ عمل	صحافت ،  سفر
دستخط
	IMDB پر صفحات
باب ادب

حالات زندگی

جیک لندن 12 جنوری 1876ء کو سان فرانسسکو، کیلیفورنیا، ریاستہائے متحدہ امریکا میں پیدا ہوئے۔ لڑکپن سے ہی بڑے مہم جو تھے۔ 17 سال کی عمر می جہازوں کے عملے میں بھرتی ہو گئے اور جاپان چلے گئے۔ سمندر سے چوری چھپے موتی نکالتے رہے۔ ملک میں سونے کی دوڑ مچی تو اس میں بھی شریک ہو گئے۔ روس اور جاپان کی جنگ کے دوران اخباری نمائندہ بن کر پہنچ گئے اور 1914ء میں جنگی خبر رساں بن کر میکسیکو گئے۔ جنک لندن کی کہانیوں میں ان ہی مہموں اور تجربات کی عکاسی ہے۔ 1900ء سے اس کی کہانیاں چھپنی شروع ہوئیں۔ پہلے یہ رسالوں میں چھپیں۔ شروع کی کہانیوں میں سن آف وی وولف (Son of the Wolf) اور ٹیلس آف دی فار نارتھ (Tales of the Far North) کافی مشہور ہوئیں۔ کال آف دی وائلڈ (Call of the Wild) ان کی کتوں کے بارے میں کہانیاں ہیں۔ کتوں پر اتنی عمدہ کہانیاں اور کہیں نہیں ملتی ہیں۔ ان کی بعض کہانیان اس کی اپنی زندگی کے واقعات پر مبنی ہیں، ان میں اسموک بلو (Smoke Bellew)، مارٹن ایڈن (Martin Eden) وغیرہ قابلِ ذکر ہیں۔ جیک لندن کو کہانیوں کے لیے اس زمانے میں سب سے زیادہ ماوضہ ملتا تھا لیکن وہ ادیب کے علاوہ سوشلسٹ بھی تھے اور اس کے نزدیک اپنے لکھے ہوئے رسالوں کی افسانوں اور ناولوں کے مقابلہ میں زیادہ قدر تھی۔ جیک لندن نے ایک پچاس فٹ لمبی کشتی پر پورے کرہ ارض کا چکر بھی لگایا تھا۔ دی کروز آف دی اسمارک (The Cruise of the Smark) میں انھوں نے اس سفر کی تفصیل بڑے دلچسپ انداز میں لکھی ہے۔ ان کی تصنیفات کے علاوہ اس کی سوانح عمری بھی شائع ہوئی ہے۔ جیک لندن 22 نومبر 1916ء کو گلین ایلن، کیلیفورنیا میں انتقال کر گئے۔

مزید دیکھیے

• انٹرنیٹ آرکائیو پر جیک لندن کی کتابیں
• جہانِ جیک لندن (تخلیقات کی مفصل معلومات
• جیک لندن کی کہانیاں (اصل جرائد سے اسکین شدہ)آرکائیو شدہ بذریعہ carl-bell.baylor.edu
• جیک لندن کے ذاتی مسودات
• جیک لندن کی حیات اور تخلیقی ورثہ