صفدر محمود

ڈاکٹر صفدر محمود سابق وفاقی سیکرٹری، کالم نگار اور دانشور روزنامہ جنگ میں کالم نگار تھے اور وہ "صبح بخیر" کے عنوان سے کالم لکھا کرتے تھے، اس کے علاوہ ڈاکٹر صفدر محمود کئی کتابوں کے مصنف بھی تھے۔

صفدر محمود
معلومات شخصیت
تاریخ پیدائش	30 ستمبر 1944ء
تاریخ وفات	13 ستمبر 2021ء (77 سال)
شہریت	پاکستان
مذہب	اسلام
عملی زندگی
پیشہ	کالم نگار ،  مصنف ،  صحافی ،  مورخ
اعزازات
تمغائے حسن کارکردگی
باب ادب

پیدائش

ڈاکٹر صفدر محمود 30 دسمبر 1944ء کو ڈنگہ (ضلع گجرات ) میں پیدا ہوئے۔

تعلیم

گورنمنٹ کالج لاہور سے بی اے آنرز اور پنجاب یونیورسٹی سے سیاسیات میں ایم اے کیا۔

عملی زندگی

کچھ عرصے تدریس کے شعبے سے وابستہ رہے۔ 1967ء میں سول سروس کا امتحان پاس کیا اور 1974ء میں پی ایچ ڈی کی سند حاصل کی۔ ڈاکٹر صفدر محمود متعدد انتظامی عہدوں پر فائز رہے۔ ادارہ قومی تحقیق و حوالہ،وزارت اطلاعات و نشریات کے ڈائریکٹر رہے۔ قائد اعظم یونیورسٹی کے شعبہ پاکستانیات میں تعلیم دی، پوسٹ گریجویٹ جماعتوں کو تاریخ پاکستان پڑھائی اور تحقیقی پروگرام مرتب کیے۔پھرکابینہ ڈویژن اسلام آباد کے شعبہ تحقیق کے سربراہ رہے۔ حکومت پنجاب کے محکمہ اطلاعات و ثقافت اور بعد ازاں محکمہ تعلیم کے سیکرٹری رہے۔ مرکزی وزارت تعلیم کے سیکرٹری کے عہدے پر فرائض انجام دیے۔

ایوارڈ

حکومت پاکستان نے انھیں 14 اگست 1997ء کو صدارتی تمغہ حسن کارکردگی عطا کیا،

تصانیف

• سچ تو یہ ہے ۔ اس کتاب میں قائد اعظم اور تاریخ پاکستان کے حوالے سے پاکستان کے نظریاتی مخالفین کے بے بنیاد الزامات اور جھوٹ پر مبنی پراپیگنڈہ کا موثر انداز میں رد کیا ہے۔
• مسلم لیگ کا دور حکومت (1954ء تا 1974ء)
• پاکستان کیوں ٹوٹا،
• پاکستان:تاریخ و سیاست،
• درد آگہی (مضامین)
• سدابہار (مضامین)
• اقبال ، جناح اور پاکستان
• تقسیم ہند : افسانہ اور حقیقت
• علامہ اقبال، تصوف اور اولیاء کرام
• بصیرت
• امانت
• حیات قائد اعظم
• آئین پاکستان

وفات

13 ستمبر 2021ء کو لاہور میں وفات پاگئے، ڈیفینس، لاہور میں دفن کیے گئے، امریکا میں چند ماہ زیر علاج رہے، کچھ دن قبل واپس وطن آگئے تھے، مرض کے باعث یادداشت بھی چلی گئی تھی،

حوالہ جات

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔