ماہ نور حیدر

ماہ نور حیدر ایک پاکستانی اداکارہ اور ماڈل ہیں۔ وہ ڈراما اولاد میں اپنے کردار کے لیے جانی جاتی ہیں۔ وہ فلم پارچی طیفا ان ٹربل میں نتاشا کے کردار اور فلم طیفا ان ٹربل میں سارہ کے کردار کے لیے مشہور ہیں۔ وہ زائر نامی اپنا فیشن برانڈ چلاتی ہیں۔

ماہ نور حیدر
معلومات شخصیت
پیدائش	14 ستمبر 1995ء (29 سال)
عملی زندگی
پیشہ	ادکارہ
	IMDB پر صفحہ

ابتدائی زندگی

ماہ نور 1995ء میں 14 ستمبر کو لاہور، پاکستان میں پیدا ہوئیں۔ انھوں نے بیکن ہاؤس نیشنل یونیورسٹی سے اپنی تعلیم مکمل کی، انھوں نے بصری کمیونیکیشن ڈیزائن میں ڈگری حاصل کی ہے۔

عملی زندگی

انھوں نے اسکول میں تھیٹر بھی کیا، انھوں نے 2011ء میں عمیر اشفاق کے ڈرامے دی وِل کے لیے لاہور کی مشہور الحمرا آرٹس کونسل میں اسٹیج پرفارمنس دی، انھوں نے ایشوریہ نامی سکھ خاتون کا کردار نبھایا اور اس کے بعد انھوں نے دوسرا ڈراما کیا جو فرینک ان گجر تھا۔ ہدایت کاری سبحان احمد بھٹہ کی تھی ماہ نور نے سب سے پہلے 7 سال کی عمر میں ماڈلنگ شروع کی۔

انھوں نے سب سے پہلے باریزے کے لیے اپنا فیشن شوٹ کیا۔ پانچ سال تک انھوں نے کھادی، نشاط لینن، ماریہ بی، کیسریا، الکرم اسٹوڈیو، بیچٹری، چارزمہ، چن ون، کلائیو شوز، لائم لائٹ، رنگ جا، رنگریز، شو پلانیٹ اور دی کلوسیٹ جیسے برانڈز کے لیے ماڈلنگ کی۔ وہ سکن کیئر برانڈ اور کونیچرل کے لیے بھی ماڈل تھیں۔

ماہ نور نے بعد میں ٹی وی اشتہارات اور ایڈیٹریل کرنے کا فیصلہ کیا۔ 2016ء میں وہ جل کی میوزک ویڈیو لایاں لایاں میں گوہر ممتاز کے مقابل نظر آئیں۔

2018ء میں انھوں نے عمران کاظمی کی فلم پرچی سے فلموں میں اداکاری شروع کی، جس کی ہدایت کاری اظفر جعفری نے کی تھی۔ یہ فلم بلاک بسٹر ثابت ہوئی جس میں نتاشا کے ماہ نور کردار کو اخبارات اور رسائل میں مثبت جائزے ملے۔

اسی سال جولائی میں وہ طیفا ان ٹربل میں نظر آئیں ان کا کردار سارہ کا تھا۔ اس فلم کی ہدایت کاری احسن رحیم نے کی تھی اور اس میں علی ظفر، مایا علی، جاوید شیخ، فیصل قریشی اور سمی راحیل شامل تھے طیفا ان ٹربل ملک کی سب سے زیادہ کمائی کرنے والی فلموں میں سے ایک بن گئی ان کے کردار کو مثبت جائزوں سے نوازا گیا۔

2019ء میں، وہ رات شبنمی کے لیے سٹرنگز میوزک ویڈیو میں نظر آئیں۔ ان کی پرفارمنس کے ساتھ میوزک ویڈیو نے میڈیا کی توجہ اور تعریف حاصل کیں۔

2020ء میں انھیں اے آر وائی ڈیجیٹل پر نشر ہونے والے ڈراما اولاد میں مسکان کا کردار دیا گیا جسے انھوں نے قبول کر لیا۔ وہ علی ظفر کے بھائی دانیال ظفر کی میوزک ویڈیو سو لانگ، الوداع میں بھی نظر آئیں۔ اگلے سال وہ محسن عباس حیدر کے ساتھ فلم نصیبا میں نظر آئیں۔

ذاتی زندگی

ان کی شادی بزنس مین ضرار مصطفٰی سے ہوئی، دونوں نے 4 اپریل 2018ء میں شادی کی وہ تین زبانوں پر عبور رکھتی ہیں جن میں انگریزی، اردو اور پنجابی شامل ہیں اور اردو شاعری سے محبت کرتی ہیں۔

فلموگرافی

ٹیلی ویژن

سال	عنوان	کردار	نیٹ ورک
2020ء	اولاد	مسکان	اے آر وائی ڈیجیٹل
2021ء	جیتو پاکستان لیگ سیزن 2	خود	اے آر وائی ڈیجیٹل
2021ء	عشق ہے	نمرہ	اے آر وائی ڈیجیٹل

فلم

سال	عنوان	کردار
2018ء	پرچی	نتاشا
2018	طیفا ان ٹربل	سارہ
2020	نصیبا	نعیمہ
2021	تم… میں… ہم	آئرہ

میوزک ویڈیوز

سال	بینڈ/گلوکار	نغمہ
2016ء	جل	لئیاں لئیاں
2019ء	ڈور	رات شبنمی
2020	دانیال ظفر	اتنی دیر، الوداع

بیرونی روابط

• انسٹا گرام پر ماہ نور حیدر
• ماہ نور حیدر فیس بک پر  
• ماہ نور حیدر ٹویٹر پر 
• انٹرنیٹ مووی ڈیٹابیس (IMDb) پر ماہ نور حیدر