خالد محمود

خالد محمود (پیدائش: 15 جنوری 1948ء) ایک بھارتی ادیب اور اردو زبان کے مصنف ہیں۔ وہ اردو زبان و ادب کے ایک استاد، خوش فکر شاعر، طنز و مزاح نگار، مترجم اور نقاد بھی ہیں۔

خالد محمود
معلومات شخصیت
پیدائش	15 جنوری 1948ء سرونج، ودیشا ضلع، مدھیہ پردیش بھارت
رہائش	نئی دہلی، بھارت
مذہب	اسلام
پیشہ	ادب سے وابستگی

بچپن اور تعلیم

خالد محمود صاحب، ریاست مدھیہ پردیش، ودیشہ ضلع کے سرونج میں پیدا ہوئے۔ والد محترم احمد شاہ خاں (عبید میاں) بہت ہی خلیق شخصیت تھے۔ آپ کی ابتدائی تعلیم سرونج کے ریاض المدارس میں ہوئی۔ یم اے (اردو) اور بی ایڈ سفینہ کالج بھوپال سے کیا۔ پی ایچ ڈی جامعہ ملیہ اسلامیہ، نئی دہلی سے کیا۔

پیشہ ورانہ سفر

آپ درس و تدریس سے جڑے رہے، بحیثیتِ لکچرر دہلی کی جامعہ سینئر سیکنڈری اسکول سے درسی سفر کا آغاز ہوا۔ ترقی کرتے کرتے جامعہ ملیہ اسلامیہ میں شعبئہ اردو کے صدر بھی بنے۔

ادبی سفر

جامعہ ملیہ اسلامیہ میں شعبئہ اردو کے صدری منصب کے دوران آپ کی ادبی خدمات کافی تیز رہیں۔ درس و تدریس کے علاوہ، خوش فکر شاعری، طنز و مزاح نگاری، مترجم اور تنقید نگاری کے اصناف میں دلچسپی کی وجہ سے انھیں کئی اصنافِ سخن پر طبع آزمائی کرنے کا موقع ملا۔ ان کی انھیں صنفی صفات کی بنا پر شہرت ملی۔ اور گوشئہ اردو میں ہر دلعذیز بھی تسلیم کیے جاتے ہیں۔ آپ نے متعدد ناولوں اور کہانیوں کو اردو کے قالب میں ڈھالا ہے۔ ان کی تصنیف اردو سفر ماموں کا تنقیدی مطالعہ، پی ایچ ڈی کا مقالہ ہے جسے ہند و پاک میں قدر کی نگاہ سے دیکھا جاتا ہے۔ اردو اکیڈمی کی درخواست پر آپ نے شاہ مبارک آبرو پر مونوگراف تحریر کیا۔

مطبوعات

خالد محمود نے اردو شاعر شاہ مبارک آبرو کی حیات و خدمات پر شاہ نجم الدین مبارک آبرو نام سے سوانح لکھی ہے۔ اس کے علاوہ ان کی بعض تصانیف درج ذیل ہیں:

• ادب کی تعبیر : مضامین کا مجموعہ
• اردو سفر ناموں کا تنقیدی مطالعہ
• تفہیم و تعبیر : مضامین
• سمندر آشنا : غزلیں
• شعر چراغ : شعری مجموعہ، اردو اور ہندی
• شگفتگی دل کی
• ملکہ بغداد

ترتیب و تالیف

درسی کتب برائے ین سی ای آر ٹی۔ نیشنل اوپن اسکول، سی بی ایس ای اندرا گاندھی نیشنل اوپن یونیورسٹی، مولانا آزاد نیشنل اردو یونیورسٹی، شعبئہ اردو جامعہ ملیہ اسلامیہ، نصاب برائے کمپیوٹر، ویب اساس اردو آموزش (بذریعہ ہندی انگریزی)۔

انعامات و اعزازات

• ساہتیہ اکیڈمی دہلی برائے اردو ترجمہ
• اردو اکیڈمی دہلی
• مغربی بنگال اردو اکیڈمی
• اتر پردیش اردو اکیڈمی
• کل ہند میر تقی میر ایوارڈ برائے شاعری ایوارڈ - مدھیہ پردیش اردو اکیڈمی

مزید پڑھیے

• سیفی سرونجی، مدیر (2009)۔ خالد محمود: شخصیت اور فن۔ سرونج: سدبھاؤنا منچ پبليکيشنز۔ OCLC 496599829 

بیرونی روابط

http://jmi.ac.in/upload/employeeresume/khalid_urdu.pdf*آرکائیو شدہ بذریعہ jmi.ac.in https://rekhta.org/poets/khalid-mahmood/profile

• http://www.milligazette.com/news/10609-men-women-in-news*آرکائیو شدہ بذریعہ milligazette.com http://www.siasat.com/english/news/honouring-urdu-litterateur-life-time-unique-rare-moment* http://sahitya-akademi.gov.in/sahitya-akademi/awards/anuvad_samman_suchi.jsp#URDUآرکائیو شدہ بذریعہ sahitya-akademi.gov.in (Punjabi naval Gauri author Ajit Kaur translated by Khalid Mahmood (2005)* http://www.ncert.nic.in/departments/nie/del/activity/advisory_board/advisory_board.html