فریال گوہر
فریال گوہر ایک پاکستانی اداکارہ، ٹیلی ویژن کی مصنفہ اور انسانی حقوق کی کارکن ہیں۔ [1][2] وہ وارث، اڑان، چاندنی راتیں، چاند گرہن ، وصال اور موہنی مینشن کی سنڈریلاین میں اپنے کرداروں کے لیے جانی جاتی ہیں۔ [3]
| فریال گوہر | |
|---|---|
| معلومات شخصیت | |
| پیدائش | 18 دسمبر 1959 (64 سال) |
| شریک حیات | جمال شاہ |
| بہن/بھائی | |
| عملی زندگی | |
| پیشہ | ادکارہ، فلم اداکارہ |
درستی - ترمیم  | |
ابتدائی زندگی ترميم
فریال 18 دسمبر 1959ء کو لاہور، پاکستان میں پیدا ہوئیں۔ [4] انھوں نے لاہور امریکن اسکول میں تعلیم حاصل کی، انہیں کھیل کھیلنا اچھا لگتا تھا اور وہ سافٹ بال کھیلتی تھیں آخر کار وہ اپنے اسکول میں سافٹ بال کی کپتان بن گئیں۔ [5] اس کے بعد وہ کنیئرڈ کالج گئیں وہاں انھوں نے کھیلوں میں حصہ لیا۔ [4] بعد ازاں وہ سیاسی معاشیات کی تعلیم کے لیے کینیڈا چلی گئیں اور جامعہ میک گل میں تعلیم حاصل کی۔ [4] جامعہ میک گل سے گریجویشن کرنے کے بعد، وہ امریکا چلی گئیں اور انھوں نے لاس اینجلس میں جامعہ سدرن کیلیفورنیا میں تعلیم حاصل کی اور انھوں نے دستاویزی فلم کا مطالعہ کیا۔ [4]
عملی زندگی ترميم
فریال نے 1980ء میں پی ٹی وی پر بطور اداکارہ آغاز کیا [6][4] وہ اپنے شوہر جمال شاہ کے ساتھ ڈراما ٹریفک میں نظر آئیں۔ [4] پھر وہ ڈراموں اڑان، چاند گرہن اور چاندنی راتیں میں نظر آئیں۔ [4]
1984ء میں انہوں نے جامعہ بلوچستان میں فائن آرٹس کا شعبہ قائم کیا۔ [4] [7] وہ ٹیلی فلم گل پھینکے ہیں میں بھی جہاں آرا کے طور پر نظر آئیں [8] فریال نے اجوکا تھیٹر میں شمولیت اختیار کی جس کی بنیاد ان کی بہن مدیحہ نے رکھی تھی اور انہوں نے 1980ء سے 1990ء تک تھیٹر کیا، انہوں نے بہت سے اسٹیج ڈرامے بھی کیے۔ [9][4]
فریال کو 1999 ء میں اقوام متحدہ کے پاپولیشن فنڈ کے لیے یو این ایف پی اے کی خیر سگالی سفیر مقرر کیا گیا تھا [4]
2013ء میں وہ فلم زر گل میں یاسمین کے کردار میں نظر آئیں اور 2014ء میں وہ فلم تمنا میں میڈم فاطمہ کے کردار میں نظر آئیں۔ [10] پھر وہ ڈراما موہنی مینشن کی سنڈریلاین میں اداکارہ شبنم اور قوی خان کے ساتھ دارو ماسی کے کردار میں نظر آئیں۔ [11]
2018 ءمیں انہیں کینسر کیئر ہسپتال اور ریسرچ سنٹر کی طرف سے گڈ ول کینسر کیئر ایمبیسیڈر مقرر کیا گیا۔ [12]
فریال کو 2019 ءمیں فیڈریشن آف پاکستان کے صدر حیدر خان لہری نے گڈ ول سافٹ بال ایمبیسیڈر کے طور پر مقرر کیا تھا [5]
ذاتی زندگی ترميم
فریال نے اداکار جمال شاہ سے شادی کی لیکن کچھ سال بعد دونوں میں طلاق ہو گئی۔ [4] فریال نے امریکا میں کیلیفورنیا میں پاکستانی ڈاکٹر سے شادی کی لیکن یہ بھی طلاق پر ختم ہوئی۔ [13][4] فریال کی بڑی بہن اداکارہ مدیحہ گوہر کا 2018ء میں انتقال ہو گیا [14]۔ فریال اداکارہ سویرا ندیم کی خالہ اور اسکرین رائٹر شاہد ندیم کی بھابھی ہیں۔
فلموگرافی ترميم
ٹیلی ویژن ترميم
| سال | عنوان | کردار | نیٹ ورک |
|---|---|---|---|
| 1979ء | وارث | شہزادی | پی ٹی وی |
| 1982ء | سونا چندی | زیب | پی ٹی وی |
| 1989ء | ٹریفک | رومانہ | چینل 4 |
| 1992ء | وصال | زونیا | پی ٹی وی |
| 1995ء | چاند گرہن | گلبہار | پی ٹی وی |
| 1996ء | یوران | عامرہ | پی ٹی وی |
| 2002ء | چاندنی راتیں | ابگینی عامر | پی ٹی وی |
| 2012ء | بشریٰ انصاری کے ساتھ برنچ | خود کو | جیو نیوز |
| 2018ء | موہنی مینشن کی سنڈریلاین | دارو ماسی | بول انٹرٹینمنٹ [15] |
ٹیلی فلم ترميم
| سال | عنوان | کردار |
|---|---|---|
| 1990ء | گل پھینکے ہیں | جہان آرا |
فلم ترميم
| سال | عنوان | کردار |
|---|---|---|
| 1997ء | زر گل | یاسمین |
| 2014ء | تمنا | میڈم فاطمہ [16][17] |
موسیقی ویڈیو ترميم
| سال | نغمہ | گلوکار | نوٹس |
|---|---|---|---|
| 2010ءّ | کوئی دل میں | راحت فتح علی خان | ساتھی اداکار سلمان شاہد |
اعزازی سفیر ترميم
اعزازات اور نامزدگی ترميم
| سال | اعزاز | قسم | نتیجہ | عنوان | حوالہ |
|---|---|---|---|---|---|
| 2003ء | دوسرا لکس اسٹائل ایوارڈز | بہترین اداکارہ (ٹی وی) | نامزد | چاندنی راتیں | [18] |
کتاب ترميم
فریال نے اگست میں ایک تنقیدی ناول جس کا عنوان ہے گیلی زمین کی خوشبولکھا، جو آج کل کی خواہش اور نقصان کے بارے میں ہے [19][4] [20] پھر انھوں نے ایک اور کتاب لکھی جس کا عنوان تھا مزید تدفین کے لیے کوئی جگہ نہیں، جس میں سماجی و سیاسی صورتحال کے بارے میں تشویش کا ذکر کیا گیا تھا۔ [4]
حوالہ جات ترميم
- ↑ "Readings by Faryal Gohar: Author and rights activist shares her thoughts on social issues". The News International. جنوری 18, 2021.
- ↑ "Achieving women empowerment, gender equality govt cherished goal: Ch Sarwar". The Nation. ستمبر 28, 2021.
- ↑ "This Is the Worst Catastrophe to Hit Any State Since Biblical Times–Just Back from Pakistan, Faryal Ali Gohar Describes the Suffering from the Flood". Democracy Now!. فروری 2, 2021.
- ^ ا ب پ ت ٹ ث ج چ ح خ د ڈ ذ ر "Femme Faryal: A Woman of Accomplishment". Pakistaniat. 21 مئی، 2021.
- ^ ا ب پ ت "Faryal Gohar named Pakistan softball ambassador". Dawn News. نومبر 12, 2021.
- ↑ "PTV veteran brings lives of past, present celebrities to limelight". The Nation. جون 8, 2021. 15 دسمبر 2020 میں اصل سے آرکائیو شدہ. اخذ شدہ بتاریخ 26 مارچ 2022.
- ↑ "Ajoka's acting Master Class from today". The Nation. نومبر 12, 2021. 10 اگست 2018 میں اصل سے آرکائیو شدہ. اخذ شدہ بتاریخ 26 مارچ 2022.
- ↑ "Ajoka begins workshop for aspiring actors". Images.Dawn.
- ↑ "Young actors given tips at Ajoka theatre workshop". The News Internationl. جولائی 28, 2021.
- ↑ "Movie Review: Tamanna is not meant for the big-screen". Dawn News.
- ↑ "Leaving Pakistan and Lollywood was painful, says Shabnam". Images.Dawn.
- ^ ا ب "Mrs. Faryal A. Gohar joined Cancer Care Hospital & Research Center as Ambassador.". Cancer Care Hospital & Research Center (A Charitable Trust). ستمبر 1, 2021.
- ↑ "It took Bushra Ansari five years to open up about her divorce". The Express Tribune. اگست 10, 2021.
- ↑ "Veteran actress Madeeha Gohar passes away in Lahore". Dunya News. مارچ 20, 2021.
- ↑ "Veteran actor Shabnam will play her own superfan in upcoming Pakistani drama". Images.Dawn.
- ↑ "Tamanna to release on Pakistan Day". The Express Tribune.
- ↑ "'Tamanna' set to release worldwide in مارچ". Dawn News.
- ↑ "Lux Style Awards". 15 اکتوبر 2013 میں اصل سے آرکائیو شدہ. اخذ شدہ بتاریخ 22 فروری 2013.
- ↑ "English literary conference concludes". The Nation. اگست 27, 2021. 22 دسمبر 2017 میں اصل سے آرکائیو شدہ. اخذ شدہ بتاریخ 26 مارچ 2022.
- ↑ "'Address Book: A Publishing Memoir in the time of COVID' review: Championing women in print". The Hindu.