"سورہ روم" کے نسخوں کے درمیان فرق

نبی {{درود}} کی نبوت سے 8 سال پہلے کا واقعہ ہے کہ قیصر{{زیر}} روم [[ماریس]] (Mauric) کے خلاف بغاوت ہوئی اور ایک شخص [[فوکاس]] (Phocas) تخت{{زیر}} سلطنت پر قابض ہو گیا۔ اس شخص نے پہلے تو قیصر کی آنکھوں کے سامنے اس کے پانچ بیٹوں کو قتل کرایا، پھر خود قیصر کو قتل کراکے باپ بیٹوں کے سر [[قسطنطنیہ]] میں برسر{{زیر}} عام لٹکوادیے، اور اس کے چند روز بعد اس کی بیوی اور تین لڑکیوں کو بھی مروا ڈالا۔ اس واقعے سے ایران کی [[ساسانی سلطنت]] کے بادشاہ [[خسرو پرویز]] کو روم پر حملہ آور ہونے کے لیے بہترین اخلاقی بہانہ مل گیا۔ قیصر ماریس اس کا محسن تھا۔ اسی کی مدد سے پرویز کو ایران کا تخت نصیب ہوا تھا۔ اسے وہ اپنا باپ کہتا تھا۔ اس بنا پر اس نے اعلان کیا کہ میں غاصب فوکاس سے اس ظلم کا بدلہ لوں گا جو اس نے میرے مجازی باپ اور اس کی اولاد پر ڈایا ہے۔ 603ء میں اس نے سلطنت روم کے خلاف جنگ کا آغاز کیا اور چند سال کے اندر وہ فوکاس کی فوجوں کو پے در پے شکستیں دیتا ہوا ایک طرف [[اناطولیہ|ایشیائے کوچک]] میں [[ایڈیسا]] (موجودہ [[اورفا]]) تک اور دوسری شام میں [[حلب]] اور [[انطاکیہ]] تک پہنچ گیا۔ روم کے اعیان{{زیر}} سلطنت یہ دیکھ کر کہ فوکاس ملک کو نہیں بچا سکتا، [[افریقہافریقا]] کے گورنر سے مدد کے طالب ہوئے۔ اس نے اپنے بیٹے [[ہرقل]] (Heraclius) کو ایک طاقت ور بیڑے کے ساتھ قسطنطنیہ بھیج دیا۔ اس کے پہنچتے ہی فوکاس معزول کر دیا گیا، اس کی جگہ برقل قیصر بنایا گیا، اور اس نے برسر اقتدار آکر فوکاس کے ساتھ وہی کچھ کیا جو اس نے ماریس کے ساتھ کیا تھا۔ یہ 610ء کا واقعہ ہے اور یہ وہی سال ہے جس میں نبی {{درود}} اللہ تعالٰی{{ا}} کی طرف سے منصب{{زیر}} نبوت پر سرفراز ہوئے تھے۔