عمارہ بن حزم
عمارہ بن حزم غزوہ بدر میں شامل انصاری صحابی ہیں۔
| عمارہ بن حزم | |
|---|---|
| معلومات شخصیت | |
| زوجہ | نوار بنت مالک |
| عسکری خدمات | |
| لڑائیاں اور جنگیں | مہمات نبوی کی فہرست ، غزوۂ بدر ، غزوہ احد ، غزوہ خندق |
درستی - ترمیم  | |
نام نسب
ترمیمعمارہ نام، سلسلۂ نسب یہ ہے،عمارہ بن حزم بن زید بن لوذان بن عمرو بن عبد عوف بن غنم بن مالک بن نجار، والدہ کا نام خالدہ تھا اور انس بن سنان بن وہب بن لوذان کی بیٹی تھیں۔
اسلام
ترمیملیلۃ العقبہ میں 70 انصار کے ساتھ بیعت کی۔
مؤخات
ترمیممحرز بن نضلہ سے اخوت ہوئی۔
غزوات
ترمیمغزوہ بدر، غزوہ احد، غزوہ خندق اور تمام غزوات میں شریک ہوئے،فتح مکہ میں بنو مالک بن نجار کا علم انہی کے پاس تھا۔
وفات
ترمیممرتدین کے جہاد میں خالد بن ولید کے ہمراہ تھے،مسیلمہ کذاب کی جنگ میں جسے یوم یمامہ کہتے ہیں،شہادت حاصل کی۔[1][2]
اولاد
ترمیممالک نام ایک لڑکا چھوڑا ،جس پرنسل منقطع ہو گئی۔
فضل وکمال
ترمیمزیاد بن نعیم نے ان سے چند حدیثیں روایت کی ہیں،جھاڑپھونک کا منتر جانتے تھے، آنحضرتﷺ نے فرمایا ذرا مجھ کو تو سناؤ، چونکہ شرک کے الفاظ سے خالی تھا، اس لیے آپ نے اجازت دی،چنانچہ ان کے خاندان میں عرصہ تک وہ منتر منتقل ہوتا رہا اورلوگ اس سے فائدہ اٹھاتے رہے۔