سائرہ خان (اداکارہ)

سائرہ خان (انگریزی: Saira Khan) سابق پاکستانی اداکارہ ہیں جنھوں نے فلموں اور ٹی وی میں کام کیا ہے۔ انھوں نے گھونگھٹ اور ڈریم گرل جیسی فلموں میں اداکاری کی ہے۔ بعد میں وہ دیندار ہوگئیں اور اداکاری سے توبہ کرلی۔

سائرہ خان (اداکارہ)
معلومات شخصیت
شہریت	پاکستان
عملی زندگی
پیشہ	ادکارہ
اعزازات
لکس اسٹائل اعزاز (2006)

کیریئر

سائرہ خان کا تعلق پاکستان کے شہر ملتان سے ہے۔ دسویں کے امتحانات میں اچھے نمبرات نہ آنے کی وجہ سے انھیں والد کی طرف سے عتاب کا خوف تھا اور اسی لیے وہ گھر سے بھاگ گئیں۔ وہ ملتان سے لاہور گئیں جہاں ایک اسٹوڈیو کے مالک سے ملاقات کر اس کے ساتھ کام کرنے کا شوق ظاہر کیا۔ انھوں نے سائرہ کے فوٹو شوٹ کا نظم کیا اور ایک ہداہتکار کر ان کا پورٹفولیو پیش کر دیا۔ ہدایتکار نے پہلی فرصت میں سائرہ کو اپنے نئے پروجیکٹ میں کام دے دیا۔ سائرہ نے فلم اور ٹی وی دونوں میں کام کیا اور کئی میوزک ویڈیو میں بی نظر آئیں۔ ان کی مشہور فلموں میں گھونگھٹ 1996ء میں ریلیز ہوئی جس میں ان کے ساتھ محسن خان کلیدی کردار میں نظر آئے۔ اس کے اگلے سال 1997ء میں ڈریم گرل آئی اور ان دونوں فلموں کی وجہ پاکستانی سنیما کے افق ایک نیا ستارہ جگمگانے لگا۔ ان دونوں فلموں میں انھوں نے کلیدی کردار ادا کیا۔ ٹی وی میں انھوں نے پرندھ میں خون نام کمایا۔ 2005ء کا بیٹی ڈراما ان کے شاہکار میں شامل ہے جس کی وجہ انھیں خوب شہرت ملی۔ ان کی دیگر فلموں میں ایک اور لو اسٹوری بھی بہت مشہور ہے جس کی ہدایتکاری کے فرائض سجاد خان نے انجام دئے اور اداکاری میں ان کے ساتھ سجاد علی خود اور نرما تھے۔

انھوں نے اچانک سنیما کی دنیا سے توبہ کرلی اور کنارہ کشی اختیار کرلی۔ ان کے مطابق سنیما کی دنیا جھوٹ اور فریب سے پر ہے۔ انھوں نے نہ صرف فلم سے توبہ کی بلکہ مذہب اسلام سے مکمل طور سے جڑ گئیں اور دعوت و تبلغ کا فریضہ انجام دینے لگیں۔ وہ اب جوہر ٹاؤن میں مقیم ہیں اور اپنے شوہر اور بچوں کے ساتھ رہتی ہیں۔ وہ مکمل نقاب میں رہتی ہیں اور مذہب پرست ہیں۔

فلمی سفر

#	سال	عنوان	ہدایتکار	زبان	حواشی
1	1996	گھونگھٹ	سید نور	اردو	پہلی فلم
2	1997	ڈریم گرل	سنگیتا	اردو
3	1998	احساس	سنگیتا	اردو
4	1999	گنز اینڈ روزیز	شان شاہد	اردو
5	1999	دا پختون لیونئے	شان	پشتو
6	1999	ایک اور لو اسٹوری	سجاد علی	اردو
7	2000	ہم کھلاڑی پیار کے	اقبال کاشمیری	اردو
9	2000	جنگل کوین	سید نور	اردو
10	2001	دلدل	سنگیتا	اردو