سری لنکا کرکٹ ٹیم پر حملہ
3 مارچ، 2009ء کو مقامی وقت کے مطابق صبح آٹھ بج کر چالیس منٹ پر 12 نامعلوم مسلح دہشت گردوں نے سری لنکا کی کرکٹ ٹیم کے کارواں کی بس کو قذافی اسٹیڈیم لاہور، پاکستان کے نزدیک دہشت گردی کا نشانہ بنایا۔[2] سری لنکن کرکٹر پاکستان کرکٹ ٹیم کے خلاف دوسرے ٹیسٹ میچ کی تیسرے دن کے کھیل کے لیے قذافی اسٹیڈیم جا رہے تھے۔ اس حملے میں سری لنکن کرکٹ ٹیم کے چھ ارکان زخمی اور پاکستان پولیس کے پانچ سپاہی ہلاک ہوئے۔[3] پولیس کے مطابق جائے وقوعہ سے دستی بم اور راکٹ لانچر برآمد ہوئے۔[4] سری لنکا کی کرکٹ ٹیم ممبئی میں دہشت گردی کی کاروائیوں کی وجہ سے بھارت کے دورے کی منسوخی کے بعد پاکستان کے دورے پر تھی۔ دوسرے ٹیسٹ میچ کو برابر قرار دے دیا گیا۔[5] حملے کے بعد سری لنکا کی کرکٹ ٹیم فوری طور پر اسٹیڈیم لے جایا گیا، جہاں سے ہنگامی طور پر پاک فضائیہ کے ہیلی کاپٹرز کے ذریعے لے جایا گیا[6] اور فوری طور پر اگلی دستیاب پرواز سے سری لنکا کی کرکٹ ٹیم کو وطن واپس بھیجنے کے انتظامات کردیے گئے۔[7]
| لاہور، پاکستان میں سری لنکن کرکٹ ٹیم پر حملہ | |
|---|---|
| فائل:Gaddafi stadium daytime.jpg | |
| مقام | لاہور، پاکستان |
| تاریخ | 3مارچ، 2009ء 8بج کر چالیس منٹ مقامی وقت کے مطابق [1] (UTC+5) |
| حملے کی قسم | گھات لگا کر حملہ |
| ہلاکتیں | پانچ پاکستانی پولیس اہلکار |
| زخمی | 6 سری لنکن کرکٹ کھلاڑی مع دو عملہ کے اہلکار اور ایمپائر حسن رضا |
| شرکا کی تعداد | 12 |
| دفاع کنندگان | پاکستانی پولیس |
دورے کا پس منظر
ترمیمپاکستان کا دورہ کرنے والی ٹیم کی حفاظت عرصہء دراز سے موضوعِ گفتگو رہی جبکہ حال ہی میں آسٹریلیا کی کرکٹ ٹیم نے حفاظتی نقطہء نظر سے پاکستان کا دورہ کرنے سے انکار کر دیا۔[8] مئی 2002ء میں نیوزی لینڈ نے اپنی کرکٹ ٹیم کو اُس وقت فوری طور پر پاکستان سے واپس بلالیا، جب نیوزی لینڈ کی کرکٹ ٹیم کے ہوٹل کے باہر ایک خود کش حملے میں 12 افراد ہلاک ہو گئے۔[9] سری لنکا کی کرکٹ ٹیم بھی پاکستان میں بھارتی کرکٹ ٹیم کی جگہ آئی تھی جو ممبئی حملوں کی وجہ سے کھیل میں حصہ نہ لے سکے۔[10]
حملہ
ترمیمسرکاری ذرائع کے مطابق، 12 مسلح دہشت گرد لبرٹی چوک کے نزدیک قذافی اسٹیڈیم کے راستے میں سری لنکا کی ٹیم کے لیے گھات لگاکر بیٹھے ہوئے تھے۔ جب سری لنکا کے کھلاڑیوں کی بس وہاں سے گذری تو دہشت گردوں نے بس پر فائرنگ شروع کردی، تاہم حفاظت پر مامور پولیس نے جوابی فائرنگ کی۔ اس کارروائی میں پانچ پولیس اہلکار جاں بحق ہوئے، 20 منٹ کی شدید فائرنگ کے بعد دہشت گرد وہاں سے فرار ہو گئے اور راکٹ لانچرز اور دستی بم وہیں چھوڑ گئے۔[3] مسلح افراد نے پہلے بس کے پہیوں کو نشانہ بنانے کی کوشش کی اور پھر بس اور اس میں سوار لوگوں پر فائرنگ شروع کی۔[11] حملہ آوروں نے بس پر ایک راکٹ بھی فائر کیا جو خطا ہو گیا اور قریب ہی بجلی کے کھمبے پر لگا۔ بس کے ڈرائیور مہر محمد خلیل نے بس نہیں روکی اور پانچ سو میٹر کے فاصلے سے ڈرائیونگ کرتا رہا، یہاں تک کہ بس اسٹیڈیم میں پہنچ گئی۔ حملہ آوروں نے بس کے نیچے ایک دستی بم بھی پھینکا جو بس کے گزرنے کے بعد پھٹا۔[12]
حملے کی ذمہ داری
ترمیمسری لنکا کے سرکاری ذرائع کے مطابق ان حملوں میں تامل ٹائیگر ملوث نہیں ہیں۔[13] جبکہ پاکستانی حکام کا کہنا ہے کہ یہ حملے ممبئی کے دہشت گردی کے حملوں سے بہت ملتے جلتے ہیں۔[3] وفاقی وزیر نبیل گبول نے الزام عائد کیا ہے کہ ان حملوں کے پیچھے بھارت کا ہاتھ ہے۔[14] طب الشرعی تجزیہ سے معلوم ہوا ہے کہ حملہ میں استعمال ہونے والا جیسا اسلحہ بھارتی فوج کے زیر استعمال ہے۔[15]
ردِ عمل
ترمیمپاکستان کے صدر آصف علی زرداری اور وزیرِ اعظم یوسف رضا گیلانی نے ان حملوں کی شدید مذمت کی ہے۔[16] سری لنکا کے صدر ماهیندا راجاپاکسا نے کہا ہے کہ “میں دہشت گردوں کی اس بزدلانہ کارروائی کی سختی سے مذمت کرتا ہوں، سری لنکا کے کھلاڑی پاکستان میں نیک خواہشات لے کر گئے تھے۔[17]
نقصانات
ترمیم
چھ پاکستانی پولیس کے اہلکار اور دو عام شہری ان حملوں میں جاں بحق ہوئے۔[18] جبکہ سری لنکن ٹیم کے کئی اراکین معمولی زخمی ہوئے، جن میں درج ذیل ارکان شامل ہیں:
- سمارا ویرا
- تھرنگا پرانا ویتانا
- کمارا سنگا کارا
- کپتان مہیلا جے وردھنے
- چمندا واس
- سورنگا لکمل
- اجنتا مہندس
سمارا ویرا اور پرانا ویتانا کو واقعے کے فوراً بعد اسپتال میں داخل کر دیا گیا جبکہ دیگر کھلاڑیوں کے زخم معمولی نوعیت کے تھے۔[12] سماراویرا کو ران پر جبکہ پرانا ویتانا کو سینے پر گولی کا زخم لگا۔[19] ٹیم کے نائب کوچ پاؤل فربریس بھی زخمی ہوئے۔[20] یہ اطلاعات بھی تھیں کہ ٹیم کے کوچ ٹریور بائیلس بھی معمولی زخمی ہوئے ہیں[21][22] تاہم بعد میں یہ اطلاعات غلط ثابت ہوئیں۔[18]
مزید دیکھیے
ترمیمحوالہ جات
ترمیم- ↑ سامے لائیو کا وقت پر مضمون
- ↑ "سری لنکا کی ٹیم پر حملے میں ملوث چار افراد پاکستانی پولیس نے گرفتار کرلئے۔"۔ SamayLive.com۔ 3 March 2009۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 مارچ 2009
- ^ ا ب پ "مسلح افراد کی سری لنکن کرکٹرز پر فائرنگ"۔ بی بی سی نیوز۔ 3 March 2009۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ "سری لنکن کرکٹ ٹیم پر فائرنگ"۔ گارڈین۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ "پاکستان بمقابلہ سری لنکا 2008/9"۔ Cricket Archive۔ 3 March 2009۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ "جیو سپر کا پاک فضائیہ کے ہیلی کاپٹرز پر مضمون"۔ 05 اگست 2009 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ "سری لنکن کھلاڑی واپس زخموں کے ساتھ وطن واپس"۔ 06 مارچ 2009 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ Ben Knight (9 اگست 2002ء)۔ "آسٹریلوی کرکٹ ٹیم نے پاکستان کا دورہ کرنے سے انکار کر دیا"۔ اے بی سی نیوز۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 3 مارچ، 2009ء
- ↑ "انٹرنیشنل کرکٹ کونسل میں بم دھماکے کے بعد شدید ہلچل"۔ بی بی سی کھیل۔ 8 May 2002۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 3 مارچ، 2009ء
- ↑ "سری لنکا نے دورے کی منظوری دے دی ۔ پاکستان بورڈ"۔ کرک انفو، پاکستان۔ 10 دسمبر، 2008ء۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 3 مارچ، 2009ء
- ↑ "حملے کے بعد سری لنکا کے کھلاڑی محفوظ اور خطرے سے باہر ہیں۔"۔ ٹیلیگراف۔ 3 March 2009۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 3 مارچ، 2009ء
- ^ ا ب سائمن برگس (3 March 2009)۔ "سری لنکا کے کھلاڑی پاکستان میں حملے میں بچ گئے۔"۔ دی ٹیلیگراف۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ Rizwan Ali (3 March 2009)۔ "مسلح افراد کا پاکستان میں سری لنکا کی کرکٹ ٹیم پر حملہ"۔ مشرتکہ مطبوعات۔ MSNBC.com۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 3 مارچ، 2009ء
- ↑ ذیشان حیدر (3 March 20009)۔ "پاکستانی وزیر کی جانب سے سری لنکا کی ٹیم پر حملے میں بھارت کے ملوث ہونے کا الزام"۔ Reuters۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 3 March 20009
- ↑ روزنامہ ڈان، 24 مارچ 2009ء،[مردہ ربط] "Indian hand seen in attack on Lanka’s team "
- ↑ "پاکستانی رہنماؤں کی جانب سے سری لنکا کی ٹیم پر حملے کی مذمت"۔ زین ہوا نیوز ایجنسی۔ 3 March 2009۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 3 مارچ، 2009ء
- ↑ "سری لنکن صد رکی جانب سے حملے کی مذمت"۔ اے ایف پی۔ خلیج ٹائمز۔ 3 March 2009۔ 08 جون 2011 میں اصل سے آرکائیو شدہ۔ اخذ شدہ بتاریخ 03 مارچ 2009
- ^ ا ب "سری لنکن کرکٹ ٹیم پر فائرنگ"۔ اسکائی نیوز۔ 3 مارچ، 2009ء۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ سائمن برگس (3 March 2009)۔ "سری لنکا کی کرکٹ ٹیم پر حملہ:کمارا سنگا کارا پاکستان میں فارئرنگ سے زخمی"۔ دی ٹیلیگراف۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ "حملے کے بعد لاہور ٹیسٹ منسوخ"۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ Rizwan Ali۔ "Sri Lankan cricket team attacked in Pakistan"۔ Associated Press۔ 04 مارچ 2009 میں اصل سے آرکائیو شدہ۔ اخذ شدہ بتاریخ 03 مارچ 2009
- ↑ "پانچ سری لنکن کھلاڑی زخمی۔ وزیرِ کھیل"۔ مشترکہ مطبوعات۔ 06 مارچ 2009 میں اصل سے آرکائیو شدہ۔ اخذ شدہ بتاریخ 03 مارچ 2009