سُدھا کارس میوزیم ایک آٹو موبائل میوزیم ہے جو حیدرآباد، تلنگانہ، بھارت میں واقع ہے۔[1][2][3][4] اس میوزیم میں کئی "عجیب و غریب ہیئت" والی کاریں نمائش کے لیے رکھی گئی ہیں جو روز مرہ کی اشیاء سے مشابہت رکھتی ہیں۔ ان کاروں کی تخلیق کنیابویینا سدھاکر نے کی (جنہیں عام طور سے کے سدھاکر یا کے سدھاکر یادو کہا جاتا ہے)۔ انھوں نے اپنے اسکولی دور سے تخلیقی کام بطور شوق شروع کیا تھا اور اس میوزیم کی شروعات 2010ء مین کی تھی۔[5][6][7]
سدھاکر یادو کو بچپن سے موٹر کاروں اور میکانکی امور سے دل چسپی رہی تھی۔ اس نے اپنی پہلی کار 14 سال کی عمر میں ایجاد کی تھی جس کے لیے کوڑے دانوں کی اشیاء کو بہ روئے کار لایا گیا تھا۔ اس کا نام 2005ء میں سب سے اونچی سائیکل بنانے کے لیے گینیس ورلڈ ریکارڈز میں شامل کیا گیا تھا۔ یکم جولائی2005ء میں وہ حیدرآباد سب سے اونچی سہ پہیا سائیکل کو چلائے کا قد 12.67 میٹر (41.6 فٹ) تھا۔ سہ پہیا سائیکل کے پہیے کا قُطر 5.18 میٹر (17.0 فٹ) اور اس کی لمبائی 11.37 میٹر (37.3 فٹ) تھی۔[8][9] یادو اور ان کے میوزیم کا ذکر لمکا بک آف ریکارڈز میں موجود ہے اور اسے ریپلیز بیلیو ایٹ آر ناٹ! میں جگہ دی گئی ہے۔[10]
اس میوزیم کے سبھی نمونوں کے ساتھ ایک تختی موجود ہے جس میں کار بنانے کا سال، بنانے میں لگا وقت اور کار کی اعظم ترین رفتار لکھی ہوتی ہے۔ اس میوزیم میں دنیا کی سب سے چھوٹی ڈبل ڈیکر بس بھی موجود ہے جس 10 لوگ بیٹھ سکتے ہیں۔[10]
میوزیم کو بہت ہی محدود دائرے میں بنایا گیا ہے۔ اس کے علاوہ کاروں کے نمونوں کے عملی مظاہرے کم ہی ہوا کرتے ہیں۔ میوزیم کے آگے کوئی سائن بورڈ نہیں لگا ہے۔ شہر حیدرآباد میں بہت کم لوگ اس سے واقف ہیں یا کم ہی لوگ اسے جا کر دیکھ آئے ہیں۔ زیادہ تر سیاح انٹرنیٹ پر تلاش کر کے میوزیم کا رخ کرتے ہیں۔
