علووالی کے ابتدائی حالات اور دور سکھ شاہی
ترمیم
1801 میں بعہد نواب محمد خان سدوزئی بستی چونیاں علو والی کو آباد کیا گیا۔ یہ خطہ ارض آبادکاری سے لے کر سکھوں کی آمد 1821 تک نوابزادگان آف ڈیرہ کی عملداری میں رہا۔ جس کی پہلی مرتبہ باضابطہ ملکیتی سند بھی بانی علو والی کے نام نواب آف ڈیرہ نے جاری کی۔ جبکہ 1821 میں یہ علاقہ سکھوں کی حکومت میں شامل ہو گیا۔ اس طرح ڈیرہ کے نوابوں اور سکھوں کا عرصہ اقتدار تقریباً 46 سال بنتا ہے ہے۔ اس چھیالیس سالہ دور حکومت میں گاؤں علووالی کے قیام تبدیلی نام اور بانیان علووالی کے قتل و غارت گری کے واقعات رونما ہوئے اور مالکان اعلیٰ کے مابین تقسیم جاگیر وغیرہ جیسے ذاتی تنازعات بھی سرگرم عمل رہے۔ علاوہ ازیں وصال حضرت معصوم شاہ کا مرحلہ طے ہوا، جس کے ساتھ ہی اس سرزمین کی تاریخ کا پہلا قبرستان جاری ہو گیا۔ قبل ازیں یہاں کوئی اپنا قبرستان موجود نہیں تھا۔ جبکہ متحدہ پنجاب کی مشہور و معروف گزرگاہ شیر شاہ سوری کی یادگار سڑک جرنیلی روڈ یہاں پہلے سے موجود تھی۔[1]
- ↑ تاریخ علو والی از اعجاز علو والوی، صفحہ 88
